Saṁyutta Nikāya
5. Mahā-Vagga
48. Indriya Saṁyutta
3. Chaḷ-Indriya Vagga

Sutta 30

Dutiya Samaṇa-Brāhmaṇā Suttaṁ

 

---

[206]

[1][pts] Evam me sutaṁ:|| ||

Ekaṁ samayam Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Ye hi keci, bhikkhave, samaṇā vā brāhmaṇā vā||
cakkhu'ndriyaṁ na pajānanti,||
cakkhu'ndriya-samudayaṁ na pajānanti,||
cakkhu'ndriya-nirodhaṁ na pajānanti,||
cakkhu'ndriya-nirodha-gāminī-paṭipadaṁ na pajānanti;|| ||

Sot'indriyaṁ na pajānanti,||
sot'indriya-samudayaṁ na pajānanti,||
sot'indriya-nirodhaṁ na pajānanti,||
sot'indriya-nirodha-gāminī-paṭipadaṁ na pajānanti;|| ||

Ghān'indriyaṁ na pajānanti,||
ghān'indriya-samudayaṁ na pajānanti,||
ghān'indriya-nirodhaṁ na pajānanti,||
ghān'indriya-nirodha-gāminī-paṭipadaṁ na pajānanti;|| ||

Jivh'indriyaṁ na pajānanti,||
jivh'indriya-samudayaṁ na pajānanti,||
jivh'indriya-nirodhaṁ na pajānanti,||
jivh'indriya-nirodha-gāminī-paṭipadaṁ na pajānanti;|| ||

Kāy'indriyaṁ na pajānanti,||
kāy'indriya-samudayaṁ na pajānanti,||
kāy'indriya-nirodhaṁ na pajānanti,||
kāy'indriya-nirodha-gāminī-paṭipadaṁ na pajānanti;|| ||

Man'indriyaṁ na pajānanti,||
man'indriya-samudayaṁ na pajānanti,||
man'indriya-nirodhaṁ na pajānanti,||
man'indriya-nirodha-gāminī-paṭipadaṁ na pajānanti;|| ||

na me te bhikkhave samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto sāmaññ'atthaṁ vā brahmaññ'atthaṁ vā||
diṭṭhe'va dhamme sayaṁ abhiññā sacchi-katvā upasampajja viharanti.|| ||

 

§

 

"Ye ca kho keci, bhikkhave, samaṇā vā brāhmaṇā vā||
cakkhu'ndriyaṁ pajānanti,||
cakkhu'ndriya-samudayaṁ pajānanti,||
cakkhu'ndriya-nirodhaṁ pajānanti,||
cakkhu'ndriya-nirodha-gāminī-paṭipadaṁ pajānanti;|| ||

Sot'indriyaṁ pajānanti,||
sot'indriya-samudayaṁ pajānanti,||
sot'indriya-nirodhaṁ pajānanti,||
sot'indriya-nirodha-gāminī-paṭipadaṁ pajānanti;|| ||

Ghān'indriyaṁ pajānanti,||
ghān'indriya-samudayaṁ pajānanti,||
ghān'indriya-nirodhaṁ pajānanti,||
ghān'indriya-nirodha-gāminī-paṭipadaṁ pajānanti;|| ||

Jivh'indriyaṁ pajānanti,||
jivh'indriya-samudayaṁ pajānanti,||
jivh'indriya-nirodhaṁ pajānanti,||
jivh'indriya-nirodha-gāminī-paṭipadaṁ pajānanti;|| ||

Kāy'indriyaṁ pajānanti,||
kāy'indriya-samudayaṁ pajānanti,||
kāy'indriya-nirodhaṁ pajānanti,||
kāy'indriya-nirodha-gāminī-paṭipadaṁ pajānanti;|| ||

Man'indriyaṁ pajānanti,||
man'indriya-samudayaṁ pajānanti,||
man'indriya-nirodhaṁ pajānanti,||
man'indriya-nirodha-gāminī-paṭipadaṁ pajānanti;|| ||

[207] Ye ca kho kici bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
te ca pan'āyasmanto sāmaññ'atthaṁ vā brahmaññ'atthaṁ vā||
diṭṭhe'va dhamme sayaṁ abhiññā-sacchi-katvā upasampajja viharantī" ti.|| ||