Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


Saɱyutta Nikaya:
Sagatha Vagga

Māra Saɱyutta

Suttas 1-25

Adapted from the 1995 edition of the digital version of the Sri Lanka Buddha Jayanti Tripitaka Series.

 


[103]

I. Pathamo-vagga


 

Sutta 1

Tapo Kamma Suttaɱ

[1.1][pts][bodh][olds][upal] Evaɱ me sutaɱ.|| ||

Ekaɱ saɱayaɱ Bhagavā Uruvelāyaɱ viharati najjā Nerañjarāya tīre Ajapāla-nigrodha-mūle pathamābhisambuddho.|| ||

[1.2][pts][bodh][olds] Atha kho Bhagavato raho-gatassa paṭisallīnassa evam cetaso parivitakko udapādi.|| ||

"Mutto vat'amhi tāya dukkara-kārikāya||
sādhu mutto vat'amhi tāya anattha-saɱhitāya dukkara-kārikāya||
sādhu ṭhito sato bodhiɱ samajjhagan" ti.|| ||

[1.3][pts][bodh][olds] Atha kho Māro pāpimā Bhagavato cetasā ceto-parivitakkam aññāya yena Bhagavā ten-upasaŋkami.|| ||

Upasaŋkamitvā Bhagavantaɱ gāthāya ajjhabhāsi.|| ||

"Tapo kammā apakkamma||
yena sujjhanti mānavā||
asuddho maññati suddho||
suddhiMaggam aparaddho" ti.|| ||

[1.4][pts][bodh][olds] Atha kho Bhagavā Māro ayam pāpimā iti viditvā Māram pāpimantam gāthāhi paccabhāsi:|| ||

"Anattha-sañhitaɱ ñatvā||
yaɱ kiñci aparaɱ tapaɱ||
sabbānatthāvahaɱ hoti||
piyārittam va dhammaniɱ.|| ||

Sīlaɱ samādhi-paññañca||
Maggam bodhāya bhāvayaɱ||
patto-smi paramaɱ suddhiɱ||
nihato tvaɱ asi antakā" ti.|| ||

[1.5][pts][bodh][olds] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 2

Nāgo or Hatthi-Rāja-Vaṇṇa Suttaɱ

[2.1][pts][bodh][olds][upal] Evaɱ me sutaɱ.|| ||

Ekaɱ saɱayaɱ Bhagavā Uruvelāyaɱ viharati najjā Nerañjarāya tīre Ajapāla-nigrodha pathamābhi- [104] sambuddho.|| ||

Tena kho pana samayena Bhagavā ratt-andhakāra-timisāyam ajjhokāse nisinno hoti||
devo ca ekam ekam phusāyati.|| ||

[2.2][pts][bodh][olds] Atha kho Māro pāpimā Bhagavato bhayaɱ chambhitattaɱ lomahaɱsam uppādetu-kāmo mahantaɱ hatthirāja-vaṇṇam abhinimminitvā yena Bhagavā ten-upasankami.|| ||

[2.3][pts][bodh][olds] Seyyathā pi nāma mahā ariṭṭhako maṇi evam assa sīsaɱ hoti||
seyyathā pi nāma suddhaɱ rūpiyam evam assa dantā honti||
seyyathā pi nāma mahatī nangalasīsā evam assa soṇḍo hoti.|| ||

[2.4][pts][bodh][olds] Atha kho Bhagavā Māro ayam pāpimā iti viditvā Māram pāpimantam gāthāya ajjhabhāsi.|| ||

Saɱsāraɱ dīgham addhānam||
vaṇṇaɱ katvā subhāsubham||
alan-te tena pāpima||
nihato tvam asi antakā ti.|| ||

[2.5][pts][bodh][olds] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 3

Subha Suttaɱ

[3.1][pts][bodh][olds][upal] Uruvelāyaɱ viharati.|| ||

[3.2][pts][bodh][olds] Tena kho pana samayena Bhagavā ratt-andhakāra-timisāyaɱ ajjhokāse nisinno hoti devo ca ekam ekaɱ phusāyati.|| ||

[3.3][pts][bodh][olds] Atha kho Māro pāpimā Bhagavato bhayaɱ chambhitattaɱ loma-haɱsam uppādetu-kāmo yena Bhagavā ten-upasankami.|| ||

[3.4][pts][bodh][olds] Upassaŋkamitvā Bhagavato avidūre uccāvacā vaṇṇanibhā upadaɱ-seti subhā c'eva asubhā ca.|| ||

[3.5][pts][bodh][olds] Atha kho Bhagavā Māro ayam pāpimā iti viditvā Māraɱ pāpimantam gāthāhi ajjhabhāsi:|| ||

Saɱsāram dīgham adhānaɱ||
vaṇṇaɱ katvā subhā-subhaɱ||
alan-te tena pāpima||
nihato tvam asi antaka.|| ||

Ye ca kāyena vācāya||
manasā ca susaɱvutā||
na te Māra vasānugā||
na te Mārassa paccagū ti.|| ||

[3.6][pts][bodh][olds] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

[105]

Sutta 4

Paṭhama Māra-Pāsa Suttaɱ

[4.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Bārāṇasiyaɱ viharati Isipatane Migadāye.|| ||

Tatra kho Bhagavā bhikkh āmantesi.|| ||

Bhikkhavo-ti.|| ||

Bhadante ti te bhikkh Bhagavato paccassosuɱ.|| ||

[4.2][pts][bodh] Bhagavā etad avoca:.|| ||

Mayhaɱ kho bhikkhave yoniso mana-sikārā||
yoniso samma-p-padhānā||
anuttarā vimutti anuppattā||
anuttarā vimutti sacchi-katā.|| ||

Tumhe pi bhikkhave yoniso mana-sikārā||
yoniso sammapadhānā||
anuttaraɱ vimuttim anupāpuṇātha||
anuttaraɱ vimuttiɱ sacchikarothā ti.|| ||

[4.3][pts][bodh] Atha kho Māro pāpimā yena Bhagavā ten-upasankami||
upasankamitvā Bhagavantaɱ gāthāya ajjhabhāsi.|| ||

Baddho-si māra-pāsena||
ye dibbā ye ca mānusā||
māra-bandhanna-baddhosi||
na me samaṇa mokkhasīti.|| ||

Atha kho Bhagavā Māro ayam pāpimā iti viditvā Māram pāpimantam gāthāya ajjhabhāsi.|| ||

[4.4][pts][bodh] Mutto-ham māra-pāsena||
ye dibbā ye ca mānusā||
mārabandhana-mutto mhi||
nihato tvam asi antakāti.|| ||

[4.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 5

Dutiya Māra-Pāsa Suttam

[5.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Bārāṇasiyaɱ viharati Isipatane Migadāye.|| ||

Tatra kho Bhagavā bhikkhū āmantesi:|| ||

Bhikkhavo ti!|| ||

Bhadante ti te bhikkhū Bhagavato paccassosuɱ.|| ||

[5.2][pts][bodh] Bhagavā etad avoca:

Mutto'haɱ bhikkhave sabbapāsehi ye dibbā ye ca mānusā,||
Tumhe pi bhikkhave muttā sabbapāsehi ye dibbā ye ca mānusā,||
caratha bhikkhave cārikaɱ bahu-jana-hitāya bahu-jana-sukhāya lokānukampakāya atthāya hitāya sukhāya deva-manussānaɱ.|| ||

Mā ekena dve agamettha,||
desetha bhikkhave dhammaɱ ādi-kalyāṇaɱ majjhe kalyāṇaɱ pariyosāna-kalyāṇaɱ||
sātthaɱ savyañ janaɱ kevala-paripuṇṇaɱ parisuddhaɱ Brahma-cariyaɱ pakāsetha.|| ||

Santi sattā apparajakkha-jātikā||
assavaṇatā [106] dhammassa parihāyanti,||
bhavissanti dhammassa aññātāro.|| ||

Aham pi bhikkhave yena Uruvelā Senāninigamo ten'upasankamissāmi dhamma-desanāyā ti.|| ||

[5.3][pts][bodh] Atha kho Māro pāpimā yena Bhagavā ten'upasankami,||
upasankamitvā Bhagavantaɱ gāthāya ajjhabhāsi:|| ||

