Majjhima Nikāya
1. Mūla-Paṇṇāsa
2. Sīhanāda Vagga

Sutta 19

Dvedhā-Vitakka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[114]

[1][chlm][pts][than][ntbb][olds][upal][pnji] Evaṁ me sutaṁ:|| ||

Ekaṁ samayaṁ Bhagavā Sāvatthīyaṁ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi|| ||

"Bhikkhavo" ti.|| ||

"Bhadante" ti||
te bhikkhu Bhagavato paccassosuṁ
Bhagavā etad avoca:|| ||

[2][than][ntbb][olds][upal] Pubbeva me bhikkhave sambodhā anabhi-sambuddhassa bodhisattass'eva sato etad ahosi:|| ||

Yan'nūn-ā-haṁ dvedhā katvā dvidhā katvā vitakke vihareyyan ti.|| ||

So kho ahaṁ bhikkhave yo c'āyaṁ kāma-vitakko yo ca vyāpāda-vitakko yo ca vihiṁsā-vitakko,||
imaṁ ekaṁ bhāgam akāsiṁ.|| ||

Yo c'āyaṁ nekkhamma-vitakko yo ca avyāpāda-vitakko yo ca avihiṁsā-vitakko,||
imaṁ dutiyaṁ bhāgam akāsiṁ.|| ||

[3][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato up- [115] pajjati kāma-vitakko.|| ||

So evaṁ pajānāmi:|| ||

Uppanno kho me ayaṁ kāma-vitakko.|| ||

So ca kho attavyābādhāya pi saṁvaṭṭati,||
paravyābādhāya pi saṁvaṭṭati,||
ubhayavyābādhāya pi saṁvaṭṭati,||
paññā-nirodhiko vighāta-pakkhiko anibbāna-saṁvaṭṭa-niko.|| ||

Attavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paravyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Ubhayavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paññā-nirodhiko vighāta-pakkhiko anibbāna-saṁvaṭṭa-niko ti pi me bhikkhave||
paṭisañcikkhato abbhatthaṁ gacchati.|| ||

So kho ahaṁ bhikkhave uppannuppannaṁ kāma-vitakkaṁ pajaham'eva vinodam'eva byant'eva naṁ akāsiṁ.|| ||

[4][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato uppajjati vyāpāda-vitakko.|| ||

So evaṁ pajānāmi:|| ||

Uppanno kho me ayaṁ vyāpāda-vitakko.|| ||

So ca kho attavyābādhāya pi saṁvaṭṭati,||
paravyābādhāya pi saṁvaṭṭati,||
ubhayavyābādhaya pi saṁvaṭṭati,||
paññā-nirodhiko vighāta-pakkhiko anibbāna-saṁvaṭṭa-niko.|| ||

Attavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paravyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Ubhayavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paññā-nirodhiko vighāta-pakkhiko anibbāna-saṁvaṭṭa-niko ti pi me bhikkhave||
paṭisañcikkhato abbhatthaṁ gacchati.|| ||

So kho ahaṁ bhikkhave uppannuppannaṁ vyāpāda-vitakkaṁ pajaham'eva vinodam'eva byant'eva naṁ akāsiṁ.|| ||

[5][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato uppajjati vihiṁsā-vitakko.|| ||

So evaṁ pajānāmi:|| ||

Uppanno kho me ayaṁ vihiṁsā-vitakko.|| ||

So ca kho attavyābādhāya pi saṁvaṭṭati,||
paravyābādhāya pi saṁvaṭṭati,||
ubhayavyābādhāya pi saṁvaṭṭati,||
paññā-nirodhiko vighāta-pakkhiko anibbāna-saṁvaṭṭa-niko.|| ||

Attavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paravyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Ubhayavyābādhāya saṁvaṭṭatīti pi me bhikkhave||
paṭisañcikkhato abbhatthaṁ gacchati.|| ||

Paññā-nirodhiko vighāta-pakkhiko anibbāna-saṁvaṭṭa-niko ti pi me bhikkhave||
paṭisañcikkhato abbhatthaṁ gacchati.|| ||

