Paṭhama Paññā-Paṭilābhāya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][olds] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Cattāro me bhikkhave, dhammā bhāvitā||
bahulī-katā||
paññā-paṭilābhāya saṁvaṭṭanti.|| ||

Katame cattāro?|| ||

Sappurisa-saṇsevo||
Sad'Dhamma-savanaṁ||
yoniso-mana-sikāro||
Dhammānudhamma-paṭipatti.|| ||

Ime kho bhikkhave, cattāro dhammā bhāvitā||
bahulī-katā||
paññā-paṭilābhāya saṁvaṭṭantī" ti.|| ||