Baddho-si sabba-pāsehi||
ye dibbā ye ca mānusā,||
Mahā-bandhana-baddho si||
na me samaṇa mokkhasīti.|| ||

[5.4][pts][bodh] Mutto-haɱ sabbapāsehi||
ye dibbā ye ca mānusā,||
Mahā-bandhana-mutto mhi||
nihato tvam asi antakā ti.|| ||

[5.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 6

Sappa Suttaɱ

[6.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Rājagahe viharati Veḷuvane kalandaka-nivāpe.|| ||

[6.2][pts][bodh] Tena kho pana samayena Bhagavā rattandhakāra-timisāyaɱ ajjhokāse nisinno hoti,||
devo ca ekam ekaɱ phusāyati.|| ||

[6.3][pts][bodh] Atha kho Māro pāpimā Bhagavato bhayaɱ chambhitattaɱ loma-haɱsaɱ uppādetu-kāmo mahantaɱ sappa-rājavaṇṇaɱ abhinimminitvā yena Bhagavā ten'upasankami.|| ||

[6.4][pts][bodh] seyyathā pi nāma mahatī eka-rukkhikā nāvā,||
evam assa kāyo hoti||
seyyathā pi nāma soṇḍikā kilañjaɱ,||
evam assa phaṇo hoti,||
seyyathā pi nāma kosalikā kaɱsapātī,||
evam assa akkhīni bhavanti,||
seyyathā pi nāma deve ga'aga'āyante vijjullatā niccharanti,||
evam assa mukhato jivhā niccharati,||
seyyathā pi nāma kammāra-gaggariyā dhamamānāya saddo hoti,||
evam assa assāsa-passāsānaɱ saddo hoti.|| ||

[6.5][pts][bodh] Atha kho Bhagavā Māro ayaɱ pāpimā iti viditvā Māraɱ pāpimantaɱ gāthāhi ajjhabhāsi:

Yo suñña-gehāni sevati||
seyyā so muni atta-saññato,||
vossajja careyya tattha so||
paṭirūpaɱ hi tathāvidhassa taɱ.|| ||

Carakā bahū bheravā bahū||
atho ḍaɱsā siriɱsapā bahū,||
[107] lomam pi na tattha iñjaye||
suññāgāra-gato mahā muni.|| ||

Nabhaɱ phaleyya paṭhavīɱ caleyya||
sabbe pi pāṇā uda santaseyyuɱ,||
sallam pi ce urasi pakappayeyyuɱ||
upadhīsu tāṇaɱ na karonti buddhā ti.|| ||

[6.6][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 7

Suppati Suttaɱ

[7.1][pts][bodh][upal] Ekaɱ samayaɱ Bhagavā Rājagahe viharati Veḷuvane kalandaka-nivāpe.|| ||

[7.2][pts][bodh] Atha kho Bhagavā bahud eva rattiɱ ajjhokāse cankamitvā rattiyā paccūsa-samayaɱ pāde pakkhāletvā vihāraɱ pavisitvā dakkhiṇena passena sīha-seyyaɱ kappesi,||
pāde pādaɱ accādhāya sato sampajāno uṭṭhāna-saññaɱ manasi karitvā.|| ||

[7.3][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Kiɱ soppasi kiɱ nu suppasi||
kim idaɱ soppasi dubbhago viya,||
'Suññam agāran' ti, soppasi||
kim idaɱ soppasi suriy-uggate ti.|| ||

[7.4][pts][bodh] Yassa jālinī visattikā||
taṇhā n'atthi kuhiñci netave,||
sabbūpadhīnaɱ parikkhayā Buddho||
soppati kiɱ'tav'ettha Mārā ti.|| ||

[7.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 8

Nandati Suttaɱ

[8.1][pts][than][bodh][upal] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

[8.2][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavato santike imaɱ gāthaɱ abhāsi:

Nandati puttehi puttimā||
gomiko gohi tath'eva nandati,||
[108] upadhīhi narassa nandaṇā||
na hi so nandati yo nirupadhīti.|| ||

[8.3][pts][bodh] Socati puttehi puttimā||
gomiko gohi tath'eva socati,||
upadhīhi narassa socanā||
na hi so socati nirūpadhīti.|| ||

[8.4][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 9

Paṭhama Āyu Suttaɱ

[9.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Rājagahe viharati Veḷuvane kalandaka-nivāpe.|| ||

[9.2][pts][bodh] Tatra Bhagavā bhikkhū āmantesi:|| ||

Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

[9.3][pts][bodh] Bhagavā etad avoca:|| ||

Appam idaɱ bhikkhave manussānaɱ āyu,||
gamanīyo samparāyo,||
kattabbaɱ kusalaɱ,||
caritabbaɱ Brahma-cariyaɱ,||
n'atthi jātassa amaraṇaɱ,||
yo bhikkhave ciraɱ jīvati,||
so vassa-sataɱ appaɱ vā bhiyo ti.|| ||

[9.4][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Dīgham āyu manussānaɱ||
na naɱ hī'e suporiso,||
careyya khīramatto va||
n'atthi maccussa āgamo ti.|| ||

[9.5][pts][bodh] Appam āyu manussānaɱ||
hī'eyya naɱ suporiso,||
careyyāditta-sīso va||
n'atthi maccussa nāgamo ti.|| ||

[9.6][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 10

Dutiya Āyu Suttaɱ

[10.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Rājagahe viharati Veḷuvane kalandaka-nivāpe.|| ||

[10.2][pts][bodh] Tatra kho Bhagavā bhikkhū āmantesi:|| ||

Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:

Appam idaɱ bhikkhave manussānaɱ āyu,||
gamanīyo samparāyo.|| ||

Kattabbaɱ kusalaɱ,||
caritabbaɱ Brahma-cariyaɱ,||
n'atthi jātassa amaraṇaɱ,||
yo bhikkhave ciraɱ jīvati,||
so vassa-sataɱ appaɱ vā bhiyyo ti.|| ||

[10.3][pts][bodh] Atha kho Māro pāpimā yena Bhagavā ten'upasankami.||
Upasaŋkamitvā Bhagavantaɱ gāthāya ajjhabhāsi:

[109] Nāccayanti ahorattā||
jīvitaɱ n'uparujjhati,||
Āyu anupariyāti maccānaɱ||
nemī va ratha-kubbaraɱ ti.|| ||

[10.4][pts][bodh] Accayanti ahorattā||
jīvitaɱ uparujjhati,||
Āyu khīyati maccānaɱ||
kunnadīnaɱ va odakan ti.|| ||

[10.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 


II. Rajja Vagga

.

 

Sutta 11

Pāsāṇa Suttaɱ

[11.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Rājagahe viharati Gijjhakūṭa-pabbate.|| ||

[11.2][pts][bodh] Tena kho pana samayena Bhagavā ratt-andhakāra-timisāyaɱ ajjhokāse nisinno hoti,||
devo ca ekam ekaɱ phusāyati.|| ||

[11.3][pts][bodh] Atha kho Māro pāpimā Bhagavato bhayaɱ chambhitattaɱ lomahaɱsaɱ uppādetu-kāmo yena Bhagavā ten'upasankami.|| ||

Upasaŋkamitvā Bhagavato avidūre mahante mahante pāsāṇe padālesi.|| ||

[11.4][pts][bodh] Atha kho Bhagavā Māro ayaɱ pāpimā iti viditvā Māraɱ pāpimantaɱ gāthāya ajjhabhāsi:|| ||

Sa ce pi kevalaɱ sabbaɱ||
Gijjhakūṭa caleyyasi,||
n'eva sammā vimuttānaɱ||
Buddhānaɱ atthi iñjitan ti.|| ||

[11.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 12

Kiɱ nu Sīha Suttaɱ

[12.1][pts][bodh][upal] Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tena kho pana samayena Bhagavā mahatiyā parisāya parivuto dhammaɱ deseti.|| ||