So kho ahaṁ bhikkhave uppannuppannaṁ vihiṁsā-vitakkaṁ pajaham'eva vinodam'eva byant'eva naṁ akāsiṁ.|| ||

[6][than][ntbb][olds][upal] Yañ'ñad'eva bhikkhave bhikkhu bahulam-anuvitakketi anuvicāreti tathā tathā nati hoti cetaso.|| ||

Kāma-vitakkañ ce bhikkhave bhikkhu||
bahulam-anuvitakketi anuvicāreti,||
pahāsi nekkhamma-vitakkaṁ,||
kāma-vitakkaṁ bahulam-akāsi.|| ||

Tassa taṁ kāma-vitakkāya cittaṁ namati.|| ||

vyāpāda-vitakkañ ce bhikkhave bhikkhu||
bahulam-anuvitakketi anuvicāreti,||
pahāsi avyāpāda-vitakkaṁ,||
vyāpāda-vitakkaṁ bahulam-akāsi.|| ||

Tassa taṁ vyāpāda-vitakkāya cittaṁ namati.|| ||

Vihiṁsāvitakkañ ce bhikkhave bhikkhu||
bahulam-anuvitakketi anuvicāreti,||
pahāsi avihiṁsā-vitakkaṁ,||
vihiṁsā-vitakkaṁ bahulam-akāsi.|| ||

Tassa taṁ vihiṁsā-vitakkāya cittaṁ namati.|| ||

[7][than][ntbb][olds][upal] Seyyathā pi, bhikkhave,||
vassānaṁ pacchime māse sarada-samaye kiṭṭhasambādhe gopālako gāvo rakkheyya,||
so tā gāvo tato tato daṇḍena ākoṭeyya patikoṭeyya sannirundheyya sannivāreyya.|| ||

Taṁ kissa hetu?|| ||

Passati hi so bhikkhave gopālako tatonidānaṁ vadhaṁ vā bandhaṁ vā jāniṁ vā garahaṁ vā.|| ||

Evam eva kho ahaṁ bhikkhave addasaṁ akusalānaṁ dhammānaṁ ādīnavaṁ okāraṁ saṅkilesaṁ,||
kusalānaṁ dhammānaṁ nekkhamme ānisaṁsaṁ vodānapakkhaṁ.|| ||

[116] [8][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato uppajjati nekkhamma-vitakko.|| ||

So evaṁ pajānāmi:|| ||

Uppanno kho me ayaṁ nekkhamma-vitakko.|| ||

So ca kho n'eva attavyābādhāya saṁvaṭṭati,||
na paravyābādhāya saṁvaṭṭati,||
na ubhayavyābādhāya saṁvaṭṭati,||
paññā-vuddhiko avighāta-pakkhiko Nibbānasaṁvaṭṭa-niko.|| ||

Rattiñ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Divasañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Rattin-divañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Api ca kho me aticiraṁ||
anuvitakkayato anuvicārayato kāyo kilameyya.|| ||

Kāye kilante cittaṁ ūhaññeyya.|| ||

Ūhate citte ārā cittaṁ samādhimhā ti.|| ||

So kho ahaṁ bhikkhave ajjhattam'eva cittaṁ saṇṭhapemi sannisādemi ekodiṁ karomi samādahāmi.|| ||

Taṁ kissa hetu?|| ||

Mā me cittaṁ ūhaññī ti.|| ||

[9][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato uppajjati avyāpāda-vitakko.|| ||

So evaṁ pajānāmi:|| ||

Uppanno kho me ayaṁ avyāpāda-vitakko.|| ||

So ca kho n'eva attavyābādhāya saṁvaṭṭati,||
na paravyābādhāya saṁvaṭṭati,||
na ubhayavyābādhāya saṁvaṭṭati,||
paññā-vuddhiko avighāta-pakkhiko Nibbānasaṁvaṭṭa-niko.|| ||

