Tatiya Vitthāra Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evam me sutaṃ:|| ||

Ekaṃ samayam Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṃ.|| ||

Bhagavā etad avoca:|| ||

"Pañc'imāni bhikkhave, indriyāni.|| ||

Katamāni pañca?|| ||

Saddh'indriyaṃ,||
viriy'indriyaṃ,||
sat'indriyaṃ,||
samādh'indriyaṃ,||
paññ'indriyaṃ.|| ||

Imāni kho bhikkhave, pañc'indriyāni.|| ||

Imesaṃ kho bhikkhave, pañcannaṃ indriyānaṃ samattā paripūrattā arahaṃ hoti.|| ||

Tato mudutarehi antarā parinibbāyī hoti.|| ||

Tato mudutarehi upahacca parinibbāyī hoti.|| ||

Tato mudutarehi a-saṇkhāra parinibbāyī hoti.|| ||

Tato mudutarehi sa-saṇkhāra parinibbāyī hoti.|| ||

Tato mudutarehi uddhaṃ-soto hoti Akaniṭṭha-gāmī.|| ||

Tato mudutarehi Sakad'āgāmī hoti.|| ||

Tato mudutarehi Sotāpanno hoti.|| ||

Tato mudutarehi dhamm'ānusārī hoti.|| ||

Tato mudutarehi saddh'ānusārī hotī.|| ||

Iti kho bhikkhave, paripūraṃ||
paripūra-kārī ārādheti.|| ||

Padesaṇ||
padesakārī ārādheti||
avañjhāni tv evāhaṃ bhikkhave,||
pañc'indriyāni vadāmī" ti.|| ||