Saṃyutta Nikāya
5. Mahā-Vagga
46. Bojjhaṅga Saṃyutta
4. Nīvaraṇa Vagga
Sutta 34
Dutiya Kilesa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Satt'ime bhikkhave, bojjh'aṅgā||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Katame satta?|| ||
Sati-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Dhamma-vicaya-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Viriya-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Pīti-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Passaddhi-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Samādhi-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Upekhā-sambojjh'aṅgo kho bhikkhave,||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭanti.|| ||
Ime kho bhikkhave, satta bojjh'aṅgā||
anāvaraṇā||
anīvaraṇā||
cetaso anupakkilesā bhāvitā||
bahulī-katā||
vijjā-vimutti-phala-sacchi-kiriyāya saṃvaṭṭantī" ti.|| ||
