Saṃyutta Nikāya
5. Mahā-Vagga
55. Sot'Āpatti Saṃyutta
1. Veḷu-Dvāra Vagga
Sutta 6
Thapatayo Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayam Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||
Tena kho pana samayena sambahulā bhikkhū Bhagavato cīvara-kammaṃ karonti:|| ||
"Niṭṭhita-cīvaro Bhagavā temāsaccayena cārikaṃ pakkamissatī" ti.|| ||
Tena kho pana samayena Isidatta-Purāṇā thapatayo:||
sādhuke paṭivasanti kenacideva karaṇīyena,||
assosuṃ kho Isidatta-Purāṇā thapatayo sambahulā kira bhikkhū Bhagavato cīvara-kammaṃ karonti,||
'Niṭṭhita-cīvaro Bhagavā temāsaccayena cārikaṃ pakkamissatī' ti.|| ||
Atha kho Isidatta-Purāṇā thapatayo magge purisaṇ ṭhapesuṃ:|| ||
"Yadā tvaṃ ambho purisa,||
passyeyāsi Bhagavantaṃ āga-c-chantaṃ Arahantaṃ Sammā Sambuddhaṃ atha kho amhākaṃ1 āroceyyāsī" ti.|| ||
Davīhatīhaṃ ṭhito kho so puriso addasa Bhagavantaṃ durato va āga-c-chantaṃ disvāna yena Isidatta-Purāṇā thapatayo ten'upasaṇkami.|| ||
Upasaṇkamitvā Isidatta-Purāṇā thapatayo etad avoca:|| ||
"Ayaṃ so bhante, Bhagavā āgacchati arahaṃ Sammā Sambuddho yassa dāni kālaṃ maññathā" ti.|| ||
Atha kho Isidatta-Purāṇā thapatayo yena Bhagavā ten'upasaṇkamiṃsu.|| ||
Upasaṇkamitvā Bhagavantaṃ abhivādetvā Bhagavantaṃ piṭṭhito piṭṭhito anubandhiṃsu.|| ||
Atha kho Bhagavā maggā okkamma yena aññataraṃ rukkha-mūlaṃ ten'upasaṇkami.|| ||
Upasaṇkamitvā paññatte [349] āsane nisīdi.|| ||
Isidatta-Purāṇā thapatayo Bhagavantaṃ abhivādetvā eka-m-antaṃ nisīdiṃsu.|| ||
Eka-m-antaṃ nisinnā kho Isidatta-Purāṇā thapatayo Bhagavantaṃ etad avocuṃ:|| ||
"Yadā mayaṃ bhante Bhagavantaṃ suṇāma:||
'Sāvatthiyā Kosalesu cārikaṃ pakkamissatī' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma: 'Sāvatthiya Kosalesu cārikam pakkanto' ti,||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
■
Yadā mayaṃ bhante, Bhagavantaṃ suṇāma:||
'Kosalehi Mallesu cārikaṃ pakkamissatī' ti||
hoti no tasmiṃ samaye [350] anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Kosalehi Mallesu cārikaṃ pakkanto' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Mallehi Vajjīsu cārikaṃ pakkamissatī' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Mallehi Vajjīsu cārikaṃ pakkanto' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Vajjīhi Kāsīsu cārikaṃ pakkamissatī' ti||
hoti no yasmiṃ samaye anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Vajjīhi Kāsīsu pakkanto' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Kāsīhi Magadhesu cārikaṃ pakkamissatī' ti||
hoti no yasmiṃ samaye anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Kāsīhi Magadhesu pakkanto' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Kāsīhi Magadhesu cārikaṃ pakkamissatī' ti||
hoti no yasmiṃ samaye anatta-manatā||
hoti domanassaṇ:||
'dūre no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Kāsīhi Magadhesu pakkanto' ti||
hoti no tasmiṃ samaye anatta-manatā||
hoti domanassaṇ:||
'dūre no Bhagavā' ti.|| ||
§
Yadā pana mayaṃ bhante, Bhagavantaṃ suṇāma:||
'Magadhehi Kāsīsu cārikaṃ pakkamissatī' ti||
hoti no tasmiṃ samaye atta-manatā,||
hoti somanassaṇ,||
'āsanne no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Magadhehi Kāsīsu cārikaṃ pakkanto' ti||
hoti no tasmiṃ samaye atta-manatā||
hoti somanassaṇ:||
"āsanne no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Kāsīhi Vajjīsu cārikaṃ pakkamissatī' ti||
hoti no tasmiṃ samaye atta-manatā,||
hoti somanassaṇ,||
'āsanne no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Kāsīhi Vajjīsu cārikaṃ pakkanto' ti||
hoti no tasmiṃ samaye atta-manatā||
hoti somanassaṇ:||
"āsanne no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Vajjīhi Mallesu cārikaṃ pakkamissatī' ti||
hoti no tasmiṃ samaye atta-manatā,||
hoti somanassaṇ,||
