Saṁyutta Nikāya
5. Mahā-Vagga
48. Indriya Saṁyutta
5. Jarā Vagga

Sutta 47

Tatiya Pubb'Ārama Suttaṁ

 

---

[223]

[1][pts] Evam me sutaṁ:|| ||

Ekaṁ samayaṁ Bhagavā Sāvatthiyaṁ viharati Pubbārāme Migāra-mātu pāsāde.|| ||

Tatra kho Bhagavā bhikkhū āmantesi "bhikkhavo" ti.|| ||

"Bhadante" ti te bhikkhū Bhagavato pacchassosuṁ Bhagavā etad avoca:|| ||

Katinnaṁ nu kho bhikkhave indriyānaṁ||
bhāvitattā||
bahulī-katattā||
khīṇ'āsavo bhikkhu aññaṁ vyākaroti:|| ||

'Khīṇā jāti||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti pajānāmī" ti?"|| ||

"Bhagavaṁ-mūlakā no bhante, dhammā,||
Bhagavaṁ-nettikā||
Bhagavaṁ-paṭisaraṇā.|| ||

Sādhu vata bhante,||
Bhagavantaṁ yeva paṭibhātu etassa bhāsitassa attho.|| ||

Bhagavato sutvā bhikkhū dhāressantī" ti.|| ||

 

§

 

Catunnaṁ kho bhikkhave, indriyānaṁ||
bhāvitattā||
bahulī-katattā||
khīṇ'āsavo bhikkhu aññaṁ vyākaroti:|| ||

'Khīṇā jāti||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti pajānāmī.|| ||

Katamesaṇ catunnaṁ?|| ||

Viriy'indriyassa,||
sat'indriyassa,||
samādh'indriyassa,||
paññ'indriyassa.|| ||

Imesaṁ kho bhikkhave, catunnaṁ indriyānaṁ||
bhāvitattā||
bahulī-katattā||
khīṇ'āsavo bhikkhu aññaṁ vyākaroti:|| ||

'Khīṇā jāti||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti pajānāmī" ti.|| ||