Saṁyutta Nikāya
5. Mahā-Vagga
56. Sacca Saṁyutta
3. Koṭigāma Vagga

Sutta 26

Mittā Suttaṁ

 

---

[434]

[1][pts][bodh][than] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Ye hi keci, bhikkhave,||
anukampeyyātha,||
ye ca sotabbaṁ maññeyyuṁ,||
mittā vā||
amaccā vā||
ñātī vā||
sālohitā vā,||
[435] te kho bhikkhave,||
catunnaṁ ariya-saccānaṁ yathā-bhūtaṁ abhisamayāya||
sam-ā-dapetabbā||
nivesatabbā||
patiṭṭhāpetabbā.|| ||

Katamāni cattāri?|| ||

Dukkhaṁ ariya-saccaṁ,||
dukkha-samudayo ariya-saccaṁ||
dukkha-nirodho ariya-saccaṁ||
dukkha-nirodha-gāminī paṭipadā ariya-saccaṁ.|| ||

"Ye hi keci, bhikkhave,||
anukampeyyātha,||
ye ca sotabbaṁ maññeyyuṁ,||
mittā vā||
amaccā vā||
ñātī vā||
sālohitā vā,||
te kho bhikkhave,||
catunnaṁ ariya-saccānaṁ yathā-bhūtaṁ abhisamayāya||
sam-ā-dapetabbā||
nivesatabbā||
patiṭṭhāpetabbā.|| ||

Tasmātiha bhikkhave,||
'idaṁ dukkhan' ti yogo karaṇīyo,||
'ayaṁ dukkha-samudayo' ti yogo karaṇīyo,||
'ayaṁ dukkha-nirodho' ti yogo karaṇīyo,||
'ayaṁ dukkha-nirodha-gāmin paṭipadā' ti yogo karaṇīyo" ti.|| ||