Saṁyutta Nikāya
5. Mahā-Vagga
54. Ānāpāna Saṁyutta
1. Eka-Dhamma Vagga

Sutta 10

Kimbila Suttaṁ

 

---

[322]

[1-2][pts][bodh][olds] Evaṁ me sutaṁ ekaṁ samayaṁ Bhagavā Kimbilāyaṁ viharati||
Veluvane.|| ||

[2] Tatra kho Bhagavā āyasmantaṁ Kimbilaṁ āmantesi:|| ||

"Kathaṁ bhāvito nu kho Kimbila||
ānāpāna-sati-samādhi||
kathaṁ bahulī-kato||
maha-p-phalo hoti||
mahā-nisamso" ti?|| ||

Evaṁ vutte āyasmā Kimbilo tuṇhī ahosi.|| ||

[3] Dutiyam pi kho Bhagavā āyasmantaṁ Kimbilaṁ āmantesi:|| ||

"Kathaṁ bhāvito nu kho Kimbila||
ānāpāna-sati-samādhi||
kathaṁ bahulī-kato||
maha-p-phalo hoti||
mahā-nisamso" ti?|| ||

Dutiyam pi kho āyasmā Kimbilo tuṇhī ahosi.|| ||

[4] Tatiyam pi kho Bhagavā āyasmantaṁ Kimbilaṁ āmantesi:|| ||

"Kathaṁ bhāvito nu kho Kimbila||
ānāpāna-sati-samādhi||
kathaṁ bahulī-kato||
maha-p-phalo hoti||
mahā-nisamso" ti?|| ||

Tatiyam pi kho āyasmā Kimbilo tuṇhī ahosi.|| ||

[323] [5] Evaṁ vutte āyasmā Ānando Bhagavāntaṁ etad avoca:|| ||

"Etassa Bhagavā kālo||
etassa Sugata kālo||
yaṁ Bhagavā ānāpāna-sati-samādhiṁ bhāseyya.|| ||

Bhagavato sutvā bhikkhū dhāressantī" ti.|| ||

"Tenah'Ānanda suṇāhi||
sādhukaṁ manasi-karohi||
bhāsissāmī" ti.|| ||

"Evaṁ bhante" ti kho āyasmā Ānando Bhagavāto paccassosi.|| ||

[6] Bhagavā etad avoca:|| ||

"Kathaṁ bhāvito ca Ānanda||
ānāpāna-sati-samādhi||
kathaṁ bahlīkato||
maha-p-phalo hoti||
mahā-nisamso?|| ||

[7] Idha, bhikkhave, bhikkhū arañña-gato||
rukkha-mūla-gato vā||
suññāta-gato vā||
nisīdati pallaṅkaṁ ābhujitvā ujuṁ kāyaṁ paṇidhāya||
parimukhaṁ satiṁ upaṭṭha-petvā||
so sato va assasati||
sato va passasati.|| ||