Rattiñ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Divasañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Rattin-divañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Api ca kho me ciraṁ||
anuvitakkayato anuvicārayato kāyo kilameyya.|| ||

Kāye kilante cittaṁ ūhaññeyya.|| ||

Ūhate citte ārā cittaṁ samādhimhāti.|| ||

So kho ahaṁ bhikkhave ajjhattam eva cittaṁ saṇṭhapemi sannisādemi ekodiṁ karomi samādahāmi.|| ||

Taṁ kissa hetu?|| ||

Mā me cittaṁ ūhaññī ti.|| ||

[10][than][ntbb][olds][upal] Tassa mayhaṁ bhikkhave evaṁ appamattassa ātāpino pahitattassa viharato uppajjati avihiṁsā-vitakko.|| ||

So evaṁ pajānāmi:|| ||

Uppanno kho me ayaṁ avihiṁsā-vitakko.|| ||

So ca kho n'eva attavyābādhāya saṁvaṭṭati,||
na paravyābādhāya saṁvaṭṭati,||
na ubhayavyābādhāya saṁvaṭṭati,||
paññā-vuddhiko avighāta-pakkhiko Nibbānasaṁvaṭṭa-niko.|| ||

Rattiñ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Divasañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Rattin-divañ ce pi naṁ bhikkhave||
anuvitakkeyyaṁ anuvicāreyyaṁ n'eva tatonidānaṁ bhayaṁ samanupassāmi.|| ||

Api ca kho me aticiraṁ||
anuvitakkayato anuvicārayato kāyo kilameyya.|| ||

Kāye kilante cittaṁ ūhaññeyya.|| ||

Ūhate citte ārā cittaṁ samādhimhāti.|| ||

So kho ahaṁ bhikkhave ajjhattam eva cittaṁ saṇṭhapemi sannisādemi ekodiṁ karomi samādahāmi.|| ||

Taṁ kissa hetu?|| ||

Mā me cittaṁ ūhaññī ti.|| ||

[11][than][ntbb][olds][upal] Yañ'ñad'eva bhikkhave bhikkhu||
bahulam-anuvitakketi anuvicāreti||
tathā tathā nati hoti cetaso.|| ||

Nekkhamma-vitakkañ ce bhikkhave bhikkhu||
bahulam-anuvitakketi anuvicāreti,||
pahāsi kāma-vitakkaṁ.|| ||

Nekkhamma-vitakkaṁ bahulam-akāsi.|| ||

Tassa taṁ nekkhamma-vitakkāya cittaṁ namati.|| ||

Avyāpāda-vitakkañ ce bhikkhave bhikkhu||
bahulam-anuvitakketi anuvicāreti,||
pahāsi vyāpāda-vitakkaṁ.|| ||

Avyāpāda-vitakkaṁ bahulam-akāsi.|| ||

Tassa taṁ avyāpāda-vitakkāya cittaṁ namati.|| ||

Avihiṁsā-vitakkañ ce bhikkhave bhikkhu||
bahulam-anuvitakketi anuvicāreti,||
pahāsi vihiṁsā-vitakkaṁ.|| ||

Avihiṁsā-vitakkaṁ bahulam-akāsi.|| ||

Tassa taṁ avihiṁsā-vitakkāya cittaṁ namati.|| ||

[12][than][ntbb][olds][upal] Seyyathā pi, bhikkhave,||
gimhānaṁ pacchime māse sabbasassesu gāmantasambhatesu gopālako gāvo rak- [117] kheyya.|| ||

Tassa rukkha-mūla-gatassa vā abbhokāsagatassa vā satikaraṇīyam eva hoti:||
etaṁ gāvo ti.|| ||

Evam eva kho bhikkhave satikaraṇīyam eva ahosi:|| ||

Ete dhammā ti.|| ||

[13][than][ntbb][olds][upal] Āraddhaṁ kho pana me bhikkhave||
viriyaṁ ahosi asallīnaṁ,||
upaṭṭhitā sati asammuṭṭhā,||
passaddho kāyo asāraddho,||
samāhitaṁ cittaṁ ek'aggaṁ.|| ||

