Saṁyutta Nikāya
5. Mahā-Vagga
48. Indriya Saṁyutta
4. Sukh'Indriya (or Uppaṭi) Vagga

Sutta 35

Dutiya Sammaṇa-Brāhmaṇa Suttaṁ

 

---

[208]

[1][pts] Evam me sutaṁ:|| ||

Ekaṁ samayam Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'imāni, bhikkhave, indriyāni.|| ||

Katamāni pañca?|| ||

Sukh'indriyaṁ||
dukkh'indriyaṁ||
somanass'indriyaṁ||
domanass'indriyaṁ||
upekkh'indriyaṁ.|| ||

Imāni kho bhikkhave, pañc'indriyānī|| ||

 

§

 

"Ye hi keci, bhikkhave, samaṇā vā brāhmaṇā vā||
sukh'indriyaṁ na pajānanti,||
sukh'indriyaṁ-samudayaṁ na pajānanti,||
sukh'indriyaṁ-nirodhaṁ na pajānanti,||
sukh'indriyaṁ-nirodha-gāminī-paṭipadaṁ na pajānanti;|| ||

Dukkh'indriyaṁ na pajānanti,||
dukkh'indriyaṁ-samudayaṁ na pajānanti,||
dukkh'indriyaṁ-nirodhaṁ na pajānanti,||
dukkh'indriyaṁ-nirodha-gāminī-paṭipadaṁ na pajānanti;|| ||

Somanass'indriyaṁ na pajānanti,||
somanass'indriyaṁ-samudayaṁ na pajānanti,||
somanass'indriyaṁ-nirodhaṁ na pajānanti,||
v-nirodha-gāminī-paṭipadaṁ na pajānanti;|| ||

Domanass'indriyaṁ na pajānanti,||
domanass'indriyaṁ-samudayaṁ na pajānanti,||
domanass'indriyaṁ-nirodhaṁ na pajānanti,||
domanass'indriyaṁ-nirodha-gāminī-paṭipadaṁ na pajānanti;|| ||

Upekkh'indriyaṁ na pajānanti,||
upekkh'indriyaṁ-samudayaṁ na pajānanti,||
upekkh'indriyaṁ-nirodhaṁ na pajānanti,||
[209] upekkh'indriyaṁ-nirodha-gāminī-paṭipadaṁ na pajānanti;|| ||

na me te bhikkhave samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto sāmaññ'atthaṁ vā brahmaññ'atthaṁ vā||
diṭṭhe'va dhamme sayaṁ abhiññā sacchi-katvā upasampajja viharanti.|| ||

 

§

 

"Ye ca kho keci, bhikkhave, samaṇā vā brāhmaṇā vā||
sukh'indriyaṁ pajānanti,||
sukh'indriyaṁ-samudayaṁ pajānanti,||
sukh'indriyaṁ-nirodhaṁ pajānanti,||
sukh'indriyaṁ-nirodha-gāminī-paṭipadaṁ pajānanti;|| ||

Dukkh'indriyaṁ pajānanti,||
dukkh'indriyaṁ-samudayaṁ pajānanti,||
dukkh'indriyaṁ-nirodhaṁ pajānanti,||
dukkh'indriyaṁ-nirodha-gāminī-paṭipadaṁ pajānanti;|| ||

Somanass'indriyaṁ pajānanti,||
somanass'indriyaṁ-samudayaṁ pajānanti,||
somanass'indriyaṁ-nirodhaṁ pajānanti,||
somanass'indriyaṁ-nirodha-gāminī-paṭipadaṁ pajānanti;|| ||

Domanass'indriyaṁ pajānanti,||
domanass'indriyaṁ-samudayaṁ pajānanti,||
domanass'indriyaṁ-nirodhaṁ pajānanti,||
domanass'indriyaṁ-nirodha-gāminī-paṭipadaṁ pajānanti;|| ||

Upekkh'indriyaṁ pajānanti,||
upekkh'indriyaṁ-samudayaṁ pajānanti,||
upekkh'indriyaṁ-nirodhaṁ pajānanti,||
upekkh'indriyaṁ-nirodha-gāminī-paṭipadaṁ pajānanti;|| ||

Ye ca kho kici bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
te ca pan'āyasmanto sāmaññ'atthaṁ vā brahmaññ'atthaṁ vā||
diṭṭhe'va dhamme sayaṁ abhiññā-sacchi-katvā upasampajja viharantī" ti.|| ||