Piṇḍola Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evam me sutaṁ:|| ||

Ekaṁ samayaṁ Bhagavā Kosambīyaṁ viharati Ghositārāme.|| ||

Tena kho pana samayen'āyasmatā Piṇḍola-Bhāradvājena aññā vyākatā hoti:|| ||

"Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā ti pajānāmī" ti.

Atha kho sambahulā bhikkhū yena Bhagavā ten'upasaṅkamiṁsu.|| ||

Upasaṅkamitvā Bhagavantaṁ abhivādetvā eka-m-antaṁ nisīdiṁsu.|| ||

Eka-m-antaṁ nisinnā kho te bhikkhū Bhagavantaṁ etad avocuṁ:|| ||

"Āyasmatā bhante Piṇḍola-Bhāradvājena aññā vyākatā:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā ti pajānāmī' ti.

Kin nu kho bhante, attha-vasaṇ sampassa mānena āyasmatā Piṇḍola-Bhāradvājena aññā vyākatā:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā ti pajānāmī'" ti?

■

Tiṇṇaṁ kho pana bhikkhave, indriyānaṁ||
bhāvitattā||
bahulī-katattā||
Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā ti pajānāmī' ti.

Katamesaṇ tiṇṇannaṁ?|| ||

Sat'indriyassa||
samādh'indriyassa||
paññ'indriyassa.|| ||

Imesaṁ kho bhikkhave, tiṇṇannaṁ indriyānaṁ||
bhāvitattā||
bahulī-katattā||
Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā ti pajānāmī' ti.

Imāni ca bhikkhave, tīṇi indriyāni.|| ||

Kimantāni?|| ||

Khayantāni.|| ||

Kissa khayantāni?|| ||

Jāti-jarā-māraṇassa.|| ||

Jāti-jarā-māraṇaṁ khayan taṁ kho bhikkhave,||
sampassamānena [225] Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā' ti pajānāmī" ti.