Saṁyutta Nikāya
5. Mahā-Vagga
47. Sati-Paṭṭhāna Saṁyutta
1. Ambapāli Vagga

Sutta 1

Ambapālī Suttaṁ

 

---

[141]

[1][pts][bodh] Evam me sutaṁ:|| ||

Ekaṁ samayaṁ Bhagavā Vesāliyaṁ viharati Ambapāli vane.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Ekāyano ayaṁ bhikkhave, Maggo||
sattāṇaṁ visuddhiyā||
soka-pari-d-davānaṁ||
samatikkamāya||
dukkha-domanassānaṁ||
atthaṅgamāya||
ñāyassa adhigamāya||
Nibbānassa sacchi-kiriyāya.|| ||

Yad idaṁ cattāro sati-paṭṭhānā.|| ||

Katame cattāro?|| ||

Idha bhikkhave, bhikkhu kāye kāy'ānupassī viharati||
ātāpī||
sampajāno||
satimā||
vineyya loke abhijjhā-domanassaṁ.|| ||

Vedanāsu vedan'ānupassī viharati||
ātāpī||
sampajāno||
satimā||
vineyya loke abhijjhā-domanassaṁ.|| ||

Citte citt'ānupassī viharati||
ātāpī||
sampajāno||
satimā||
vineyya loke abhijjhā-domanassaṁ.|| ||

Dhammesu Dhamm'ānupassī viharati||
ātāpī||
sampajāno||
satimā||
vineyya loke abhijjhā-domanassaṁ.|| ||

Ekāyano ayaṁ bhikkhave, Maggo||
sattāṇaṁ visuddhiyā||
soka-pari-d-davānaṁ||
samatikkamāya||
dukkha-domanassānaṁ||
atthaṅgamāya||
ñāyassa adhigamāya||
Nibbānassa sacchi-kiriyāya.|| ||

Yad idaṁ cattāro sati-paṭṭhānā.|| ||

Idam avoca Bhagavā.|| ||

Attamanā te bhikkhu Bhagavato bhāsitaṁ abhinandunti.|| ||