Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 20

Vassakāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Rājagahe viharati,||
Gijjhakūṭe pabbate.|| ||

Tena kho pana samayena rājā Māgadho Ajātasattu Vedehi putto Vajjī abhiyātukāmo hoti.|| ||

So evam āha:|| ||

'Ahaɱ ime Vajjī evaɱ mahiddhike evaɱ mahānubhāve ucchecchāmi Vajjī vināsessāmi Vajjī anayababyāsanaɱ āpādessāmī Vajjī' ti.|| ||

Atha kho rājā Māgadho Ajātasattu Vedehi putto Vassakāraɱ brāhmaṇaɱ Magadhamahāmattaɱ āmantesi:|| ||

'Ehi tvaɱ brāhmaṇa,||
yena Bhagavā ten'upasaŋkama,||
upasaŋkamitvā mama vacanena Bhagavato pāde sirasā vanda,||
appābādhaɱ appātaṇkaɱ lahuṭṭhānaɱ balaɱ phāsuvihāraɱ puccha:|| ||

"Rājā bhante Māgadho Ajātasattu Vedehi putto Bhagavato pāde sirasā vandati,||
appābādhaɱ appātaŋkaɱ lahuṭṭhānaɱ balaɱ phāsuvihāraɱ pucchatī' ti.|| ||

Evañ ca vadehi:|| ||

Rājā bhante Māgadho Ajātasattu Vedehi-putto Vajjī abhiyātukāmo.|| ||

So evam āha:|| ||

"Ahaɱ ime Vajjī evaɱ mahiddhike evaɱ mahānubhāve ucchecchāmi Vajjī vināsessāmi Vajjī anayabyasanaɱ āpādessāmi Vajjī' ti.|| ||

Yathā Bhagavā vyākararoti||
taɱ sādhukaɱ uggavetvā mama āroceyyāsī.|| ||

Na hi tathāgatā vitathaɱ bhaṇantī" ti.|| ||

'Evaɱ bho' ti kho Vassakāro brāhmaṇo Magadhamahāmatto rañño Māgadhassa Ajātasatutussa Vedehiputtassa paṭissutvā yena Bhagavā ten'upasaŋkami.|| ||

Upasaŋkamitvā Bhagavatā saddhiɱ sammodi,||
sammodanīyaɱ kathaɱ sārāṇiyaɱ vītisāretvā eka-m-antaɱ nisīdi.|| ||

Eka-m-antaɱ nisīnno kho Vassakāro brāhmaṇo Magadhamahāmatto Bhagavantaɱ etad avoca:|| ||

Rājā bho Gotama Māgadho Ajātasattu Vedehi-putto bhoto Gotamassa pāde sirasā vandati,||
appābādhaɱ appātaŋkaɱ lahuṭṭhānaɱ balaɱ phāsuvihāraɱ pucchati evañ ca vadeti.|| ||

Rājā bho gota,||
Māgadho Ajātasattu Vedehi-putto Vajjī abhiyātukāmo.|| ||

So evam āha:|| ||

Ahaɱ ime Vajjī evaɱ mahiddhike evaɱ mahānubhāve ucchecchāmi Vajjī vināsessāmi Vajjī anayabyasanaɱ āpādessāmi Vajjī ti.|| ||

2. Tena kho pana samayena āyasmā Ānando Bhagavato piṭṭhito ṭhito hoti Bhagavantaɱ vijayamāno.|| ||

Atha kho Bhagavā āyasmantaɱ Ānanda āmantesi:|| ||

Kinti te Ānanda sutaɱ||
Vajjī abhiṇhaɱ sannipāta bahulā ti?|| ||

Sutaɱ me taɱ bhante,||
'Vajjī abhiṇhaɱ sannipātā sannipātabahulā' ti.|| ||

Yāvakīvañ ca Ānanda,||
Vajjī abhiṇhaɱ sannipātā bhavissanti sannipātabahulā,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

Kinti te Ānanda, sutaɱ,||
'Vajjī samaggā sannipatanti,||
samaggā vuṭṭhabhanti,||
samaggā Vajjīkaraṇīyāni karontī' ti?|| ||

Sutaɱ me taɱ bhante,||
'Vajjī samggā sannipatanti,||
samaggā vuṭṭhabhanti,||
samaggā Vajjīkaraṇīyāni karontī' ti.|| ||

Yāvakivañ ca Ānanda,||
Vajjī samaggā sannipatissanti,||
samaggā vuṭṭhahisnti,||
samaggā Vajjīkaraṇīyāni karissanti,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

|| ||

Kinti te Ānanda, suta||
'Vajjī apaññattaɱ na paññapenti,||
paññattaɱ na samucchindanti,||
yathā paññatte porāṇe Vajjīdhamme samādāyā vattantī' ti?|| ||

Sutaɱ me taɱ bhante,||
'Vajjī na paññāpenti,||
paññattaɱ na samucchindanti,||
yathā paññatte porāṇe Vajjīdhamme samādāyā vattantī' ti.|| ||

Yāvakīvañ ca Ānanda,||
Vajjī apaññattaɱ na paññāpessanti,||
paññatta na samucachindissanti,||
yathā paññatte porāṇe Vajjīdhamme samādāya vattissanti,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

|| ||

Kinti te Ānanda, sutaɱ||
'Vajjī, ye te Vajjīnaɱ Vajjīmahallakā,||
te sakkaronti garukaronti mānenti pūjenti,||
tesañ ca sotabbaɱ maññantī' ti?|| ||

