Saṁyutta Nikāya
5. Mahā-Vagga
54. Ānāpāna Saṁyutta
1. Eka-Dhamma Vagga

Sutta 1

Eka-Dhamma Suttaṁ

 

---

[311]

[1][pts][bodh][than][olds] Evam me sutaṁ.|| ||

Ekaṁ samayam Bhagavā Sāvatthiyaṁ viharati||
Jetavane Anāthapindikassa ārāme.^[1]|| ||

[2][pts][bodh][than][olds] Tatra kho Bhagavā bhikkhū āmantesi:|| ||

"Bhikkhavo" ti|| ||

"Bhadante" ti te bhikkhū Bhagavato paccassosuṁ|| ||

Bhagavā etad avoca:|| ||

[3][pts][bodh][than][olds] Eka-dhammo bhikkhave,||
bhāvito||
bahulī-kato||
maha-p-phalo hoti||
mahā-nisamso.|| ||

Katamo eka-dhammo?|| ||

Ānāpāna-sati.|| ||

Kathaṁ bhāvitā ca bhikkhave ānāpāna-sati?|| ||

Kathaṁ bahulī-katā||
maha-p-phalā hoti,||
mahā-nisaṁsā?|| ||

[4][pts][bodh][than][olds] Idha, bhikkhave, bhikkhū arañña-gato vā||
rukkha-mūla-gato vā||
suññ-ā-gāra-gato vā||
nisīdati pallaṅkaṁ ābhujitvā ujuṁ kāyaṁ paṇidhāya||
parimukhaṁ satiṁ upaṭṭha-petvā||
so sato va||
assasati sato va||
passasati.|| ||

[5][pts][bodh][than][olds] Dīghaṁ vā assasanto||
'dīghaṁ assasāmī' ti pajānātī.|| ||

Dīghaṁ vā passasanto||
'dīghaṁ passasāmī' ti pajānāti.|| ||

Rassaṁ vā assasanto||
'rassaṁ assasāmī' ti pajānāti.|| ||

Rassaṁ vā passasanto||
'rassaṁ passasāmī' ti pajānāti.|| ||

[6][pts][bodh][than][olds] Sabba-kāya-paṭisaṁvedi||
assasissāmī' ti sikkhati.|| ||

Sabba-kāya-paṭisaṁvedi||
passasissāmī' ti sikkhati.|| ||

Passam-bhayaṁ kāya-saṅkhāraṁ||
assasissāmī' ti sikkhati.|| ||

Passam-bhayaṁ kāya-saṅkhāraṁ||
passasissāmī' ti sikkhati.|| ||

[312] [7][pts][bodh][than][olds] Pīti-paṭisaṁvedī assasissāmī' ti sikkhati.|| ||

Pīti-paṭisaṁvedī passasissāmī' ti sikkhati.|| ||

Sukha-paṭisaṁvedī assasissāmī' ti sikkhati.|| ||

Sukha-paṭisaṁvedī passasissāmī' ti sikkhati.|| ||

[8][pts][bodh][than][olds] Citta-saṅkhāra-paṭisaṁvedī||
assasissāmī' ti sikkhati.|| ||

Citta-saṅkhāra-paṭisaṁvedī||
passasissāmī' ti sikkhati.|| ||

Passam-bhayaṁ citta-saṅkhāraṁ||
assasissāmī' ti sikkhati.|| ||

Passam-bhayaṁ citta-saṅkhāraṁ||
passasissāmī' ti sikkhati.|| ||

Citta-paṭisaṁvedī assasissāmī' ti sikkhati.|| ||

Citta-paṭisaṁvedī passasissāmī' ti sikkhati.|| ||

[9][pts][bodh][than][olds] Abhi-p-pamodayaṁ cittaṁ||
assasissāmī' ti sikkhati.|| ||

Abhi-p-pamodayaṁ cittaṁ||
passasissāmī' ti sikkhati.|| ||

Samādahaṁ cittaṁ||
assasissāmī' ti sikkhati.|| ||

Samādahaṁ cittaṁ||
passasissāmī' ti sikkhati.|| ||

Vimocayaṁ cittaṁ||
assasissāmī' ti sikkhati.|| ||

Vimocayaṁ cittaṁ||
passasissāmī' ti sikkhati.|| ||

[10][pts][bodh][than][olds] Anicc-ā-nupassī assasissāmī' ti sikkhati.|| ||

Anicc-ā-nupassī passasissāmī' ti sikkhati.|| ||

Virāg-ā-nupassī assasissāmī' ti sikkhati.|| ||

Virāg-ā-nupassī passasissāmī' ti sikkhati.|| ||

Nirodh-ā-nupassī assasissāmī' ti sikkhati.|| ||

Nirodh-ā-nupassī passasissāmī' ti sikkhati.|| ||

Paṭinissagg-ā-nupassī assasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

[11][pts][bodh][than][olds] Evaṁ bhāvitā kho bhikkhave, ānāpāna-sati||
evaṁ bahulī-katā||
maha-p-phalā hoti||
mahā-nisaṁsāti.|| ||

 

---

^[1]Text abbreviates:||
Sāvatthi||
ārāme||
Tatra kho||
la||
etad avoca|| ||
Hereafter text is per PTS version.