Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVIII: Sañcetana Vagga

Sutta 171

Sañcetanā Suttaɱ (a)

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Kāye vā bhikkhave sati kāya-sañcetanā-hetu uppajjati [158] ajjhattaɱ sukhadukkhaɱ.|| ||

Vācāya vā bhikkhave sati vacī-sañcetanā-hetu uppajjati ajjhattaɱ sukhadukkhaɱ.|| ||

Mane vā bhikkhave sati mano-sañcatanā-hetu uppajjati ajjhattaɱ sukhadukkhaɱ.|| ||

Avijjā-paccayā va.|| ||

 

§

 

2. Sāmaɱ vā taɱ bhikkhave kāya-sankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Pare vā'ssa taɱ bhikkhave kāyasankhāraɱ abhisaŋkharonti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Sampajāno vā taɱ bhikkhave kāyasankhāraɱ abhisaŋkaroti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Asampajāno vā taɱ bhikkhave kāyasankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

 

§

 

3. Sāmaɱ vā taɱ bhikkhave vacī-sankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Pare vā'ssa taɱ bhikkhave vacīsankhāraɱ abhisaŋkharonti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Sampajāno vā taɱ bhikkhave vacīsankhāraɱ abhisaŋkaroti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Asampajāno vā taɱ bhikkhave vacīsankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

 

§

 

4. Sāmaɱ vā taɱ bhikkhave mano-sankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Pare vā'ssa taɱ bhikkhave manosankhāraɱ abhisaŋkharonti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Sampajāno vā taɱ bhikkhave manosankhāraɱ abhisaŋkaroti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Asampajāno vā taɱ bhikkhave manosankhāraɱ abhisaŋkharoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

 

§

 

5. Imesu bhikkhave dhammesu avijjā anupatitā.|| ||

Avijjaya tv eva asesavirāganirodhā so kāyo na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Sā vācā na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Sā mano na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Khettaɱ taɱ na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Vatthuɱ [159] taɱ na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Āyatanaɱ taɱ na hoti,||
yaɱ paccayā'ssa taɱ uppajjati ajjhattaɱ sukhadukkhaɱ.|| ||

Adhikaraṇaɱ taɱ na hoti,||
yaɱ paccayā'ssa taɱ uppajjati ajjhattaɱ sukhadukkhan" ti.|| ||

 


Contact:
E-mail
Copyright Statement   Webmaster's Page