Dīghaṁ vā assasanto 'dīghaṁ assasāmī' ti pajānāti.|| ||

Dīghaṁ vā passasanto 'dīghaṁ passasāmī' ti pajānāti.|| ||

Rassaṁ vā assasanto 'rassaṁ assasāmī' ti pajānāti.|| ||

Rassaṁ vā passasanto 'rassaṁ passasāmī' ti pajānāti.|| ||

'Sabba-kāya-paṭisaṁvedī assasissāmī' ti sikkhati.|| ||

'Sabba-kāya-paṭisaṁvedī passissāmī' ti sikkhati.|| ||

'Passam-bhayaṁ kāya-saṅkhāraṁ assasissāmī' ti sikkhati.|| ||

'Passam-bhayaṁ kāya-saṅkhāraṁ passasissāmī' ti sikkhati.|| ||

'Pīti-paṭisaṁvedī assasissāmī' ti sikkhati.|| ||

'Pīti-paṭisaṁvedī passasissāmī' ti sikkhati.|| ||

'Sukha-paṭisaṁvedī assasissāmī' ti sikkhati.|| ||

'Sukha-paṭisaṁvedī passasissāmī' ti sikkhati.|| ||

'Citta-saṅkhāra-paṭisaṁvedī assasissāmī' ti sikkhati.|| ||

'Citta-saṅkhāra-paṭisaṁvedī passasissāmī' ti sikkhati.|| ||

'Passam-bhayaṁ citta-saṅkhāraṁ assasissāmī' ti sikkhati.|| ||

'Passam-bhayaṁ citta-saṅkhāraṁ passasissāmī' ti sikkhati.|| ||

'Citta-saṅkhāra-paṭisaṁvedī assasissāmī' ti sikkhati.|| ||

'Citta-saṅkhāra-paṭisaṁvedī passasissāmī' ti sikkhati.|| ||

'Passam-bhayaṁ citta-saṅkhāraṁ assasissāmī' ti sikkhati.|| ||

'Passam-bhayaṁ citta-saṅkhāraṁ passasissāmī' ti sikkhati.|| ||

'Citta-paṭisaṁvedī assasissāmī' ti sikkhati.|| ||

'Citta-paṭisaṁvedī passasissāmī' ti sikkhati.|| ||

'Abhi-p-pamodayaṁ cittaṁ assasissāmī' ti sikkhati.|| ||

'Abhi-p-pamodayaṁ cittaṁ passasissāmī' ti sikkhati.|| ||

'Samādahaṁ cittaṁ assasissāmī' ti sikkhati.|| ||

'Samādahaṁ cittaṁ passasissāmī' ti sikkhati.|| ||

'Vimocayaṁ cittaṁ assasissāmī' ti sikkhati.|| ||

'Vimocayaṁ cittaṁ passasissāmī' ti sikkhati.|| ||

'Anicc-ā-nupassī assasissāmī' ti sikkhati.|| ||

'Anicc-ā-nupassī passasissāmī' ti sikkhati.|| ||

Virāg-ā-nupassī assasissāmī' ti sikkhati.|| ||

Virāg-ā-nupassī passasissāmī' ti sikkhati.|| ||

Nirodh-ā-nupassī assasissāmī' ti sikkhati.|| ||

Nirodh-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

[14] Evaṁ bhāvito kho Ānanda,||
ānāpāna-sati-samādhi||
evaṁ bahulī-kato||
maha-p-phalo hoti||
mahā-nisamso.|| ||

[15] Yasmiṁ samaye Ānanda bhikkhū||
dīghaṁ vā assasanto 'dīghaṁ assasāmī' ti pajānāti,||
dīghaṁ vā passasanto 'dīghaṁ passasāmīti pajānā ti,||
rassaṁ vā assasanto 'rassaṁ assasāmī' ti pajānāti.||
rassaṁ vā passasanto 'rassaṁ passasāmī' ti pajānā ti.||
'sabba-kāya-paṭisaṁvedī assa-sissāmī' ti sikkhati,||
'sabba-kāya-paṭisaṁvedī passasissāmī' ti sikkhati,||
'passam-bhayaṁ kāya-saṅkhāraṁ assasissāmī' ti sikkhati,||
'passam-bhayaṁ kāya-saṅkhāraṁ passasissāmī' ti sikkhati,||
kāye kāy'ānupassī Ānanda||
bhikkhū tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

Taṁ kissa hetu?|| ||

[16] Kāyaññatarāhaṁ Ānanda etaṁ vadāmi||
yad idaṁ assāsapassāsaṁ.|| ||

Tasmā 'ti h'Ānanda,||
kāye kāy'ānupassī bhikkhū||
tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

■

[17] Tasmiṁ samaye Ānanda,||
'bhikkhū pīti-paṭisaṁvedī assasissāmī' ti sikkhati,||
'pīti-paṭisaṁvedī passasissāmī' ti sikkhati,||
'sukha-paṭisaṁvidī assasissāmī' ti sikkhati,||
'sukha-paṭisaṁvedī passasissāmī' ti sikkhati,||
'citta-saṅkhārapaṭisaṁ- [324] vedī assasissāmī' ti sikkhati.||
'citta-saṅkhāra-paṭisaṁvedī passasissāmī' ti sikkhati.||
'passam-bhayaṁ citta-saṅkhāraṁ assasissāmī' ti sikkhati,||
'passam-bhayaṁ citta-saṅkhāraṁ passasissāmī' ti sikkhati,||
vedanāsu vedan'ānupassī Ānanda||
bhikkhū tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

