Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVI: Indriya Vagga

Sutta 156

Asaŋkheyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Cattār'imāni bhikkhave kappassa asaŋkheyyāni.|| ||

Katamāni cattāri?|| ||

Yadā bhikkhave kappo saɱvaṭṭati,||
taɱ na sukaraɱ saŋkhātuɱ ettakāni vassānī ti vā ettakānī ti vā ettakāni vassasatānī ti vā ettakāni vassasahassānī ti vā ettakāni vassasatasahassānī ti vā.|| ||

Yadā bhikkhave kappo saɱvaṭṭo tiṭṭhati,||
taɱ na sukaraɱ saŋkhātuɱ ettakāni vassānīti vā ettakāni vassasatānīti vā ettakāni vassasahassānīti vā ettakāni vassasata sahassānīti vā.|| ||

Yadā bhikkhave kappo vivaṭṭati,||
taɱ na sukaraɱ saŋkhātuɱ ettakāni vassānīti vā ettakāni vassasatānīti vā ettakāni vassasahassānīti vā ettakāni vassasata sahassānīti vā.|| ||

Yadā bhikkhave kappo vivaṭṭo tiṭṭhati,||
taɱ na sukaraɱ saŋkhātuɱ ettakāni vassānīti vā ettakāni vassasatānīti vā ettakāni vassasahassānīti vā ettakāni vassasata sahassānīti vā.|| ||

Imāni kho bhikkhave cattāri kappassa asaŋkheyyānīti.|| ||

 


Contact:
E-mail
Copyright Statement   Webmaster's Page