Eka-Dhamma Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[88]

[1][pts][bodh] Evam me sutaṃ:|| ||

Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Nāhaṃ bhikkhave, aññaṃ eka-dhammam pi samanupassāmi yo evaṃ bhāvitā bahulī-katā||
saṃyojaniyānaṃ dhammānaṃ pahānāya saṃvaṭṭanti||
yad idaṃ satta bojjh'aṇgā.|| ||

Katame satta?|| ||

Sati-sambojjh'aṇgo||
dhamma-vicaya-sambojjh'aṇgo||
viriya-sambojjh'aṇgo||
pīti-sambojjh'aṇgo||
passaddhi-sambojjh'aṇgo||
samādhi-sambojjh'aṇgo||
upekhā-sambojjh'aṇgo.|| ||

Kathaṃ bhāvitā ca bhikkhave, satta bojjh'aṇgā||
kathaṃ bahulī-katā||
saṃyojaniyānaṃ dhammānaṃ pahānāya saṃvaṭṭanti?|| ||

"Idha bhikkhave, Bhikkhu||
sati-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Dhamma-vicaya-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Viriya-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Pīti-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Passaddhi-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Samādhi-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

■

Upekkhā-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||

Evaṃ bhāvitā kho bhikkhave, satta bojjh'aṇgā||
evaṃ bahulī-katā||
saṃyojaniyānaṃ dhammānaṃ pahānāya saṃvaṭṭanti.|| ||

■

[89] Katame ca bhikkhave, saṃyojaniyā dhammā?|| ||

Cakkhuṃ bhikkhave, saṃyojaniyo dhammo.|| ||