Saṁyutta Nikāya
5. Mahā-Vagga
51. Iddhi-Pāda Saṁyutta
1. Cāpāla Vagga

Sutta 6

Samatta Suttaṁ

 

---

[256]

[1][pts][olds] Evam me sutaṁ:|| ||

Ekaṁ samayam Bhagavā Sāvatthiyaṁ viharati||
Jetavane Anāthapindikassa ārāme.|| ||

2. "Ye hi keci, bhikkhave,||
atītam addhānaṁ samaṇā vā brāhmaṇā vā||
samattam iddhim abhini-p-phādesuṁ,||
sabbe te catunnaṁ iddhi-pādānaṁ||
bhāvitattā||
bahulī-katattā.|| ||

Ye hi keci bhikkhave,||
anāgatam addhānaṁ samaṇā vā brāhmaṇā vā||
samattam iddhim abhini-p-phādessanti,||
sabbe te catunnaṁ iddhi-pādānaṁ||
bhāvitantā||
bahulī-katattā.|| ||

Ye hi keci, bhikkhave,||
etarahi samaṇā vā brāhmaṇā vā||
samattam iddhim abhini-p-phādenti,||
sabbe te catunnaṁ iddhi-pādānaṁ bhāvitattā bahulī-katattā.|| ||

Katamesaṇ catunnaṁ?|| ||

3. Idha, bhikkhave, bhikkhu chanda-samādhi-padhāna-saṅkhāra-samannāgataṁ iddhi-pādaṁ bhāveti.|| ||

Viriya-samādhi-padhāna-saṅkhāra-samannāgataṁ iddhi-pādaṁ bhāveti.|| ||

Citta-samādhi-padhāna-saṅkhāra-samannāgataṁ iddhi-pādaṁ bhāveti.|| ||

Vīmaṁsā-samādhi-padhāna-saṅkhāra-samannāgataṁ iddhi-pādaṁ bhāveti.|| ||

4. Ye hi keci, bhikkhave,||
atītam addhānaṁ samaṇā vā brāhmaṇā vā||
samattam iddhim abhini-p-phādesuṁ,||
sabbe te catunnaṁ iddhi-pādānaṁ||
bhāvitattā||
bahulī-katattā.|| ||

Ye hi keci bhikkhave,||
anāgatam addhānaṁ samaṇā vā brāhmaṇā vā||
samattam iddhim abhini-p-phādessanti,||
sabbe te catunnaṁ iddhi-pādānaṁ||
bhāvitantā||
bahulī-katattā.|| ||

Ye hi keci, bhikkhave,||
etarahi samaṇā vā brāhmaṇā vā||
samattam iddhim abhini-p-phādenti,||
sabbe te catunnaṁ iddhi-pādānaṁ||
bhāvitattā||
bahulī-katattā" ti.|| ||