Saṃyutta Nikāya
5. Mahā-Vagga
46. Bojjhaṅga Saṃyutta
5. Cakka-Vatti Vagga
Sutta 46
Dalidda Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Atha kho aññataro bhikkhu yena Bhagavā ten'upasaṅkami.|| ||
Upasaṅkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho so bhikkhu Bhagavantaṃ etad avoca:|| ||
"'Daliddo!|| ||
Daliddo!' ti bhante, vuccati.|| ||
Kittāvatā nu kho bhante,||
'Daliddo' ti vuccatī" ti?|| ||
"Sattannaṃ kho bhikkhu,||
bojjh'aṅgānaṃ abhāvitattā||
abahulī-katattā||
'Daliddo' ti vuccati.|| ||
Katamesaṅ sattannaṃ?|| ||
Sati-sambojjh'aṅgassa||
dhamma-vicaya-sambojjh'aṅgassa||
viriya-sambojjh'aṅgassa||
pīti-sambojjh'aṅgassa||
passaddhi-sambojjh'aṅgassa||
samādhi-sambojjh'aṅgassa||
upekhā-sambojjh'aṅgassa.|| ||
Imesaṃ kho bhikkhu, sattannaṃ bojjh'aṅgānaṃ||
abhāvitattā||
abahulī-katattā||
'Daliddo' ti vuccatī" ti.|| ||