Sutaɱ me taɱ bhante,||
'Vajjī, ye te Vajjīnaɱ Vajjīmahallakā,||
te sakkaronti garukaronti mānenti pūjenti,||
tesañ ca sotabbaɱ maññantī' ti.|| ||

Yāvakivañ ca Ānanda,||
Vajjī, ye te Vajjīnaɱ Vajjīmahallakā,||
te sakkarissanti garukarissanti mānessanti pūjessanti||
tesañ ca sotabbaɱ maññissanti,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

|| ||

Kinti te Ānanda, sutaɱ||
'Vajjī, yā tā kulitthiyo kulakumāriyo,||
tā na okkassa pasayha vāsentī' ti?|| ||

Sutaɱ me taɱ bhante,||
'Vajjī, yā taɱ kulitthiyo kulakumāriyo,||
tā na okkassa pasayha vāsentī' ti.|| ||

Yāvakīvañ ca Ānanda,||
Vajjī, yā tā kulittiyo kulakumāriyo,||
tā na okkassa pasayha vāsessantī,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

|| ||

Kinti te Ānanda, sutaɱ||
'Vajjī, yāni tāni Vajjīnaɱ Vajjīcetiyāni abbhantarāni c'eva bāhirāni ca,||
tāni sakkaronti garukaronti mānenti pūjentī||
tesañ ca dinnapubbaɱ katapubbaɱ dhammikaɱ baliɱ no parihāpentī' ti?|| ||

Sutaɱ me taɱ bhante,||
'Vajjī, yāni tāni Vajjītaɱ Vajjīcetiyāni abbhantarāni c'eva bāhirāni ca,||
tāni sakkaronti garukaronti mānenti pūjenti||
tesañ ca dinnapubbaɱ katapubbaɱ dhammikaɱ baliɱ no parihāpentī' ti.|| ||

Yāvakivañ ca Ānanda,||
Vajjī, yāni tāni Vajjīnaɱ Vajjīcetiyāni abbhantarāni c'eva bāhirāni ca,||
tāni sakkarissanti garukarissanti mānessanti pūjessanti||
tesañ ca dinnapubbaɱ katapubbaɱ dhammikaɱ baliɱ no parihāpessanti,||
vuddhi yeva Ānanda,||
Vajjīnaɱ pāṭikaŋkhā,||
no parihāni.|| ||

|| ||

Kinti te Ānanda, sutaɱ||
'Vajjīnaɱ arahantesu dhammikā rakkhāvaraṇagutti susaɱvihitā:||
"Kinti anāgatā ca arahanto vijitaɱ āgaccheyyuɱ,||
āgatā ca arahanto vijite phāsuɱ vihareyyun"' ti?|| ||

Sutaɱ me taɱ bhante||
'Vajjīnaɱ arahantesu dhammikā rakkhāvaraṇagutti susaɱvihitā:||
"Kinti anāgatā ca arahanto vijitaɱ āgaccheyyuɱ,||
āgatā ca arahanto vijite phāsuɱ vihareyyu"' ti.|| ||

Yāvakivañ ca Ānanda,||
Vajjīnaɱ arahantesu dhammikā rakkhāvaraṇagutti susaɱvihitā:||
"Kinti anāgatā ca arahanto vijitaɱ āgaccheyyuɱ,||
āgatā ca arahanto vijite phāsuɱ vihareyyun" ti||
vuddhi yeva Ānanda||
Vajjīnaɱ pāṭikaŋkhā,||
no parihānī ti.|| ||

3. Atha kho Bhagavā Vassakāraɱ brāhmaṇaɱ Maghadhamahāmattaɱ āmantesi:|| ||

Ekam idāhaɱ brāhmaṇa,||
samayaɱ Vesāliyaɱ viharāmi Sārandade cetiye,||
tatrāhaɱ Vajjīnaɱ ime satta aparihāniye dhamme desesiɱ.|| ||

Yāvakīvañ ca brāhmaṇa,||
ime satta aparihāniyā dhammā Vajjīsu ṭhassanti,||
imesu ca sattasu aparihāniyesu dhammesu Vajjī sandissanti,||
vuddhi yeva brāhmaṇa,||
Vajjīnaɱ pāṭikaŋkhā,||
no parihānī ti.|| ||

4. Evaɱ vutte Vassakāro brāhmaṇo Magadhamahāmatto Bhagavantaɱ etad avoca:|| ||

'Eka-m-ekena pi bho Gotama,||
aparihānīyena dhammena samannāgatānaɱ Vajjīnaɱ,||
vuddhi yeva pāṭikaŋkhā,||
no parihāni,||
ko pana vādo sattahi aparihānīyehi dhammehi?|| ||

Akaraṇīyā ca bho Gotama,||
Vajjī raññā Māgadhena Ajātasattunā Vedehiputtena,||
yad idaɱ yuddhassa,||
aññatra upalāpanā aññatra mithubhedā.|| ||

Handa ca dāni mayaɱ bho Gotama gacchāma,||
bahukiccā mayaɱ bahūkaraṇiyā' ti.|| ||

'Yassa dāni tvaɱ brāhmaṇa,||
kālaɱ maññasī' ti.|| ||

Atha kho Vassakāro brāhmaṇo Magadhamavāmatto Bhagavato bhāsitaɱ abhinanditvā anumoditvā uṭṭhāy āsanā pakkāmi ti.|| ||


Contact:
E-mail
Copyright Statement   Webmaster's Page