Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVIII: Sañcetana Vagga

Sutta 177

Rāhula Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[161]

[1][pts] Atha kho āyasmā Rāhulo yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Rāhulaɱ Bhagavā etad avoca:|| ||

"Yā ca Rāhula ajjhattikā paṭhavidhātu||
yā ca bāhirā paṭhavidhātu,||
paṭhavidhātur ev'esā.|| ||

Taɱ 'n'etaɱ mama,||
n'eso'ham asmi,||
na m'eso attā' ti,||
evam etaɱ yathābhutaɱ sammappaññāya daṭṭhabbaɱ.|| ||

Evam etaɱ yathābhutaɱ sammappaññāya disvā paṭhavidhātuyā nibbindati||
paññāya cittaɱ virājeti.|| ||

2. Yā ca Rāhula ajjhattikā āpodhātu||
yā ca bāhirā [165] āpodhātu,||
āpodhātur ev'esā.|| ||

Taɱ 'n'etaɱ mama,||
n'eso'ham asmi,||
na m'eso attā' ti,||
evam etaɱ yathābhutaɱ sammappaññāya daṭṭhabbaɱ.|| ||

Evam etaɱ yathābhutaɱ sammappaññāya disvā āpodhātuyā nibbindati||
āpodhātuyā cittaɱ virājeti.|| ||

3. Yā ca Rāhula ajjhattikā tejodhātu||
yā ca bāhirā tejodhātu,||
tejodhātur ev'esā.|| ||

Taɱ 'n'etaɱ mama,||
n'eso'ham asmi,||
na m'eso attā' ti,||
evam etaɱ yathābhutaɱ sammappaññāya daṭṭhabbaɱ.|| ||

Evam etaɱ yathābhutaɱ sammappaññāya disvā tejodhātuyā nibbindati||
tejodhātuyā cittaɱ virājeti.|| ||

4. Yā ca Rāhula ajjhattikā vāyodhātu||
yā ca bāhirā vāyodhātu,||
vāyodhātur ev'esā.|| ||

Taɱ 'n'etaɱ mama,||
n'eso'ham asmi,||
na m'eso attā' ti,||
evam etaɱ yathābhutaɱ sammappaññāya daṭṭhabbaɱ.|| ||

Evam etaɱ yathābhutaɱ sammappaññāya disvā vāyodhātuyā nibbindati,||
vāyodhātuyā cittaɱ virājeti.|| ||

5. Yato kho Rāhula bhikkhu imāsu catusu dhātusu n'eva'attānaɱ nāttani yaɱ samanupassati||
ayaɱ vuccati Rāhula bhikkhu acchecchi taṇhaɱ,||
vāvattayī saɱyojanaɱ,||
sammā mānābhisamayā antam akāsi dukkhassā" ti.|| ||

 


Contact:
E-mail
Copyright Statement   Webmaster's Page