'āsanne no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Vajjīhi Mallesu cārikaṃ pakkanto' ti||
hoti no tasmiṃ samaye atta-manatā||
hoti somanassaṇ:||
"āsanne no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
'Mallehi Kosalesu cārikaṃ pakkamissatī' ti||
hoti no tasmiṃ samaye atta-manatā,||
hoti somanassaṇ,||
'āsanne no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Mallehi Kosalesu cārikaṃ pakkanto' ti||
hoti no tasmiṃ samaye atta-manatā||
hoti somanassaṇ:||
"āsanne no Bhagavā' ti.|| ||
■
Yadā pana mayaṃ bhante, Bhagavantaṃ suṇāma:||
"Kosalehi Sāvatthiṃ cārikaṃ pakkamissatī' ti||
hoti no tasmiṃ samaye atta-manatā||
hoti somanassaṇ:||
'āsanne no Bhagavā bhavissatī' ti.|| ||
Yadā pana mayaṃ bhante, Bhagavantaṃ suṇāma:||
'Sāvatthiyaṃ viharati Jetavane Anāthapiṇḍikassa ārāme' ti||
hoti anappikā no tasmiṃ samaye atta-manatā,||
hoti anappakaṃ somanassaṇ:||
'āsanne no Bhagavā' ti."|| ||
§
"Tasmātiha thapatayo sambādho gharāvāso rajo-patho,||
abbhokāso pabbajjā.|| ||
Alañ ca pana vo thapatayo appamādāyā" ti.|| ||
"Atthi kho no bhante,||
etamhā sambādhā añño sambādho sambādhataro c'eva sambādhasaṇkhātataro cā" ti.|| ||
[351] "Katamo pana vo thapatayo etamhā sambādhā añño sambādho sambādhataro c'eva sambādhasaṇkhātatarocā" ti?|| ||
"Idha mayaṃ bhante, yadā rājā Pasenadi kosalo uyyāna-bhūmiṃ niyyātukāmo hoti,||
ye te rañño Pasenadissa Kosalassa nāgā opavayhā te kappetvā yā tā rañño Pasenadissa Kosalassa pajāpatiyo piyā manāpā tā ekaṃ purato ekaṃ pacchato nisīdāpema.|| ||
Tāsaṇ kho pana bhante,||
bhaginīnaṃ eva-rūpo gandho hoti:|| ||
Seyyathā pi nāma gandha-karaṇa-ḍakassa tāva-d-eva vivariya-mānassa yathā taṃ,||
rājā-rahena gandhena vibhūsitānaṃ.|| ||
Tāsaṇ kho pana bhante, bhaginīnaṃ eva-rūpo kāya-samphasso hoti,||
seyyathā pi nāma tūla-picuno vā kappāsa-picuno vā yathā taṃ rājakaññānaṃ sukhedhitānaṃ.|| ||
Tasmiṃ kho pana bhante,||
samaye nāgo pi rakkhitabbo hoti,||
tāpi bhaganiyo rakkhitabbā honti,||
attā pi rakkhitabbo hoti.|| ||
Na kho pana mayaṃ bhante,||
abhijānāma,||
tāsu bhaginīsu pāpakaṃ cittaṃ uppādetā.|| ||
Ayaṃ kho no bhante,||
etamhā sambādhā añño sambādho sambādhataro c'eva sambādha-saṇkhātatataro cā" ti.|| ||
"Tasmātiha thapatayo sambādho gharāvāso rajo-patho,||
abbhokāso pabbajjā,||
alañca pana vo thapatayo appamādāya.|| ||
Catūhi kho thapatayo dhammehi samannāgato ariya-sāvako sot'āpanno hoti avinipāta-dhammo niyato sambodhi-parāyaṇo.|| ||
Katamehi catūhi?|| ||
Idha thapatayo ariya-sāvako Buddhe avecca pasādena samannāgato hoti:|| ||
'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||
Dhamme avecca pasādena samannāgato hoti:|| ||
'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||
Saṇghe avecca pasādena samannāgato hoti:|| ||
'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||
Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||
Vigatamala-maccherena cetasā agāraṃ ajjhā-vasati.|| ||
Mutta-cāgo payatapāṇi vossagga-rato yā cayogo dāna-saṃvibhāgarato.|| ||
Ime hi kho thapatayo catūhi dhammehi [352] samannāgato ariya-sāvako Sotāpanno hoti||
avinipāta-dhammo niyato sambodhi-parāyaṇo.|| ||
Tumhehi kho thapatayo, Buddhe avecca pasādena samannāgato:|| ||
'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||
Dhamme avecca pasādena samannāgatā:|| ||
'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||
Saṇghe avecca pasādena samannāgato hoti:|| ||
'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||
Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||
Yaṃ kho pana kiñci kule deyya-dhammaṃ sabbaṃ taṃ appaṭivibhattaṃ sīlavantehi kalyāṇa-dhammehi.|| ||
Taṃ kiṃ maññatha thapatayo?|| ||
Katividhā te Kosalesu manussā ye tumhākaṃ samasamā||
yad idaṃ dānasaṃvibhāge" ti?|| ||
"Lābhā no bhante,||
su-laddhaṃ no bhante||
yesaṇ no Bhagavā evaṃ jānātī" ti.|| ||