[12.2][pts][bodh] [110] Atha kho Mārassa pāpimato etad ahosi:|| ||

Ayaɱ kho Samaṇo Gotamo mahatiyā parisāya parivuto dhammaɱ deseti.|| ||

Yaɱ nūnāhaɱ yena Samaṇo Gotamo ten'upasankameyyaɱ vicakkhukammāyā ti.|| ||

[12.3][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Kiɱ nu sīho va nadasi||
parisāyaɱ visārado,||
paṭimallo hi te atthi||
vijitāvī nu maññasīti.|| ||

[12.4][pts][bodh] Nadanti ve mahāvīrā||
parisāsu visāradā,||
Tathāgatā balappattā||
tiṇṇā loke visattikan ti.|| ||

[12.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 13

Sakalika Suttaɱ

[13.1][pts][than][bodh][upal] Evaɱ me sutaɱ.|| ||

Ekaɱ samayaɱ Bhagavā Rājagahe viharati Maddakucchismiɱ Migadāye.|| ||

[13.2][pts][bodh] Tena kho pana samayena Bhagavato pādo sakalikāya khato hoti.|| ||

Bhusā sudaɱ Bhagavato vedanā vattanti sārīrikā dukkhā tibbā kharā kaṭukā asātā amanāpā.|| ||

Tāsudaɱ Bhagavā sato sampajāno adhivāseti avihañña-māno.|| ||

Atha kho Bhagavā catugguṇaɱ sanghāṭiɱ paññapetvā dakkhiṇena passena sīhaseyyaɱ kappesi pāde pādaɱ accādhāya sato sampajāno.|| ||]

[13.3][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Mandiyā nu sesi udāhu kāveyya-matto||
Atthā nu te sampacurā na santi,||
Eko vivitte sayanāsanamhi||
Niddāmukho kim idaɱ soppasevā ti.|| ||

[13.4][pts][bodh] Na mandiyā sayāmi nāpi kāveyya-matto||
Atthaɱ sameccāham apetasoko,||
Eko vivitte sayanāsanamhi||
Sayām-ahaɱ sabba-bhūtānukampī.|| ||

Yesam pi sallaɱ urasī paviṭṭhaɱ||
Muhuɱ muhuɱ hadayaɱ vedhamānaɱ,||
Te cāpi soppaɱ labhare sasallā||
[111] kasmā ahaɱ na supe vītasallo.|| ||

Jaggaɱ na saŋke na pi bhemi sottuɱ||
Rattindivā nānutapanti māmaɱ,||
Hāniɱ na passāmi kuhiñci loke||
Tasmā supe sabba-bhūtānukampīti.|| ||

[13.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 14

Patirūpa Suttaɱ

[14.1][pts][bodh][upal] Ekaɱ samayaɱ Bhagavā Kosalesu viharati Ekasālāyaɱ brāhmaṇa-gāme.|| ||

Tena kho pana samayena Bhagavā mahatiyā gihiparisāya parivuto dhammaɱ deseti.|| ||

[14.2][pts][bodh] Atha kho Mārassa pāpimato etad ahosi:|| ||

Ayaɱ kho Samaṇo Gotamo mahatiyā gihiparisāya parivuto dhammaɱ deseti.|| ||

Yam nūnāhaɱ yena Samaṇo Gotamo ten'upasankameyyaɱ vicakkhukammāyā ti.|| ||

[14.3][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

N'etaɱ tava paṭirūpaɱ||
yad aññam anusāsasi,||
anurodha-virodhesu||
mā sajjittho tad ācaran ti.|| ||

[14.4][pts][bodh] Hitānukampī sambuddho||
yad aññam anusāsati,||
anurodha-virodhehi||
vippamutto Tathāgato ti.|| ||

[14.5][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 15

Mānasa Suttaɱ

[15.1][pts][bodh][upal] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

[15.2][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Antalikkhacaro pāso||
yo-yaɱ carati mānaso,||
tena taɱ bādhayissāmi||
na me samaṇa mokkhasīti.|| ||

[15.3][pts][bodh] Rūpā saddā rasā gandhā||
phoṭṭhabbā ca manoramā,||
Ettha me vigato chando||
nihato tvam asi antakā ti.|| ||

[15.4][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

[112]

Sutta 16

Patta Suttaɱ

[16.1][pts][bodh][upal] Sāvatthiyaɱ viharati.|| ||

Tena kho pana samayena Bhagavā pañcannaɱ upādāna-k-khandhānaɱ upādāya bhikkhū dhammiyā kathāya sandasseti sam-ā-dapeti samuttejeti sampahaɱseti.|| ||

Te ca bhikkhū aṭṭhi-katvā manasi katvā sabba-cetaso samannā-haritvā ohita-sotā dhammaɱ suṇanti.|| ||

[16.2][pts][bodh] Atha kho Mārassa pāpimato etad ahosi:|| ||

Ayaɱ kho Samaṇo Gotamo pañcannaɱ upādāna-k-khandhānaɱ upādāya bhikkhū dhammiyā kathāya sandasseti sam-ā-dapeti samuttejeti sampahaɱseti.|| ||

Te ca bhikkhū aṭṭhī-katvā manasi katvā sabba-cetasā samannā-haritvā ohita-sotā dhammaɱ suṇanti.|| ||

Yam nūnāhaɱ yena Samaṇo Gotamo ten'upasankameyyaɱ vicakkhukammāyā ti.|| ||

[16.3][pts][bodh] Tena kho pana samayena sambahulā pattā ajjhokāse nikkhittā honti.|| ||

[4][pts][bodh] Atha kho Māro pāpimā balivaddavaṇṇaɱ abhinimminitvā yena te pattā ten'upasankami.|| ||

[16.5][pts][bodh] Atha kho aññataro bhikkhu aññataraɱ bhikkhuɱ etad avoca:|| ||

Bhikkhu bhikkhu eso balivaddo patte bhindeyyāti.|| ||

[16.6][pts][bodh] Evaɱ vutte Bhagavā taɱ bhikkhuɱ etad avoca:|| ||

Na so bhikkhu balivaddo||
Māro esa pāpimā,||
tumhākaɱ vicakkhukammāyāgato ti.|| ||

[16.7][pts][bodh] Atha kho Bhagavā Māro ayaɱ pāpimā iti viditvā Māraɱ pāpimantaɱ gāthāhi ajjhabhāsi:|| ||

Rūpaɱ vedayitaɱ saññaɱ||
viññāṇaɱ yañ ca saŋkhataɱ,||
n'eso ham asmi n'etaɱ me||
evaɱ tattha virajjati.|| ||

Evaɱ virattaɱ khemattaɱ||
sabbasaŋyojanātigaɱ,||
anvesaɱ sabbaṭhānesu||
Māra-senā pi nājjhagā ti.|| ||

[16.8][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 17

Cha-Phass'āyatana Suttaɱ

[17.1][pts][bodh][upal] Ekaɱ samayaɱ Bhagavā Vesāliyaɱ viharati Mahāvane kūṭā-gāra sālāyaɱ.|| ||

[17.2][pts][bodh] [113] Tena kho pana samayena Bhagavā channaɱ phass'āyatanānaɱ upādāya bhikkhū dhammiyā kathāya sandasseti sam-ā-dapeti samuttejeti sampahaɱseti.|| ||

Te ca bhikkhū aṭṭhī-katvā manasi katvā sabba-cetaso samannā-haritvā ohita-sotā dhammaɱ suṇanti.|| ||

[17.3][pts][bodh] Atha kho Mārassa pāpimato etad ahosi:|| ||

Ayaɱ kho Samaṇo Gotamo channaɱ phass'āyatanānaɱ upādāya bhikkhū dhammiyā kathāya sandesseti sam-ā-dapeti samuttejeti sampahaɱseti.|| ||

Te ca bhikkhū aṭṭhī-katvā manasi katvā sabba-cetaso samannā-haritvā ohita-sotā dhammaɱ suṇanti.|| ||