[14][than][ntbb][olds][upal] So kho ahaṁ bhikkhave||
vivicc'eva kāmehi||
vivicca akusalehi dhammehi||
sa-vitakkaṁ sa-vicāraṁ||
viveka-jaṁ pīti-sukhaṁ||
paṭhamaṁ-jhānaṁ upasampajja vihāsiṁ.|| ||

[15][than][ntbb][olds][upal] Vitakka-vicārānaṁ vūpasamā||
ajjhattaṁ sampasādanaṁ cetaso ekodi-bhāvaṁ||
avitakkaṁ avicāraṁ||
samādhi-jaṁ pīti-sukhaṁ||
dutiyaṁ-jhānaṁ upasampajja vihāsiṁ.|| ||

[16][than][ntbb][olds][upal] Pītiyā ca virāgā||
upekkhako ca vihāsiṁ||
sato ca sampajāno.|| ||

Sukhañ ca kāyena paṭisaṁvedesiṁ.|| ||

Yaṁ taṁ ariyā ācikkhanti:|| ||

'Upekkhako satimā sukha-vihārī' ti|| ||

tatiyaṁ-jhānaṁ upasampajja vihāsiṁ.|| ||

[17][than][ntbb][olds][upal] Sukhassa ca pahānā||
dukkhassa ca pahānā||
pubbe va somanassa-domanassānaṁ attha-gamā||
adukkha-ṁ-asukhaṁ||
upekkhā||
sati-pārisuddhiṁ||
catutthaṁ-jhānaṁ upasampajja vihāsiṁ.|| ||

[18][than][ntbb][olds][upal] So evaṁ samāhite citte parisuddhe pariyodāte an-aṅgaṇe vigat'ūpakkilese mudubhūte kammaniye ṭhite ānejjappatte pubbe-nivāsānu-s-sati-ñāṇāya cittaṁ abhininnāmesiṁ.|| ||

So aneka-vihitaṁ pubbe-nivāsaṁ anussarāmi.|| ||

Seyyath'īdaṁ:|| ||

Ekam pi jātiṁ,
dve pi jātiyo,
tisso pi jātiyo,
catasso pi jātiyo,
pañca pi jātiyo,
dasa pi jātiyo,
vīsatim pi jātiyo,
tiṁsam pi jātiyo,
cattārīsam pi jātiyo,
paññāsam pi jātiyo,
jāti-satam pi,
jāti-sahassam pi,
jāti-sata-sahassam pi,||
aneke pi saṁvaṭṭa kappe,
aneke pi vivaṭṭa kappe,
aneke pi saṁvaṭṭa-vivaṭṭa kappe|| ||

"Amutrāsiṁ evaṁ-nāmo,
evaṁ gotto,
evaṁ vaṇṇo,
evam-āhāro,
evaṁ sukha-dukkha-paṭisaṁvedī,
evam-āyu-pariyanto.|| ||

So tato cuto amutra upapādiṁ.|| ||

Tatrāpāsiṁ evaṁ-nāmo evaṁ gotto evaṁ vaṇṇo evam-āhāro evaṁ sukha-dukkha-paṭisaṁvedī evam-āyu-pariyanto.|| ||

So tato cuto idh'ūpapanno" ti.|| ||

Iti sākāraṁ sa-uddesaṁ aneka-vihitaṁ pubbe-nivāsaṁ anussarāmi.|| ||

[19][than][ntbb][olds][upal] Ayaṁ kho me bhikkhave rattiyā paṭhame yāme paṭhamā vijjā adhigatā,
avijjā vihatā,
vijjā uppannā,
tamo vihato,
āloko uppanno,
yathā taṁ appamattassa ātāpino pahitattassa viharato.|| ||

[20][than][ntbb][olds][upal] So evaṁ samāhite citte parisuddhe pariyodāte an-aṅgaṇe vigat'ūpakkilese mudubhūte kammaniye ṭhite ānejjappatte sattāṇaṁ cut'ūpapātañāṇāya cittaṁ abhininnāmesiṁ.|| ||

