Saṃyutta Nikāya
5. Mahā-Vagga
54. Ānāpāna Saṃyutta
1. Eka-Dhamma Vagga
Sutta 2
Adapted from the 1995 edition of the digital version of the Sri Lanka Buddha Jayanti Tripitaka Series.
Bojjhaṇga Suttaṃ
[1-2][pts][bodh][olds] Evam me sutaṃ.|| ||
Ekaṃ samayam Bhagavā Sāvatthiyaṃ viharati||
Jetavane Anāthapindikassa ārāme.|| ||
[3] Ānāpāna-sati bhikkhave||
bhāvitā||
bahulī-katā||
maha-p-phalā hoti||
mahā-nisaṃsā.|| ||
Kathaṃ bhāvitā ca bhikkhave ānāpāna-sati kathaṃ||
bahulī-katā||
maha-p-phalā hoti||
mahā-nisaṃsā?|| ||
[4] Idha, bhikkhave, bhikkhū||
ānāpāna-sati-saha-gataṃ||
sati-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||
Ānāpāna-sati-saha-gataṃ||
dhamma-vicaya-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmiṃ.|| ||
Ānāpāna-sati-saha-gataṃ||
viriya-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmiṃ.|| ||
Ānāpāna-sati-saha-gataṃ||
pīti-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmiṃ.|| ||
Ānāpāna-sati-saha-gataṃ||
passaddhi-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-paraṇāmiṃ.|| ||
Ānāpāna-sati-saha-gataṃ||
samādhi-sambojjhaṇagaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmiṃ.|| ||
[313] Ānāpāna-sati-saha-gataṃ||
upekhā-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmiṃ.|| ||
[5] Evaṃ bhāvitā kho bhikkhave, ānāpāna-sati||
evaṃ bahulī-katā||
maha-p-phalā hoti||
mahā-nisaṃsā" ti.|| ||