Yam nūnāhaɱ yena Samaṇo Gotamo ten'upasankameyyaɱ vicakkhukammāyāti.|| ||

[17.4][pts][bodh] Atha kho Māro pāpimā yena Bhagavā ten'upasankami.|| ||

Upasaŋmitvā Bhagavato avidūre mahantaɱ bhaya-bheravasaddaɱ akāsi.|| ||

Api-sudaɱ paṭhavi maññe udīrayati.|| ||

[17.5][pts][bodh] Atha kho aññataro bhikkhu aññataraɱ bhikkhuɱ etad avoca:|| ||

Bhikkhu bhikkhu esā paṭhavi maññe udīrayatī ti.|| ||

[17.6][pts][bodh] Evaɱ vutte Bhagavā taɱ bhikkhuɱ etad avoca:|| ||

N'esā bhikkhu paṭhavi udīrayati.|| ||

Māro eso pāpimā tumhākaɱ vicakkhukammāya āgato ti.|| ||

[17.7][pts][bodh] Atha kho Bhagavā Māro ayaɱ pāpimā iti viditvā Māraɱ pāpimantaɱ gāthāhi ajjhabhāsi:|| ||

Rūpā saddā rasā gandhā||
phassā dhammā ca kevalā,||
etaɱ lokāmisaɱ ghoraɱ||
ettha loko'dhimucchito.|| ||

Etañ ca samati-k-kamma||
sato Buddhassa sāvako,||
māradheyyam ati-k-kamma||
ādicco va virocatī ti.|| ||

[17.8][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 18

Piṇḍa Suttaɱ

[18.1][pts][bodh][upal] Ekaɱ samayaɱ Bhagavā Magadhesu viharati Pañcasālāyaɱ brāhmaṇa-gāme.|| ||

[18.2][pts][bodh] [114] Tena kho pana samayena Pañcasālāyaɱ brāhmaṇa-gāme kumārakānaɱ pāhuṇakāni bhavanti.|| ||

[18.3][pts][bodh] Atha kho Bhagavā pubbaṇha-samayaɱ nivāsetvā patta-cīvaram ādāya Pañcasālaɱ brāhmaṇa-gāmaɱ piṇḍāya pāvisi.|| ||

[18.4][pts][bodh] Tena kho pana samayena Pañcasāleyyakā brāhmaṇa-gahapatikā Mārena pāpimatā anvāviṭṭhā bhavanti.|| ||

Mā Samaṇo Gotamo piṇḍam alatthā ti.|| ||

[18.5][pts][bodh] Atha kho Bhagavā yathā dhotena pattena Pañcasālaɱ brāhmaṇa-gāmaɱ piṇḍāya pāvisi.|| ||

Tathā dhotena pattena paṭikkami.|| ||

[18.6][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ etad avoca:|| ||

Api samaṇa piṇḍam alatthā ti?|| ||

[18.7][pts][bodh] Tathā nu tvaɱ pāpima akāsi,||
yathā'haɱ piṇḍaɱ na labheyyan ti.|| ||

[18.8][pts][bodh] Tena hi bhante Bhagavā dutiyam pi Pañcasālaɱ brāhmaṇa-gāmaɱ pavisatu.|| ||

Tathā'haɱ karissāmi,||
yathā Bhagavā piṇḍaɱ lacchatī ti.|| ||

Apuññaɱ pasavī Māro||
āsajjanaɱ Tathāgataɱ,||
kiɱ nu maññasi pāpima||
na me pāpaɱ vipaccati?|| ||

Susukhaɱ vata jīvāma||
yesaɱ no n'atthi kiñcanaɱ||
pītibhakkhā bhavissāma||
devā Ābhassarā yathā ti.|| ||

[18.9][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 19

Kassaka Suttaɱ

[19.1][bit][pts][than][bodh][upal] Sāvatthi nidānam.|| ||

Tena kho pana samayena Bhagavā bhikkhū nibbāṇa-paṭisaɱyuttāya dhammiyā kathāya sandasseti sam-ā-dapeti samuttejeti sampahaɱseti.|| ||

Te ca bhikkhū aṭṭhi-katvā manasi katvā sabba-cetaso samannā-haritvā ohita-sotā dhammaɱ suṇanti.|| ||

[19.2][pts][bodh] [115] Atha kho Mārassa pāpimato etad ahosi:|| ||

Ayaɱ kho Samaṇo Gotamo bhikkhū nibbāṇa-paṭisaɱyuttāya dhammiyā kathāya saɱdasseti sam-ā-dapeti samuttejeti sampahaɱseti.|| ||

Te ca bhikkhū aṭṭhi-katvā manasi katvā sabba-cetaso samannā-haritvā ohita-sotā dhammaɱ suṇanti.|| ||

Yam nūnāhaɱ yena Samaṇo Gotamo ten'upasankameyyaɱ vicakkhukammāyā ti.|| ||

[19.3][pts][bodh] Atha kho Māro pāpimā kassaka-vaṇṇaɱ abhinimminitvā mahantaɱ nangalaɱ khandhe karitvā dīghaɱ pācanayaṭṭhiɱ gahetvā haṭa-haṭa-keso sāṇasāṭī-nivattho kaddama makkhitehi pādehi yena Bhagavā ten'upasankami.|| ||

Upasaŋkamitvā Bhagavantaɱ etad avoca:|| ||

[19.4][pts][bodh] Api samaṇa balivadde addasā ti.|| ||

[5][pts][bodh] Kim pana pāpima te balivaddehī ti?

[19.6][pts][bodh] Mam'eva samaṇa cakkhu,||
mama rūpā,||
mama cakkhu-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasi?|| ||

Mam'eva samaṇa sotaɱ,||
mama saddā,||
mama sota-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasī ti?|| ||

Mam'eva samaṇa ghāṇaɱ,||
mama gandhā,||
mama ghāṇa-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasī ti?|| ||

Mam'eva samaṇa jivhā,||
mama rasā,||
mama jivhā-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasī ti?|| ||

Mam'eva samaṇa kāyo,||
mama phoṭṭhabbo,||
mama kāya-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasī ti?|| ||

Mam'eva samaṇa mano,||
mama dhammā,||
mama mano-samphassa-viññāṇ'āyatanaɱ.|| ||

Kuhiɱ me samaṇa gantvā mokkhasī ti?|| ||

[19.7][pts][bodh] Tav'eva pāpima cakkhu,||
tava rūpā,||
tava cakkhu-samphassa-viññāṇ'āyatanaɱ.|| ||

Yattha ca kho pāpima n'atthi cakkhu,||
n'atthi rūpā,||
n'atthi cakkhu-samphassa-viññāṇ'āyatanaɱ.|| ||

Agati tava tattha pāpima.|| ||

[19.8][pts][bodh] Tav'eva pāpima sotaɱ,||
tava saddā,||
tava sota-samphassa-viññāṇ'āyatanaɱ.|| ||

Yattha ca kho pāpima n'atthi sotaɱ,||
n'atthi saddā,||
n'atthi sota-samphassa-viññāṇ'āyatanaɱ.|| ||

Agati tava tattha pāpima.|| ||

[19.9][pts][bodh] Tav'eva pāpima ghāṇaɱ,||
tava gandhā,||
tava ghāṇa-samphassa-viññāṇ'āyatanaɱ.|| ||

Yattha ca kho pāpima n'atthi ghāṇaɱ,||
n'atthi gandhā,||
n'atthi ghāṇa-samphassa-viññāṇ'āyatanaɱ.|| ||

Agati tava tattha pāpima.|| ||

[19.10][pts][bodh] [116] Tav'eva pāpima jivhā,||
tava rasā,||
tava jivhā-samphassa-viññāṇ'āyatanaɱ.|| ||

Yattha ca kho pāpima n'atthi jivhā,||
n'atthi rasā,||
n'atthi jivhā-samphassa-viññāṇ'āyatanaɱ.|| ||

Agati tava tattha pāpima.|| ||

[19.11][pts][bodh] Tav'eva pāpima kāyo,||
tava phoṭṭhabbā,||
tava kāya-samphassa-viññāṇ'āyatanaɱ.|| ||

Yattha ca kho pāpima n'atthi kāyo,||
n'atthi phoṭṭhabbā,||
n'atthi kāya-samphassa-viññāṇ'āyatanaɱ.|| ||

Agati tava tattha pāpima.|| ||

[19.12][pts][bodh] Tav'eva pāpima mano,||
tava dhammā,||
tava mano-samphassa-viññāṇ'āyatanaɱ.|| ||

