Saṁyutta Nikāya
5. Mahā-Vagga
55. Sot'Āpatti Saṁyutta
2. Sahassaka or Rājakārama Vagga

Sutta 17

Dutiya Mitten-ā-maccā Suttaṁ

 

---

[365]

[1][pts] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Ye hi bhikkhave, anukampeyyātha,||
ye ca sotabbaṁ maññeyyuṁ||
mittā vā||
amaccā vā||
ñāti vā||
sālohitā vā,||
te vo bhikkhave, catusu sot'āpattiyaṅgesu sam-ā-dapetabbā||
nivesetabbā||
patiṭṭhāpetabbā.|| ||

Katamesu catusu?|| ||

Buddhe aveccappasāde sam-ā-dapetabbā,||
nivesetabbā,||
patiṭṭhāpetabbā:|| ||

'Iti pi so Bhagavā||
arahaṁ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṁ||
Buddho||
Bhagavā' ti.|| ||

Siyā bhikkhave, catunnaṁ mahā-bhutanaṁ aññathattaṁ||
Paṭhavī-dhātuyā||
āpo-dhātuyā||
tejo-dhātuyā||
vayodhātuyā.|| ||

Na tv'eva Buddhe avecca pasādena samannāgatassa ariya-sāvakassa siyā aññathattaṁ.|| ||

Tatr'idaṁ aññathattaṁ:|| ||

'So vata Buddhe avecca pasādena samannāgato ariya-sāvako Nirayaṁ vā||
tiracchāna-yoniṁ vā||
petti-visayaṁ vā uppajjissatī' ti.|| ||

N'etaṁ ṭhānaṁ vijjati.|| ||

■

Dhamme aveccappasāde sam-ā-dapetabbā,||
nivesetabbā,||
patiṭṭhāpetabbā:|| ||

'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṁ veditabbo viññūhī' ti.|| ||

Siyā bhikkhave, catunnaṁ mahā-bhutanaṁ aññathattaṁ||
Paṭhavī-dhātuyā||
āpo-dhātuyā||
tejo-dhātuyā||
vayodhātuyā.|| ||

Na tv'eva dhamme avecca pasādena samannāgatassa ariya-sāvakassa siyā aññathattaṁ.|| ||

Tatr'idaṁ aññathattaṁ:|| ||

'So vata dhamme avecca pasādena samannāgato ariya-sāvako Nirayaṁ vā||
tiracchāna-yoniṁ vā||
petti-visayaṁ vā uppajjissatī' ti.|| ||

N'etaṁ ṭhānaṁ vijjati.|| ||

■

Saṅghe aveccappasāde sam-ā-dapetabbā,||
nivesetabbā,||
patiṭṭhāpetabbā:|| ||

'Su-paṭipanno Bhagavato sāvaka-saṅgho,||
uju-paṭipanno Bhagavato sāvaka-saṅgho,||
ñāya-paṭipanno Bhagavato sāvaka-saṅgho,||
sāmīci-paṭipanno Bhagavato sāvaka-saṅgho,||
yad idaṁ cattāri purisa-yugāni||
aṭṭhapurisa-puggalā,||
esa Bhagavato sāvaka-saṅgho.|| ||

Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṁ puññakettaṁ lokassā' ti.|| ||

Siyā bhikkhave, catunnaṁ mahā-bhutanaṁ aññathattaṁ||
Paṭhavī-dhātuyā||
āpo-dhātuyā||
tejo-dhātuyā||
vayodhātuyā.|| ||

Na tv'eva saṅghe avecca pasādena samannāgatassa ariya-sāvakassa siyā aññathattaṁ.|| ||

Tatr'idaṁ aññathattaṁ:|| ||

'So vata saṅghe avecca pasādena samannāgato ariya-sāvako Nirayaṁ vā||
tiracchāna-yoniṁ vā||
petti-visayaṁ vā uppajjissatī' ti.|| ||

N'etaṁ ṭhānaṁ vijjati.|| ||

■

Ariya-kantesu sīlesu samadapetabbā||
nivesetabbā||
patiṭṭhāpetabbā.|| ||

Akhaṇḍāni||
acchiddāni||
asa-balāni||
akammā-sāni||
bhujissāni||
viññuppaSatthāti||
aparām-aṭṭhāni||
samādhi-saṁvaṭṭanikāni.|| ||

Siyā bhikkhave, catunnaṁ mahā-bhutanaṁ aññathattaṁ||
Paṭhavī-dhātuyā||
āpo-dhātuyā||
tejo-dhātuyā||
vayodhātuyā.|| ||

Na tv'eva ariya-kantehi [366] sīlehi samannāgatassa ariya-sāvakassa siyā aññathattaṁ.|| ||

Tatr'idaṁ aññathattaṁ:|| ||

'So vata ariya-kantehi sīlehi samannāgato ariya-sāvako Nirayaṁ vā||
tiracchāna-yoniṁ vā||
petti-visayaṁ vā uppajjissatī' ti.|| ||

N'etaṁ ṭhānaṁ vijjati.|| ||

Ye bhikkhave, anukampeyyātha,||
ye ca sotabbaṁ maññeyyuṁ||
mittā vā||
amaccā vā||
ñāti vā||
sālohitā vā.|| ||

Te vo bhikkhave, imesu catusu sot'āpattiyaṅgesu sam-ā-dapetabbā||
nivesetabbā||
patiṭṭhāpetabbā" ti.|| ||