Saṁyutta Nikāya
5. Mahā-Vagga
48. Indriya Saṁyutta
6. Sūkara-Khata Vagga

Sutta 58

Sūkara-Khatā Suttaṁ

 

---

[233]

[1][pts] Evam me sutaṁ:|| ||

Ekaṁ samayaṁ Bhagavā Rājagahe viharati Gijjhakūṭe pabbate Sūkarakhatāyaṁ.|| ||

Tatra kho Bhagavā āyasmantaṁ Sāriputtaṁ āmantesi:|| ||

"Kiṁ nu kho Sāriputta, attha-vasaṇ||
khīṇ'āsavo bhikkhu||
Tathāgate vā||
Tathāgatasāsane vā||
paramani-paccakāraṁ pavattamāno pavattatī" ti?|| ||

[234] "Anuttaraṁ hi bhante,||
yoga-k-khemaṁ sampassamāno khīṇ'āsavo bhikkhu||
Tathāgate vā||
Tathāgatasāsane vā||
paramani-paccakāraṁ pavattamāno pavattatī" ti.|| ||

"Sādhu, sādhu, Sāriputta,||
anuttaraṁ hi Sāriputta,||
yoga-k-khemaṁ sampassamāno khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattati.|| ||

Katamo ca Sāriputta||
anuttaro yoga-k-khemo,||
yaṁ sampassamāno khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattatī" ti?|| ||

"Idha bhante, khīṇ'āsavo bhikkhu||
saddh'indriyaṁ bhāveti||
upasama-gāmiṁ||
sambodha-gāmiṁ;|| ||

viriy'indriyaṁ bhāveti||
upasama-gāmiṁ||
sambodha-gāmiṁ;|| ||

sat'indriyaṁ bhāveti||
upasama-gāmiṁ||
sambodha-gāmiṁ;|| ||

samādh'indriyaṁ bhāveti||
upasama-gāmiṁ||
sambodha-gāmiṁ;

paññ'indriyaṁ bhāveti||
upasama-gāmiṁ||
sambodha-gāmiṁ.|| ||

Ayaṁ kho bhante, anuttaro yoga-k-khemo||
yaṁ sampassamāno khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattatī" ti.|| ||

"Sādhu, sādhu, Sāriputta,||
eso hi Sāriputta, anuttaro yoga-k-khemo||
yaṁ sampassamāno khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattati.|| ||

Katamo ca Sāriputta, paramanipaccakāro||
yaṁ khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattatī" ti?|| ||

"Idha bhante, khīṇ'āsavo bhikkhu||
satthari sagāravo viharati sappatisso.||
Dhamme sagāravo viharati sappatisso,||
Saṅghe sagāravo viharati sappatisso,||
sikkhāya sagāravo viharati sappatisso,||
samādhismiṁ sagāravo viharati sappatisso.|| ||

Ayaṁ kho bhante, paramanipaccakāro||
yaṁ khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattamāno pavattatī" ti.|| ||

[235] "Sādhu, sādhu, Sāriputta,||
eso hi Sāriputta paramanipaccakāro||
yaṁ khīṇ'āsavo bhikkhu||
Tathāgate vā||
Tathāgatasāsane vā||
paramani-pacca-kāraṁ pavattayamāno pavattatī" ti.|| ||