Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya
Catukkanipata

Sutta 158

Parihāṇi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Tatra kho āyasmā Sāriputto bhikkhu āmantesi:|| ||

Āvuso bhikkhave ti.|| ||

Āvuso ti kho te bhikkhu āyasmato Sāriputtassa paccassosuɱ.|| ||

Āyasmā Sāriputto etad avoca:|| ||

Yo hi koci āvuso bhikkhu vā bhikkhunī vā cattāro dhamme attani samanupassati,||
niṭṭham ettha gantabbaɱ —||
parihāyāmi kusalehi dhammehi,||
parihāname etaɱ vuttaɱ Bhagavatā.|| ||

Katame cattāro?|| ||

Rāgavepullanatā,||
Dosavepullataɱ,||
mohavepullataɱ,||
gambhīresu kho pan'assa ṭhānāṭṭhānesu paññācakkhuɱ na kamati.|| ||

Yo hi koci āvuso bhikkhu vā bhikkhunī vā ime cattāro dhamme attani samanupassati,||
niṭṭham ettha gantabbaɱ —||
parihāyāmi kusalehi dhammehi,||
parihāname etaɱ vuttaɱ Bhagavatā.|| ||

2. Yo hi ko ci āvuso bhikkhuvā bhikkhunī vā cattāro dhamme attani samanupassati,||
niṭṭham ettha gantabbaɱ —||
na parihāyāmi kusalehi dhammehi,||
aparihāname etaɱ vuttaɱ Bhagavatā.|| ||

Katame cattāro?|| ||

Rāgatanuttaɱ,||
dosatanuttaɱ,||
mohatanuttaɱ,||
gambhīresu kho pan'assa ṭhānāṭṭhānese paññācakkhuɱ kamati.|| ||

Yo hi koci āvuso bhikkhu vā bhikkhunī vā ime cattāro dhamme attani samanupassati,||
niṭṭham ettha gantabbaɱ — na parihāyāmi kusalehi dhammehi aparihāname etaɱ vuttaɱ Bhagavatā ti.|| ||

 


Contact:
E-mail
Copyright Statement   Webmaster's Page