Yattha ca kho pāpima n'atthi mano,||
n'atthi dhammā,||
n'atthi mano-samphassa-viññāṇ'āyatanaɱ.|| ||

Agati tava tattha pāpimāti.|| ||

[19.13][pts][bodh] Yaɱ vadanti mama yidan ti||
ye vadanti maman ti ca,||
ettha ce te mano atthi||
na me samaṇa mokkhasī ti.|| ||

[19.14][pts][bodh] Yaɱ vadanti na taɱ mayhaɱ||
ye vadanti na te ahaɱ,||
evaɱ pāpima jānāhi||
na me Maggam pi dakkhasīti.|| ||

[19.15][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 

§

 

Sutta 20

Rajja Suttaɱ

[20.1][pts][bodh][upal] Ekaɱ samayaɱ Bhagavā Kosalesu viharati Himavantapadese arañña-kuṭikāyaɱ.|| ||

[20.2][pts][bodh] Atha kho Bhagavato raho-gatassa paṭisallīnassa evaɱ cetaso parivitakko udapādi.|| ||

Sakkā nu kho rajjaɱ kāretuɱ ahanaɱ aghātayaɱ ajinaɱ ajāpayaɱ asocaɱ asocāyaɱ dhammenā ti.|| ||

[20.3][pts][bodh] Atha kho Māro pāpimā Bhagavato cetasā ceto-parivitakkam aññāya yena Bhagavā ten'upasankami.|| ||

Upasaŋkamitvā Bhagavantaɱ etad avoca:|| ||

Kāretu bhante Bhagavā rajjaɱ,||
kāretu Sugato rajjaɱ,||
ahanaɱ aghātayaɱ ajinaɱ ajāpayaɱ asocaɱ asocāpayaɱ dhammenā ti.|| ||

[20.4][pts][bodh] Kim pana tvaɱ pāpima passasi,||
yaɱ maɱ tvaɱ evaɱ vadesi:|| ||

Kāretu bhante Bhagavā rajjaɱ,||
kāretu Sugato rajjaɱ,||
ahanaɱ aghātayaɱ ajinaɱ ajāpayaɱ asocaɱ asocāpayaɱ dhammenā ti.|| ||

[20.5][pts][bodh] Bhagavatā kho bhante cattāro iddhi-pādā bhāvitā bahulī-katā yānī-katā vatthu-katā anuṭṭhitā paricitā susamāraddhā.|| ||

Ākaŋkha-māno ca pana bhante Bhagavā Himavantaɱ pabba-tarājaɱ suvaṇṇaɱ tvava adhimucceyya||
suvaṇṇañca pabbatassāti.|| ||

[20.6][pts][bodh] [117] Pabbatassa suvaṇṇassa||
jāta-rūpassa kevalo,||
dvittā va nālam ekassa||
iti vidvā samañcare.|| ||

Yo dukkham addakkhi yato nidānaɱ||
kāmesu so jantu kathaɱ nameyya,||
upadhiɱ viditvā saŋgo ti loke||
tass'eva jantu vinayāya sikkhe ti.|| ||

[20.7][pts][bodh] Atha kho Māro pāpimā jānāti||
"Maɱ Bhagavā jānāti maɱ Sugato" ti||
dukkhī dummano tatth'ev'antara-dhāyī.|| ||

 


III. Upari-Pañca Vagga or Māra Vagga


 

Sutta 21

Sambahula Suttaɱ

[21.1][pts][bodh][upal] Evaɱ me sutaɱ:|| ||

Ekaɱ samayaɱ Bhagavā Sakkesu viharati Silāvatiyaɱ.|| ||

[21.2][pts][bodh] Tena kho pana samayena sambahulā bhikkhū Bhagavato avidūre appamattā ātāpino pahit'attā viharanti.|| ||

[21.3][pts][bodh] Atha kho Māro pāpimā brāhmaṇa-vaṇṇaɱ abhinimminitvā mahantena jaṭaṇḍuvena ajinakkhipa-nivattho jiṇṇo gopānasivaŋko ghuru-ghuru-passāsī udumbara-daṇḍaɱ gahetvā yena te bhikkhū ten'upasankami.|| ||

Upasaŋkamitvā te bhikkhū etad avoca:|| ||

Daharā bhavanto pabba-jitā susu kālakesā bhadrena yobbanena samannāgatā paṭhamena vayasā anikīḷitāvino kāmesu.|| ||

Bhuñjantu bhonto mānusake kāme,||
mā sandiṭṭhikaɱ hitvā kālikaɱ anudhāvitthā ti.|| ||

[21.4][pts][bodh] Na kho mayaɱ brāhmaṇa sandiṭṭhikaɱ hitvā kālikaɱ anudhāvāma,||
kālikañ ca kho mayaɱ brāhmaṇa hitvā sandiṭṭhikaɱ anudhāvāma.|| ||

Kālikā hi brāhmaṇa kāmā vuttā Bhagavatā bahu-dukkhā bahupāyāsā ādīnavo ettha bhiyo,||
sandiṭṭhiko ayaɱ dhammo akāliko ehi passiko opanayiko paccattaɱ veditabbo viññūhī ti.|| ||

[21.5][pts][bodh] [118] Evaɱ vutte Māro pāpimā sīsaɱ okampetvā jivhaɱ nillā'etvā tivisākhaɱ nalāṭena nalāṭikaɱ vuṭṭhāpetvā daṇḍam olubbha pakkāmi.|| ||

[21.6][pts][bodh] Atha kho te bhikkhu yena Bhagavā ten'upasankamiɱsu.|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhū Bhagavantaɱ etad avocuɱ:|| ||

[21.7][pts][bodh] Idha mayaɱ bhante Bhagavato avidūre appamattā ātāpino pahit'attā viharāma.|| ||

Atha kho bhante aññataro brāhmaṇo mahantena jaṭaṇḍuvena ajinakkhipa-nivattho jiṇṇo gopānasivaŋko ghuru-ghuru-passāsī udumbaradaṇḍaɱ gahetvā yena amhe ten'upasankami.|| ||

Upasaŋkamitvā amhe etad avoca:

Daharā bhavanto pabba-jitā susu kālakesā bhadrena yobbanena samannāgatā paṭhamena vayasā anikīḷitāvino kāmesu.|| ||

Bhuñjantu bhonto mānusake kāme||
mā sandiṭṭhikaɱ hitvā kālikaɱ anudhāvitthā ti.|| ||

[21.8][pts][bodh] Evaɱ vutte mayaɱ bhante taɱ brāhmaṇaɱ etad avocumha:|| ||

Na kho mayaɱ brāhmaṇa sandiṭṭhikaɱ hitvā kālikaɱ anudhāvāma,||
kālikañ ca kho mayaɱ brāhmaṇa hitvā sandiṭṭhikaɱ anudhāvāma.|| ||

Kālikā hi brāhmaṇa kāmā vuttā Bhagavatā bahu-dukkhā bahūpāyāsā ādīnavo ettha bhiyyo,||
sandiṭṭhiko ayaɱ dhammo akāliko ehi passiko opanayiko paccattaɱ veditabbo viññūhī ti.|| ||

[21.9][pts][bodh] Evaɱ vutte bhante so brāhmaṇo sīsaɱ okampetvā jivhaɱ nillā'etvā tivisākhaɱ nalāṭena nalāṭikaɱ vuṭṭhāpetvā daṇḍam olubbha pakkanto ti.|| ||

[21.10][pts][bodh] N'eso bhikkhave brāhmaṇo.||
Māro esa pāpimā,||
tumhākaɱ vicakkhukammāya āgato ti.|| ||

[21.11][pts][bodh] Atha kho Bhagavā etam atthaɱ viditvā tāyaɱ velāyaɱ imaɱ gāthaɱ abhāsi:|| ||

Yo dukkham addakkhi yato nidānaɱ||
kāmesu so jantu kathaɱ nameyya,||
upadhiɱ viditvā saŋgo ti loke||
tass'eva jantu vinayāya sikkhe ti.|| ||

 

§

[119]

Sutta 22

Samiddhi Suttaɱ

[22.1][pts][bodh][upal] Ekaɱ samayaɱ Bhagavā Sakkesu viharati Silāvatiyaɱ.|| ||

[22.2][pts][bodh] Tena kho pana samayen'āyasmā Samiddhi Bhagavato avidūre appamatto ātāpi pahit'atto viharati.|| ||

