Sāra Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evam me sutaṁ:|| ||

Ekaṁ samayaṁ Bhagavā Kosambīyaṁ viharati Ghositārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Seyyathā pi bhikkhave, ye keci sāra-gandhā||
lohita-candanaṁ tesaṇ aggam akkhāyati.|| ||

Evam eva kho bhikkhave, ye keci bodhi-pakkhikā dhammā||
paññ'indriyaṁ tesaṇ aggamakkhāyati,||
yad idaṁ bodhāya.|| ||

Katame ca bhikkhave, bodhi-pakkhikā dhammā?|| ||

Saddh'indriyaṁ bodhi-pakkhiko dhammo, taṁ bodhāya saṁvaṭṭati.|| ||

Viriy'indriyaṁ bodhi-pakkhiko dhammo, taṁ bodhāya saṁvaṭṭati.|| ||

Sat'indriyaṁ bodhi-pakkhiko dhammo, taṁ bodhāya saṁvaṭṭati.|| ||

Samādh'indriyaṁ bodhi-pakkhiko dhammo, taṁ bodhāya saṁvaṭṭati.|| ||

Paññ'indriyaṁ bodhi-pakkhiko dhammo, taṁ bodhāya saṁvaṭṭati.|| ||

"Seyyathā pi bhikkhave, ye keci sāra-gandhā||
lohita-candanaṁ tesaṇ aggam akkhāyati.|| ||

Evam eva kho bhikkhave, ye keci bodhi-pakkhikā dhammā||
paññ'indriyaṁ tesaṇ aggamakkhāyati,||
yad idaṁ bodhāya" ti.|| ||