So dibbena cakkhunā visuddhena atikkanta-mānusakena satte passāmi cavamāne uppajjamāne,
hīne paṇīte suvaṇṇe dubbaṇṇe sugate duggate,||
yathā-kamm'ūpage satte pajānāmi:-|| ||

"Ime vata bhonto sattā kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaṁ upavādakā,||
micchā-diṭṭhikā micchā-diṭṭhi-kamma-samādānā.|| ||

Te kāyassa bhedā param maraṇā apāyaṁ duggatiṁ vinipātaṁ Nirayaṁ upapannā.|| ||

Ime vā pana bhonto sattā kāya-sucaritena samannāgatā,||
vacī-sucaritena samannāgatā,||
mano-sucaritena samannāgatā,||
ariyānaṁ anupavādakā,||
sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param maraṇā sugatiṁ saggaṁ lokaṁ upapannā" ti.|| ||

Iti dibbena cakkhunā visuddhena atikkanta-mānusakena satte passāmi cavamāne uppajjamāne,
hīne paṇīte suvaṇṇe dubbaṇṇe suggate duggate,
yathā-kamm'ūpage satte pajānāmi.|| ||

[21][than][ntbb][olds][upal] Ayaṁ kho me bhikkhave rattiyā majjhime yāme dutiyā vijjā adhigatā,||
avijjā vihatā,||
vijjā uppannā,||
tamo vihato āloko uppanno,||
yathā taṁ appamattassa ātāpino pahitattassa viharato.|| ||

[22][than][ntbb][olds][upal] So evaṁ samāhite citte parisuddhe pariyodāte an-aṅgaṇe vigat'ūpakkilese mudubhūte kammaniye ṭhite ānejjappatte āsavānaṁ khaya-ñāṇāya cittaṁ abhininnāmesiṁ.|| ||

So idaṁ dukkhan ti yathā-bhūtaṁ abbhaññāsiṁ.|| ||

Ayaṁ dukkha-samudayo ti yathā-bhūtaṁ abbhaññāsiṁ.|| ||

Ayaṁ dukkha-nirodho ti yathā-bhūtaṁ abbhaññāsiṁ.|| ||

Ayaṁ dukkha-nirodha-gāminī paṭipadā ti yathā-bhūtaṁ abbhaññāsiṁ.|| ||

Ime āsavā ti yathā-bhūtaṁ abbhaññāsiṁ.|| ||

Ayaṁ āsava-samudayo ti yathā-bhūtaṁ abbhaññāsiṁ.|| ||

Ayaṁ āsava-nirodho ti yathā-bhūtaṁ abbhaññāsiṁ.|| ||

Ayaṁ āsava-nirodh-agāminī paṭipadā ti yathā-bhūtaṁ abbhaññāsiṁ.|| ||

[23][than][ntbb][olds][upal] Tassa me evaṁ jānato evaṁ passato kām'āsavā pi cittaṁ vimuccittha.|| ||

Bhavāsavā pi cittaṁ vimuccittha.|| ||

Avijjāsavā pi cittaṁ vimuccittha.|| ||

Vimuttasmiṁ vimuttam iti ñāṇaṁ ahosi.|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā'||
ti abbhaññāsiṁ.|| ||

[24][than][ntbb][olds][upal] Ayaṁ kho me bhikkhave rattiyā pacchime yāme tatiyā vijjā adhigatā,||
avijjā vihatā,||
vijjā uppannā,||
tamo vihato,||
āloko uppanno,||
yathā taṁ appamattassa ātāpino pahitattassa viharato.|| ||

[25][than][ntbb][olds][upal] seyyathā pi, bhikkhave,||
araññe pavane mahantaṁ ninnaṁ pallalaṁ,||
tam enaṁ mahā migasaṅgho upanissāya vihareyya.|| ||

