Saṁyutta Nikāya
5. Mahā-Vagga
55. Sot'Āpatti Saṁyutta
4. Puññ-ā-bhisanda Vagga

Sutta 36

Sabhāgata Suttaṁ

 

---

[394]

[1][pts]] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Catūhi bhikkhave, dhammehi samannāgataṁ atta-manā devā sabhāgatā kathenti.|| ||

Katamehi catūhi?|| ||

Idha bhikkhave, ariya-sāvako Buddhe avecca pasādena samannāgato hoti:|| ||

'Iti pi so Bhagavā||
arahaṁ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṁ||
Buddho||
Bhagavā' ti.|| ||

Yā tā devatā Buddhe avecca pasādena samannāgato ito cutā tatrūpapannā.|| ||

Tāsaṇ evaṁ hoti:|| ||

'Yathā-rūpena kho mayaṁ Buddhe avecca pasādena samannāgatā tato cutā idh'ūpapannā.|| ||

Ariyasāvako pi tathā-rūpena Buddhe avecca pasādena samannāgato hoti ehiti^[ed1] devānaṁ santike' ti.|| ||

■

Puna ca'paraṁ bhikkhave, ariya-sāvako dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṁ veditabbo viññūhī' ti.|| ||

Yā tā devatā dhamme avecca pasādena samannāgatā ito cutā tatrūpapannā.|| ||

Tāsaṇ evaṁ hoti:|| ||

'Yathā-rūpena kho mayaṁ dhamme avecca pasādena samannāgatā tato cutā idh'ūpapannā.|| ||

Ariyasāvako pi tathā-rūpena dhamme avecca pasādena samannāgato hoti etiti devānaṁ santike" ti.|| ||

■

Puna ca'paraṁ bhikkhave, ariya-sāvako saṅghe avecca pasādena samannāgato hoti:|| ||

'Su-paṭipanno Bhagavato sāvaka-saṅgho,||
uju-paṭipanno Bhagavato sāvaka-saṅgho,||
ñāya-paṭipanno Bhagavato sāvaka-saṅgho,||
sāmīci-paṭipanno Bhagavato sāvaka-saṅgho,||
yad idaṁ cattāri purisa-yugāni||
aṭṭhapurisa-puggalā,||
esa Bhagavato sāvaka-saṅgho.|| ||

Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṁ puññakettaṁ lokassā' ti.|| ||

Yā tā devatā saṅghe avecca pasādena samannāgatā ito cutā tatrūpapannā.|| ||

Tāsaṇ evaṁ hoti:|| ||

'Yathā-rūpena kho mayaṁ saṅghe avecca pasādena samannāgatā tato cutā idh'ūpapannā.|| ||

Ariyasāvako pi tathā-rūpena saṅghe avecca pasādena samannāgato etīti devānaṁ santike" ti.|| ||

■

Puna ca'paraṁ bhikkhave, ariya-sāvako ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṁvaṭṭanikehi.|| ||

Yā tā devatā ariya-kantehi sīlehi samannāgatā ito cutā tatrūpapannā.|| ||

Tāsaṇ evaṁ hoti:|| ||

'Yathā-rūpena kho mayaṁ ariya-kantehi sīlehi samannāgato tato cutā idhupapannā.|| ||

Ariyasāvako pi tathā-rūpehi ariya-kantehi sīlehi samannāgato hoti etiti devānaṁ santike" ti.|| ||

imehi kho bhikkhave, catūhi dhammehi samannāgataṁ atta-manā devā sabhāgatā kathentī" ti.|| ||

 

---

^[ed1] Bhk. Bodhi notes: Be and Ee have ehi ti, presumably understood as an imperative, while Se has etīti, which seems hard to explain. I suggest reading the singular future.