Saṁyutta Nikāya
5. Mahā-Vagga
51. Iddhi-Pāda Saṁyutta
3. Ayo-Guḷa Vagga

Sutta 26

Dutiya Phalā Suttaṁ

 

---

[285]

[1][pts][olds] Evam me sutaṁ:|| ||

2. "Cattāro me bhikkhave, iddhi-pādā.|| ||

Katame cattāro?|| ||

Idha, bhikkhave, bhikkhu chanda-samādhi-padhāna-saṅkhāra-samannāgataṁ iddhi-pādaṁ bhāveti.|| ||

Viriya-samādhi-padhāna-saṅkhāra-samannāgataṁ iddhi-pādaṁ bhāveti:|| ||

Citta-samādhi-padhāna-saṅkhāra-samannāgataṁ iddhi-pādaṁ bhāveti:|| ||

Vimaṁsā-samādhi-padhāna-saṅkhāra-samannāgataṁ iddhi-pādaṁ bhāveti:|| ||

Ime kho bhikkhave, cattāro iddhi-pādā.|| ||

3. Imesaṇ kho bhikkhave, catunnaṁ iddhi-pādānaṁ bhāvitattā bahulī-katattā satta-phalā sattānisaṁsā pāṭikaṅkhā.|| ||

 

§

 

Katame satta-phalā satt'ānisaṁsā?|| ||

4. Diṭṭhe'va dhamme paṭigacca aññaṁ ārādheti.|| ||

No ce diṭṭhe'va dhamme paṭigacca aññaṁ ārādheti||
atha maraṇa-kāle aññaṁ ārādheti.|| ||

No ce diṭṭhe'va dhamme paṭigacca aññaṁ ārādheti no ce maraṇa-kāle aññaṁ ārādheti,||
atha pañcantaṁ oram-bhāgiyānaṁ saṁyojanānaṁ parikkhayā antarā parinibbāyī hoti.|| ||

Upahacca parinibbāyī hoti.|| ||

A-saṅkhāra-parinibbāyī hoti.|| ||

Sa-saṅkhāra-parinibbāyī hoti.|| ||

Uddhaṁsoto hoti Akaniṭṭha-gāmī.|| ||

5. Imesaṇ kho bhikkhave, catunnaṁ iddhi-pādānaṁ bhāvitattā bahulī-katattā ime satta-phalā satt'ānisaṁsā pāṭikaṅkhā" ti.|| ||