Taṁ kissa hetu?|| ||

[18] Vedanaññatarāhaṁ Ānanda etaṁ vadāmi||
yad idaṁ assāsa-passāsānaṁ sādhukaṁ mana-sikāraṁ.|| ||

■

Tasmā 'ti h'Ānanda vedanāsu vedan'ānupassī||
bhikkhū tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

[19] Yasmiṁ samaye Ānanda, bhikkhū||
'citta-paṭisaṁvedī assasissāmī' ti sikkhati,||
'citta-paṭisaṁvedī passasissāmī' ti sikkhati,||
'abhippamodayaṁ cittaṁ assasissāmī' ti sikkhati,||
'abhippamodayaṁ cittaṁ passasissāmī' ti sikkhati,||
'samādahaṁ cittaṁ assasissāmī' ti sikkhati,||
'samādahaṁ cittaṁ passasissāmī' ti sikkhati,||
'vimocayaṁ cittaṁ assasissāmī' ti sikkhati,||
'vimocayaṁ cittaṁ passasissāmī' ti sikkhati,||
'citte citt'ānupassī Ānanda, bhikkhū||
tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

Taṁ kissa hetu?|| ||

[20] Nāhaṁ Ānanda, muṭṭha-s-satissa asampajānassa ānāpāna-sati-samādhi-bhāvanaṁ vadāmi.

■

Tasmā 'ti h'Ānanda,||
citte citt'ānupassī bhikkhū||
tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

[21] Yasmiṁ samaye Ānanda, bhikkhū||
'anicc'ānupassī assasissāmī' ti sikkhati,||
'anicc'ānupassī passasissāmī' ti sikkhati,||
'virāg-ā-nupassī assasissāmī' ti sikkhati,||
'virāg-ā-nupassī passasissāmī' ti sikkhati,||
'nirodh-ā-nupassī assasissāmī' ti sikkhati,||
'nirodh-ā-nupassī passasissāmī' ti sikkhati,||
'paṭinissagg-ā-nupassī assasissāmī' ti sikkhati,||
'paṭinissagaggānupassī passasissāmī' ti sikkhati,||
'Dhammesu Dhamm'ānupassī Ānanda,||
bhikkhū tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

So yaṁ taṁ hoti abhijjhā-domanassānaṁ pahānaṁ,||
taṁ paññāya disvā disvā sādhukaṁ ajjh'upekkhitā hoti.|| ||

■

Tasmā 'ti h'Ānanda,||
dhammesu Dhamm'ānupassī bhikkhū||
tasmiṁ samaye viharati||
ātāpī sampajāno satimā||
vineyya loke abhijjhā-domanassaṁ.|| ||

[325] [22] Seyyathā pi Ānanda||
cātu-m-mahā-pathe||
mahāpaṁsupuñjo||
puratthimāya ce pi disāya āgaccheyya||
sakaṭaṁ vā||
ratho vā upahanateva taṁ paṁsupuñjaṁ.|| ||

Pacchimāya ce pi disāya āgaccheyya||
sakaṭaṁ vā||
ratho vā upahanateva taṁ paṁsupuñjaṁ.|| ||

Uttarāya ce pi disāya āgaccheyya||
sakaṭaṁ vā||
ratho vā upahanateva taṁ paṁsupuñjaṁ.

Dakkhiṇāya ce pi disāya āgaccheyya||
sakaṭaṁ vā||
ratho vā upahanateva taṁ paṁsupuñjaṁ.|| ||

Evam eva kho Ānanda, bhikkhū||
kāye kāy'ānupassī viharanto pi||
upahanateva pāpake akusale dhamme.|| ||

Vedanāsu vedan'ānupassī viharanto pi||
upahanateva pāpake akusale dhamme.|| ||

Citte citt'ānupassī viharanto pi||
upahanateva pāpake akusale dhamme.|| ||

Dhammesu Dhamm'ānupassī viharanto pi||
upahanateva pāpake akusale dhammeti.|| ||

Eka-Dhamma Vagga