[22.3][pts][bodh] Atha kho āyasmato Samiddhissa raho-gatassa paṭisallīnassa evaɱ cetaso parivitakko udapādi.|| ||

Lābhā vata me su-laddhaɱ vata me yassa me Satthā arahaɱ Sammā-Sam-Buddho.|| ||

Lābhā vata me su-laddhaɱ vata me yo'haɱ evaɱ svākkhāte Dhamma-Vinaye pabba-jito.|| ||

Lābhā vata me su-laddhaɱ vata me yassa me sabrahma-cārayo sīlavanto kalyāṇa-dhammo ti.|| ||

[22.4][pts][bodh] Atha kho Māro pāpimā āyasmato Samiddhissa cetaso ceto-parivitakkam aññāya||
yen'āyasmā Samiddhi ten'upasankami.|| ||

Upasaŋkamitvā āyasmato Samiddhissa avidūre mahantaɱ bhayabheravaɱ saddaɱ akāsi,||
apissudaɱ paṭhavi maññe udīrayatī ti.|| ||

[22.5][pts][bodh] Atha kho āyasmā Samiddhi yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Samiddhi Bhagavantaɱ etad avoca:|| ||

[22.6][pts][bodh] Idh'āhaɱ bhante Bhagavato avidūre appamatto ātāpi pahit'atto viharāmi.|| ||

Tassa mayhaɱ bhante raho-gatassa paṭisallīnassa evaɱ cetaso parivitakko udapādi:|| ||

Lābhā vata me,||
su-laddhaɱ vata me,||
yassa me Satthā arahaɱ Sammā-Sam-Buddho.|| ||

Lābhā vata me,||
su-laddhaɱ vata me,||
yo'haɱ evaɱ svākkhāte Dhamma-Vinaye pabba-jito.|| ||

Lābhā vata me,||
su-laddhaɱ vata me,||
yassa me sabrahma-cārayo sīlavanto kalyāṇa-dhammo ti.|| ||

Tassa mayhaɱ bhante avidūre mahā bhayabheravasaddo ahosi,||
apissudaɱ paṭhavi maññe udīrayatī ti.|| ||

[22.7][pts][bodh] N'esā Samiddhi paṭhavi udīrayati.||
Māro eso pāpimā.||
Tuyhaɱ vicakkhukammāya āgato.||
Gaccha tvaɱ Samiddhi tatth'eva appamatto ātāpi pahit'atto viharāhīti.|| ||

[22.8][pts][bodh] Evaɱ bhante ti kho āyasmā Samiddhi Bhagavato paṭi- [120] suṇitvā uṭṭhāy āsanā Bhagavantaɱ abhivādetvā padakkhiṇaɱ katvā pakkāmi.|| ||

[22.9][pts][bodh] Dutiyaɱ pi kho āyasmā Samiddhi tatth'eva appamatto ātāpi pahit'atto vihāsi.|| ||

Dutiyaɱ pi kho āyasmato Samiddhi'ssa raho-gatassa paṭisallīnassa evaɱ cetaso parivitakko udapādi.|| ||

Lābhā vata me,||
su-laddhaɱ vata me,||
yassa me Satthā arahaɱ Sammā-Sam-Buddho.|| ||

Lābhā vata me,||
su-laddhaɱ vata me,||
yo'haɱ evaɱ svākkhāte Dhamma-Vinaye pabba-jito.|| ||

Lābhā vata me,||
su-laddhaɱ vata me,||
yassa me sabrahma-cārayo sīlavanto kalyāṇa-dhammo ti.|| ||

Dutiyaɱ pi kho Māro pāpimā āyasmato Samiddhi'ssa cetasā ceto parivitakkam aññāya yen'āyasmā Samiddhi ten'upasankami.|| ||

Upasaŋkamitvā āyasmato Samiddhissa avidūre mahantaɱ bhayabheravasaddaɱ akāsi,||
apissudaɱ paṭhavi maññe udīrayatī ti.|| ||

[22.10][pts][bodh] Atha kho āyasmā Samiddhi||
Māro ayaɱ pāpimā iti viditvā Māraɱ pāpimantaɱ gāthāya ajjhabhāsi:|| ||

Saddhāyāhaɱ pabba-jito||
agārasmā anagāriyaɱ,||
satipaññā ca me buddhā||
cittañ ca susamāhitaɱ,||
kāmaɱ karassu rūpāni||
n'eva maɱ vyādhayissasī ti.|| ||

[22.11][pts][bodh] Atha kho Māro pāpimā jānāti||
"Maɱ Samiddhi bhikkhū" ti dukkhī dummano tatth'ev'antara-dhāyī.|| ||

 

§

 

Sutta 23

Godhika Suttaɱ

[23.1][pts][bodh][upal] Evaɱ me sutaɱ:|| ||

Ekaɱ samayaɱ Bhagavā Rājagahe viharati Veḷuvane Kalandakanivāpe.|| ||

[23.2][pts][bodh] Tena kho pana samayen'āyasmā Godhiko Isigili-passe viharati Kāḷasilāyaɱ.|| ||

[23.3][pts][bodh] Atha kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Atha kho āyasmā Godhiko tāmhā sāmdhikāya ceto-vimuttiyā parihāyi.|| ||

[23.4][pts][bodh] Dutiyaɱ pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Dutiyaɱ pi kho āyasmā tamhā sāmādhikāya ceto-vimuttiyā parihāyi.|| ||

[23.5][pts][bodh] Tatiyam pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Tatiyam pi kho āyasmā tamhā sāmādhikāya ceto-vimuttiyā parihāyi.|| ||

[23.6][pts][bodh] Catuttham pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Catuttham pi kho āyasmā tamhā sāmādhikāya ceto-vimuttiyā parihāyi.|| ||

[23.7][pts][bodh] [121] Pañcamam pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Pañcamam pi kho āyasmā tamhā sāmādhikāya ceto-vimuttiyā parihāyi.|| ||

[23.8][pts][bodh] Chaṭṭham pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

Chaṭṭham pi kho āyasmā tamhā sāmādhikāya ceto-vimuttiyā parihāyi.|| ||

[23.9][pts][bodh] Sattamam pi kho āyasmā Godhiko appamatto ātāpī pahit'atto viharanto sāmādhikaɱ ceto-vimuttiɱ phusi.|| ||

[23.10][pts][bodh] Atha kho āyasmato Godhikassa etad ahosi:|| ||

Yāva chaṭṭhaɱ khvāhaɱ sāmādhikāya ceto-vimuttiyā parihīno,||
yam nūnāhaɱ satthaɱ āhareyyan ti.|| ||

[23.11][pts][bodh] Atha kho Māro pāpimā āyasmato Godhikassa cetasā ceto-parivitakkam aññāya yena Bhagavā ten'upasankami.|| ||

Upasaŋkamitvā Bhagavantaɱ gāthāhi ajjhabhāsi:

Mahāvīra mahā-pañña||
iddhiyā yasasā jalaɱ,||
sabbe verabhayātīta||
pāde vandāmi cakkhuma.|| ||

Sāvako te mahāvīra||
maraṇaɱ maraṇābhibhu,||
ākankhati cetayati||
taɱ nisedha jutindhara.|| ||

Kathaɱ hi Bhagavā tuyhaɱ||
sāvako sāsane rato,||
appattamānaso sekho||
kālaɱ kayirā jane sutā ti.|| ||

[23.12][pts][bodh] Tena kho pana samayena āyasmatā Godhikena satthaɱ āharitaɱ hoti.|| ||

[23.13][pts][bodh] Atha kho Bhagavā Māro pāpimā iti viditvā Māraɱ pāpimattaɱ gāthāya ajjhabhāsi:

Evaɱ hi dhīrā kubbanti||
nāvakaŋkhanti jīvitaɱ,||
samūlaɱ taṇhaɱ abbuyha||
Godhiko parinibbuto ti.|| ||

