Saṁyutta Nikāya
5. Mahā-Vagga
55. Sot'Āpatti Saṁyutta
4. Puññ-ā-bhisanda Vagga

Sutta 34

Paṭhama Devapada Suttaṁ

 

---

[392]

[1][pts]] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Cattār'imāni bhikkhave, devānaṁ devapadāni avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāya.|| ||

Katame cattāro?|| ||

Idha bhikkhave, ariya-sāvako Buddhe avecca-p-pasādena samannāgato hoti:|| ||

'Iti pi so Bhagavā||
arahaṁ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṁ||
Buddho||
Bhagavā' ti.|| ||

Idha paṭhamaṁ devānaṁ devapadaṁ avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāya.|| ||

Puna ca'paraṁ bhikkhave, ariya-sāvako dhamme avecca-p-pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṁ veditabbo viññūhī' ti.|| ||

Idaṁ dutiyaṁ devānaṁ devapadaṁ avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāya.|| ||

Puna ca'paraṁ bhikkhave, ariya-sāvako saṅghe avecca-p-pasādena samannāgato hoti|| ||

'Su-paṭipanno Bhagavato sāvaka-saṅgho,||
uju-paṭipanno Bhagavato sāvaka-saṅgho,||
ñāya-paṭipanno Bhagavato sāvaka-saṅgho,||
sāmīci-paṭipanno Bhagavato sāvaka-saṅgho,||
yad idaṁ cattāri purisa-yugāni||
aṭṭhapurisa-puggalā,||
esa Bhagavato sāvaka-saṅgho.|| ||

Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṁ puññakettaṁ lokassā' ti.|| ||

Idaṁ tatiyaṁ devānaṁ devapadaṁ avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāya.|| ||

Puna ca'paraṁ bhikkhave, ariya-sāvako ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṁvaṭṭanikehi.|| ||

Idaṁ catutthaṁ devānaṁ devapadaṁ avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāya.|| ||

Imāni kho bhikkhave, cattāri devānaṁ devapadāni avisuddhānaṁ sattāṇaṁ visuddhiyā apariyodātānaṁ sattāṇaṁ pariyodapanāyā" ti.|| ||