Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 2

Upatissa (Sāriputta) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][rhyc][than][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc][than] Tatra kho āyasmā Sāriputto bhikkhū āmantesi:|| ||

'Āvuso, bhikkhavo' ti.|| ||

'Āvuso' ti kho te bhikkhū āyasmato Sāriputtassa paccassosuɱ.|| ||

[3][rhyc][than] Āyasmā Sāriputto etad avoca:|| ||

Idha mayhaɱ āvuso,||
rahogatassa patisallīnassa etaɱ cetaso parivitakko udapādi:|| ||

"Atthi nu kho taɱ kiñci lokasmiɱ||
yassa me vipariṇām-aññathā-bhāvā uppajjeyyuɱ soka-parideva-dukkha-domanass'upāyāsā" ti?|| ||

Tassa mayhaɱ āvuso, etad ahosi:|| ||

"N'atthi kho taɱ kiñci lokasmiɱ||
yassa me vipariṇām-aññathā-bhāvā uppajjeyyuɱ soka-parideva-dukkha-domanass'upāyāsā" ti.|| ||

[4][rhyc][than] Evaɱ vutte āyasmā Ānando āyasmantaɱ Sāriputtaɱ etad avoca:|| ||

"Satthu'pi kho te āvuso, Sāriputta,||
vipariṇām-aññathā-bhāvā nūppajjeyyuɱ soka-parideva-dukkha-domanass'upāyāsā" ti?|| ||

[5][rhyc][than] Satthu'pi kho me āvuso,||
vipariṇām-aññathā-bhāvā nūppajjeyyuɱ soka-parideva-dukkha-domanass'upāyāsā.|| ||

Api ca me evam assa:||
mā mahesakkho vata bho,||
satthā antarahito mahiddhiko mahānubhāvo.|| ||

Sa ce hi Bhagavā ciraɱ dīgham addhānaɱ tiṭṭheyya,||
tad assa bahujanahitāya bahujanasukhāya lokānukampāya atthāya hitāya sukhāya deva-manussānan ti.|| ||

[6][rhyc][than] Tathā hi panāyasmato Sāriputtassa dīgha-rattaɱ ahiŋkāra-mamaŋkāra-mānānusayā susamūhatā.|| ||

[7][rhyc] Tasmā āyasmato Sāriputtassa satthu pi vipariṇām-aññathā-bhāvā nūppajjeyyuɱ soka-parideva-dukkha-domanass'upāyāsā' ti.|| ||


Contact:
E-mail
Copyright Statement   Webmaster's Page