Saṃyutta Nikāya
5. Mahā-Vagga
48. Indriya Saṃyutta
6. Sūkara-Khata Vagga
Sutta 54
Pada Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Kosambīyaṃ viharati Ghositārāme.|| ||
Tatra kho Bhagavā bhikkhū āmantesi:|| ||
"Seyyathā pi bhikkhave, yāni kānici jaṇgamānaṃ pāṇānaṃ pada-jātāni,||
sabbāni tāni hatthi-pade samodhānaṃ gacchanti,||
hatthi-padaṃ tesaṇ aggamakkhāyati||
yad idaṃ mahantattena.|| ||
Evam eva kho bhikkhave,||
yāni kānici padāni bodhāya saṃvaṭṭanti,||
paññ'indriyaṃ padaṃ tesaṇ aggamakkhāyati||
yad idaṃ bodhāya.|| ||
Katamāni ca bhikkhave, padāni bodhāya saṃvaṭṭanti?|| ||
Saddh'indriyaṃ bhikkhave padaṃ,||
taṃ bodhāya saṃvaṭṭati.|| ||
Viriy'indriyaṃ padaṃ,||
taṃ bodhāya saṃvaṭṭati.|| ||
Sat'indriyaṃ padaṃ,||
taṃ bodhāya saṃvaṭṭati.|| ||
Samādh'indriyaṃ padaṃ,||
taṃ bodhāya saṃvaṭṭati.|| ||
Paññ'indriyaṃ padaṃ,||
taṃ bodhāya saṃvaṭṭati.|| ||
"Seyyathā pi bhikkhave, yāni kānici jaṇgamānaṃ pāṇānaṃ pada-jātāni,||
sabbāni tāni hatthi-pade samodhānaṃ gacchanti,||
hatthi-padaṃ tesaṇ aggamakkhāyati||
yad idaṃ mahantattena.|| ||
Evam eva kho bhikkhave,||
yāni kānici padāni bodhāya saṃvaṭṭanti,||
paññ'indriyaṃ padaṃ tesaṇ aggamakkhāyati||
yad idaṃ bodhāya" ti.|| ||
