Saṃyutta Nikāya
5. Mahā-Vagga
51. Iddhi-Pāda Saṃyutta
1. Cāpāla Vagga
Sutta 5
Padesa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][olds] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
2. "Ye hi keci, bhikkhave,||
atītam addhānaṃ samaṇā vā brāhmaṇā vā||
iddhi-pāde padesaṅ abhini-p-phādesuṃ,||
sabbe te catunnaṃ iddhi-pādānaṃ||
bhāvitattā||
bahulī-katattā.|| ||
Ye hi [256] keci bhikkhave,||
anāgatam addhānaṃ samaṇā vā brāhmaṇā vā||
iddhi-pāde padesaṅ abhini-p-phādessanti,||
sabbe te catunnaṃ iddhi-pādānaṃ||
bhāvitantā||
bahulī-katattā.|| ||
Ye hi keci, bhikkhave,||
etarahi samaṇā vā brāhmaṇā vā||
iddhi-pāde padesaṅ abhini-p-phādenti,||
sabbe te catunnaṃ iddhi-pādānaṃ||
bhāvitattā||
bahulī-katattā.|| ||
Katamesaṅ catunnaṃ?|| ||
3. Idha, bhikkhave, bhikkhu||
chanda-samādhi-padhāna-saṅkhāra-samannāgataṃ||
iddhi-pādaṃ bhāveti.|| ||
Viriya-samādhi-padhāna-saṅkhāra-samannāgataṃ||
iddhi-pādaṃ bhāveti.|| ||
Citta-samādhi-padhāna-saṅkhāra-samannāgataṃ||
iddhi-pādaṃ bhāveti.|| ||
Vīmaṃsā-samādhi-padhāna-saṅkhāra-samannāgataṃ||
iddhi-pādaṃ bhāveti.|| ||
4. Ye hi keci, bhikkhave,||
atītam addhānaṃ samaṇā vā brāhmaṇā vā||
iddhi-pāde padesaṅ abhini-p-phādesuṃ,||
sabbe te imesaṅ yeva catunnaṃ iddhi-pādānaṃ||
bhāvitattā||
bahulī-katattā.|| ||
Ye hi keci, bhikkhave,||
anāgatam addhānaṃ samaṇā vā brāhmaṇā vā||
iddhi-pāde padesaṅ abhini-p-phādessanti,||
sabbe te imesaṅ yeva catunnaṃ iddhi-pādānaṃ||
bhāvitattā||
bahulī-katattā.|| ||
Ye hi keci, bhikkhave,||
etarahi samaṇā vā brāhmaṇā vā||
iddhi-pāde padesaṅ abhini-p-phādenti,||
sabbe te imesaṅ yeca catunnaṃ iddhi-pādānaṃ||
bhāvitattā||
bahulī-katattā" ti.|| ||