[23.14][pts][bodh] Atha kho Bhagavā bhikkhū āmantesi:|| ||

Āyāma bhikkhave yena Isigili-passaɱ Kā'asīlā ten'upasankamissāma, yattha Godhikena kula-puttena satthaɱ āharitan ti.|| ||

[23.15][pts][bodh] Evaɱ bhante ti kho te bhikkhū Bhagavato paccassosuɱ.|| ||

[23.16][pts][bodh] Atha kho Bhagavā sambahulehi bhikkhūhi saddhiɱ yena Isigili-passaɱ Kāḷasilā ten'upasankami.|| ||

Addasā kho Bhagavā āyasmantaɱ Godhikaɱ dūrato va mañcake vivatta-k-khandhaɱ semānaɱ.|| ||

[23.17][pts][bodh] [122] Tena kho pana samayena dhūmāyitattaɱ timirāyitattaɱ gacchat'eva purimaɱ disaɱ,||
gacchati pacchimaɱ disaɱ,||
gacchati uttaraɱ disaɱ,||
gacchati dakkhiṇaɱ disaɱ,||
gacchati uddhaɱ,||
gacchati adho,||
gacchati anudisaɱ.|| ||

[23.18][pts][bodh] Atha kho Bhagavā bhikkhū āmantesi:|| ||

Passatha no tumhe bhikkhave etaɱ dhūmāyitattaɱ timirāyitattaɱ,||
gacchat'eva purimaɱ disaɱ,||
gacchati pacchimaɱ disaɱ,||
gacchati uttaraɱ disaɱ,||
gacchati dakkhiṇaɱ disaɱ,||
gacchati uddhaɱ,||
gacchati adho,||
gacchati anudisan ti.|| ||

"Evaɱ bhante" ti.|| ||

[23.19][pts][bodh] Eso kho bhikkhave Māro pāpimā Godhikassa kula-puttassa viññāṇaɱ samanvesati,||
kattha Godhikassa kula-puttassa viññāṇaɱ patiṭṭhitan ti.|| ||

Appatiṭṭhitena ca bhikkhave viññāṇena Godhiko kula-putto parinibbuto ti.|| ||

[23.20][pts][bodh] Atha kho Māro pāpimā beluva-paṇḍuvīṇam ādāya yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:|| ||

Uddhaɱ adho ca tiriyaɱ||
disā-anudisāsvahaɱ,||
anvesaɱ nādhigacchāmi||
Godhiko so kuhiɱ gato ti?|| ||

[23.21][pts][bodh] So dhīro dhitisampanno||
jhāyī jhānarato sadā,||
ahorattaɱ anuyuñjaɱ||
jīvitaɱ anikāmayaɱ.|| ||

Jetvāna maccuno senaɱ||
anāgantvā puna-b-bhavaɱ,||
samūlaɱ taṇham abbuyha||
Godhiko parinibbuto ti.|| ||

[23.22][pts][bodh] Tassa sokaparetassa||
vīṇākacchā abhassatha,||
tato so dummano yakkho||
tatth'ev'antara-dhāyī ti.|| ||

 

§

 

Sutta 24

Satta-Vass'ānubandha Suttaɱ

[24.1][pts][bodh][upal] Evaɱ me sutaɱ:|| ||

Ekaɱ samayaɱ Bhagavā Uruvelāyaɱ viharati najjā Nerañjarāya tīre Ajapāla-nigrodhe.|| ||

[24.2][pts][bodh] Tena kho pana samayena Māro pāpimā satta-vassāni Bhagavantaɱ anubaddho hoti otārāpekkho otāraɱ alabhamāno.|| ||

[24.3][pts][bodh] Atha kho Māro pāpimā yena Bhagavā ten'upasankami.|| ||

Upasaŋkamitvā Bhagavantaɱ gāthāya ajjhabhāsi:

[123] Sokāvatiṇṇo nu vanasmiɱ jhāyasi||
vittaɱ nu jiṇṇo uda patthayāno,||
āguɱ nu gāmasmiɱ akāsi kiñci||
kasmā janena na karosi sakkhiɱ||
Sakkhī na sampajjati kenaci te ti.|| ||

[24.4][pts][bodh] Sokassa mūlaɱ palikhāya sabbaɱ||
anāgujhāyāmi asocamāno,||
chetvāna sabbaɱ bhavalobha-jappaɱ||
anāsavo jhāyāmi pamattabandhu.|| ||

[24.5][pts][bodh] Yaɱ vadanti mama yidan ti||
ye vadanti maman ti ca,||
ettha ce te mano atthi||
na me samaṇa mokkhasīti.|| ||

[24.6][pts][bodh] Yaɱ vadanti na taɱ mayhaɱ||
ye vadanti na te ahaɱ,||
evaɱ pāpima jānāhi||
na me Maggam pi dakkhasīti.|| ||

[24.7][pts][bodh] Sa ce Maggaɱ anu-Buddhaɱ||
khemaɱ amata-gāminaɱ,||
pehi gaccha tvam ev'eko||
kim aññam anusāsasīti.|| ||

[24.8][pts][bodh] Amaccudheyyam pucchanti||
ye janā pāragāmino||
tes'āhaɱ puṭṭho akkhāmi||
yaɱ sabbantaɱ nirupadhin ti.|| ||

[24.9][pts][bodh] seyyathā pi bhante gāmassa vā nigamassa vā avidūre pokkharaṇī,||
tatra'ssa kakkaṭako.|| ||

Atha kho bhante sambahulā kumārakā vā kumārikāyo vā tamhā gāmā vā nigamā vā ni-k-khamitvā yena sā pokkharaṇī ten'upasankameyyuɱ,||
upasankamitvā taɱ kakkaṭakaɱ udakā uddharitvā thale patiṭṭhāpeyyuɱ,||
yaɱ yad eva hi so bhante kakkaṭako a'aɱ abhininnāmeyya,||
taɱ tad eva te kumārakā vā kumārikāyo vā kaṭṭhena vā kaṭalāya vā saɱchindeyyuɱ sambhañjeyyuɱ.|| ||

Evaɱ hi so bhante kakkaṭako sabbehi a'ehi saɱchinnehi sambhaggehi sampa'ibhaggehi abhabbo taɱ pokkharaṇiɱ puna otarituɱ.|| ||

Seyyathā pi pubbe evam eva kho bhante yāni sūkāyikāni visevitāni vipphanditāni kānici kānici sabbāni Bhagavatā saɱchinnāni, sambha- [124] ggāni sampa'ibhaggāni.|| ||

Abhabbo c'idān'āhaɱ bhante puna Bhagavantaɱ upasankamituɱ yad idaɱ otārāpekkhoti.|| ||

[24.10][pts][bodh] Atha kho Māro pāpimā Bhagavato santike imā nibbejanīyā gāthāyo abhāsi:

Medavaṇṇañca pāsānaɱ||
vāyaso anupariyagā,||
apetthamudu vindema||
api assādanā siyā||
aladdhā tattha assādaɱ||
vāyas'etto apakkame,||
kāko va selam āsajja||
nibbijjāpema Gotamā ti.|| ||

[24.11][pts][bodh] Atha kho Māro pāpimā Bhagavato santike imā nibbejanīyā gāthāyo abhāsitvā tamhā ṭhānā apakkamma Bhagavato avidūre paṭhaviyaɱ pallaŋkena nisīdi tuṇhī bhūto maŋku-bhūto patta-k-khandho adho-mukho pajjhāyanto appaṭibhāno kaṭṭhena bhūmiɱ vilikhanto.|| ||

 

§

 

Sutta 25

Dhītaro, or Māra-Dhītu Suttaɱ

[25.1][pts][bodh][upal] Uruvelāyaɱ-

Atha kho Taṇhā ca Arati ca Ragā ca Māra-dhītaro yena Māro pāpimā ten'upasankamiɱsu.|| ||

Upasaŋkamitvā Māraɱ pāpimantaɱ gāthāya ajjhabhāsiɱsu:

Kenāsi dummano tāta||
purisaɱ kaɱ nu socasi?|| ||

Mayaɱ taɱ rāgapāsena||
āraññam iva kuñjaraɱ.|| ||

Bandhitvā ānayissāma||
vasago te bhavissatī ti.|| ||

[25.2][pts][bodh] Arahaɱ Sugato loke||
na rāgena suvānayo,||
Māradheyyam atikkanto||
tasmā socām-ahaɱ bhūsanti.|| ||