Tassa koci-d-eva puriso uppajjeyya anatthakāmo ahitakāmo ayoga-k-khemakāmo,||
so yvāssa Maggo khemo sovatthiko pītigamanīyo,||
taṁ Maggaṁ pidaheyya,||
vivareyya kummaggaṁ,||
odaheyya okacaraṁ,||
ṭhapeyya okacārikaṁ.|| ||

- Evaṁ hi so bhikkhave mahā migasaṅgho aparena samayena anaya-vyasanaṁ tanuttaṁ āpajjeyya.|| ||

Tass'eva kho pana bhikkhave mahato migaSaṅghassa koci-d-eva puriso uppajjeyya atthakāmo hitakāmo yoga-k-khemakāmo,||
so yvāssa Maggo khemo sovatthiko pītigamanīyo,||
taṁ Maggaṁ vivareyye,||
pidaheyya kummaggaṁ,||
ūhaneyya okacaraṁ,||
nāseyya okacārikaṁ.

Evaṁ hi so bhikkhave mahā migasaṅgho aparena samayena vuḍḍhiṁ virūḷhiṁ vepullaṁ āpajjeyya.|| ||

[26][than][ntbb][olds][upal] Upamā kho me ayaṁ bhikkhave katā atthassa viññā- [118] panāya.|| ||

Ayañ c'ev'ettha attho:|| ||

Mahantaṁ ninnaṁ pallalan ti kho bhikkhave kāmānam etaṁ adhivacanaṁ.|| ||

Mahā migasaṅgho ti kho bhikkhave sattāṇam etaṁ adhivacanaṁ|| ||

Puriso anatthakāmo ahitakāmo ayoga-k-khemakāmo ti kho bhikkhave Mārass'etaṁ pāpimato adhivacanaṁ.|| ||

Kummaggo ti kho bhikkhave aṭṭhaṅgikass'etaṁ micchā-maggassa adhivacanaṁ.|| ||

Seyyath'īdaṁ:|| ||

Micchā-diṭṭhiyā||
micchā-saṅkappassa||
micchā-vācāya||
micchā-kammantassa||
micchā-ājīvassa||
micchā-vāyāmassa||
micchā-satiyā||
micchā-samādhissa.|| ||

Okacaro ti kho bhikkhave nandi-rāgass'etaṁ adhivacanaṁ.|| ||

Okacārikā ti kho bhikkhave avijjāy'etaṁ adhivacanaṁ.|| ||

Puriso atthakāmo yoga-k-khemakāmo ti kho bhikkhave Tathāgatass'etaṁ adhivacanaṁ arahato Sammā Sambuddhassa.|| ||

Khemo Maggo sovatthiko pītigamanīyoti kho bhikkhave Ariyass'etaṁ Aṭṭhaṅgikassa Maggassa adhivacanaṁ.|| ||

Seyyath'īdaṁ:|| ||

Sammā-diṭṭhiyā||
sammā-saṅkappassa||
sammā-vācāya||
sammā-kammantassa||
sammā-ājīvassa||
sammā-vāyāmassa||
sammā-satiyā||
sammā-samādhissa.|| ||

[27][than][ntbb][olds][upal] Iti kho bhikkhave vivaṭo mayā khemo Maggo sovatthiko pītigamanīyo,||
pihito kummaggo,||
ūhato okacaro,||
nāsitā okacārikā.|| ||

Yaṁ bhikkhave Satthārā karaṇīyaṁ sāvakānaṁ hitesinā anukampa-kena anukampaṁ upādāya,||
kataṁ vo taṁ mayā.|| ||

Etāni bhikkhave rukkha-mūlāni,||
etāni suññ-ā-gārāni.|| ||

Jhāyatha bhikkhave,||
mā pamādattha,||
mā pacchā vippaṭi-sārino ahuvattha.|| ||

Ayaṁ vo amhākaṁ anusāsanī" ti.|| ||

Idam avoca Bhagavā atta-manā te bhikkhū Bhagavato bhāsitaṁ abhinandunti.|| ||

Dvedhā-Vitakka Suttaṁ