[25.3][pts][bodh] Atha kho Taṇhā ca Arati ca Ragā ca Māra-dhītaro yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Atha kho Bhagavā na manas'ākāsi yathā taɱ anuttare upadhi-saŋkhaye vimutto.|| ||

[25.4][pts][bodh] Atha kho Taṇhā ca Arati ca Ragā ca Māra-dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā.|| ||

Yaɱ nūna mayaɱ ekasatam ekasataɱ kumārivaṇṇasataɱ abhinimmineyyāmā ti.|| ||

[25.5][pts][bodh] [125] Atha kho Taṇhā ca Arati ca Ragā ca Māra-dhītaro ekasatam ekasataɱ kumārivaṇṇasataɱ anibhimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.6][pts][bodh] Atha kho Taṇhā ca Arati ca Ragā ca Māra-dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā,||
yaɱ nūna mayaɱ ekasatam ekasataɱ avijātavaṇṇasataɱ abhinimmineyyāmā ti.|| ||

[25.7][pts][bodh] Atha kho Taṇhā ca Arati ca Ragā ca Māra-dhītaro ekasatam ekasataɱ avijātavaṇṇasataɱ abhinimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.8][pts][bodh] Atha kho Taṇhā ca Arati ca Ragā ca Māra-dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā,||
yaɱ nūna mayaɱ ekasatam ekasataɱ sakiɱ vijātavaṇṇasataɱ abhinimmineyyāmā ti.|| ||

Atha kho Taṇhā ca Arati ca Ragā ca Māra dhītaro ekasatam ekasataɱ sakiɱ vijātavaṇṇasataɱ abhinimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.9][pts][bodh] Atha kho Taṇhā ca Arati ca Ragā ca Māra dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā,||
yaɱ nūna mayaɱ ekasatam ekasataɱ duvijātavaṇṇasatam abhinimmineyyāmā ti.|| ||

Atha kho Taṇhā ca Arati ca Ragā ca Māra dhītaro ekasatam ekasataɱ duvijātavaṇṇasatam abhinimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.10][pts][bodh] Atha kho Taṇhā ca Arati ca Ragā ca Māra dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā,||
yaɱ nūna mayaɱ ekasatam ekasataɱ majjhimitthivaṇṇasataɱ abhinimmineyyāmā ti.|| ||

Atha kho Taṇhā ca Arati ca Ragā ca Māra dhītaro ekasatam ekasataɱ majjhimitthivaṇṇasataɱ abhinimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremā ti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.11][pts][bodh] Atha kho Taṇhā ca Arati ca Ragā ca Māra dhītaro eka-m-antaɱ apakkamma evaɱ samacintesuɱ:|| ||

Uccāvacā kho purisānaɱ adhippāyā,||
yaɱ nūna mayaɱ ekasatam ekasataɱ mahitthivaṇṇasatam abhinimmineyyāmā ti.|| ||

Atha kho Taṇhā ca Arati ca Ragā ca Māra dhītaro ekasatam ekasataɱ mahitthivaṇṇasataɱ abhinimminitvā yena Bhagavā ten'upasankamiɱsu.|| ||

Upasaŋkamitvā Bhagavantaɱ etad avocuɱ:|| ||

Pāde te samaṇa paricāremāti.|| ||

Tam pi Bhagavā na manas'ākāsi yathā taɱ anuttare upadhi-sankhaye vimutto.|| ||

[25.12][pts][bodh] Atha kho Taṇhā ca Arati ca Ragā ca Māra dhītaro eka-m-antaɱ apakkamma etad avocuɱ:|| ||

Saccaɱ kira no pitā avoca:

"Arahaɱ Sugato loke||
na rāgena suvānayo||
Māradheyyaɱ atikkanto||
tasmā socām-ahaɱ bhūsan" ti.|| ||

[25.13][pts][bodh] Yaɱ hi mayaɱ samaṇaɱ vā brāhmaṇaɱ vā avīta-rāgaɱ iminā upakkamena upakkameyyāma hadayaɱ vāssa phaleyya.|| ||

Uṇhaɱ vā lohitaɱ mukhato uggaccheyya.|| ||

[126] Ummādaɱ vā pāpuṇeyya citta-vikkhepaɱ vā.|| ||

Seyyathā vā pana naḷo harito luto ussussati visussati milāyati,||
evam eva ussusseyya visusseyya milāyeyyā ti.|| ||

[25.14][pts][bodh] Atha kho Taṇhā ca Arati ca Ragā ca Māra dhītaro yena Bhagavā ten'upasankamiɱsu.|| ||

Upasaŋkamitvā eka-m-antaɱ aṭṭhaɱsu.|| ||

[25.15][pts][bodh] Eka-m-antaɱ ṭhitā kho Taṇhā māradhītā Bhagavantaɱ gāthāya ajjhabhāsi:

Sokāvatiṇṇo nu vanasmiɱ jhāyasi||
cittaɱ nu jiṇṇo uda patthayāno||
āguɱ nu gāmasmim akāsi kiñci||
kasmā janena na karosi sakkhiɱ||
Sakkhī na sampajjati kenaci te ti.|| ||

[25.16][pts][bodh] Atthassa pattiɱ hadayassa santiɱ||
chetvāna senaɱ piyasātarūpaɱ||
ekāhaɱ jhāyaɱ sukham anvabodhiɱ||
tasmā janena na karomi sakkhiɱ||
Sakkhī na sampajjati kenaci me ti.|| ||

[25.17][pts][bodh] Atha kho Arati Māra dhītā Bhagavantaɱ gāthāya ajjhabhāsi:

Kathaɱ vihārī-bahulo dha bhikkhu||
pañcoghatiṇṇo atarīdha chaṭṭhaɱ,||
kathaɱ jhāyiɱ bahulaɱ kāma-saññā||
paribāhirā honti aladdhayo tan ti.|| ||

[25.18][pts][bodh] Passaddhakāyo su-vimutta-citto||
asankharāno satimā anoko,||
aññāya dhammaɱ avitakkajhāyī||
na kuppati na sarati ve na thīno.|| ||

Evaɱ vihārī-bahulo dha bhikkhu||
pañcoghatiṇṇo atarīdha chaṭṭhaɱ,||
evaɱ jhāyiɱ bahulaɱ kāma-saññā||
paribāhirā honti aladdhayo tan ti.|| ||

[25.19][pts][bodh] [127] Atha kho Ragā ca Māra dhītā Bhagavato santike imaɱ gāthaɱ abhāsi:

Acchecchi taṇhaɱ gaṇa-Saŋgha-cārī||
addhā carissanti bahū ca sattā,||
Bahūɱ vatāya janataɱ anoko||
acchejja nessati maccurājassa pāran ti.|| ||

[25.20][pts][bodh] Nayanti ve mahāvīrā||
Sad'Dhammena Tathāgatā||
Dhammena nīyamānānaɱ||
kā usūyā vijānatan ti.|| ||

[25.21][pts][bodh] Atha kho Taṇhā ca Arati ca Ragā ca Māra dhītaro yena Māro pāpimā ten'upasankamiɱsu.|| ||

[25.22][pts][bodh] Addasā kho Māro pāpimā Taṇhañ ca Aratiñ ca Ragañ ca Māra dhītaro dūrato va āga-c-chantiyo.|| ||

Disvāna gāthāhi ajjhabhāsi:

Bālā kumudanā'ehi||
pabbataɱ abhimatthatha||
giriɱ nakhena khaṇatha||
ayo dantehi khādatha.|| ||

Selaɱ va siras-ūhacca||
pātāle gādham esatha||
Khāṇuɱva urasāsajja||
nibbijjāpetha Gotamā ti.|| ||

[25.23][pts][bodh] Daddallamānā āgañchuɱ||
Taṇhā ca Aratī Ragā ca||
Tā tattha panudī Satthā||
tulaɱ bhaṭṭhaɱ va Māruto" ti.|| ||

Māra Saɱyuttaɱ Samattaɱ

 


Contact:
E-mail
Copyright Statement