Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


Saɱyutta Nikāya
3. Khandha Vagga
22. Khandha Saɱyutta
5. Atta-Dīpa Vagga

Sutta 48

Khandha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][olds][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Pañca ca bhikkhave, khandhe desissāmi,||
pañc'upādāna-k-khandhe ca.|| ||

Taɱ suṇātha||
sādhukaɱ manasi karotha||
bhāsissāmī" ti.|| ||

"Evaɱ bhante" ti kho te bhikkhū Bhagavato paccassosuɱ:|| ||

Bhagavā etad avoca.|| ||

"Katame ca bhikkhave, pañca-k-khandhā?|| ||

Yaɱ kiñci bhikkhave, rūpaɱ||
atīt-ā-nāgata-paccuppannaɱ||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
ayaɱ vuccati rūpa-k-khandho.|| ||

Yā kāci vedanā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
ayaɱ vuccati vedana-k-khandho.|| ||

Yā kāci saññā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
ayaɱ vuccati saññā-k-khandho.|| ||

Ye keci sankhārā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
ayaɱ vuccati sankhāra-k-khandho.|| ||

Yaɱ kiñci viññāṇaɱ||
atīt-ā-nāgata-paccuppannaɱ,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
ayaɱ vuccati viññāṇa-k-khandho.|| ||

Ime vuccanti bhikkhave,||
pañca-k-khandhā.|| ||

 

§

 

Katame ca bhikkhave, pañc'upādāna-k-khandhā?|| ||

Yaɱ kiñci bhikkhave, rūpaɱ||
atīt-ā-nāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sāsavaɱ upādānīyaɱ,||
ayaɱ vuccati rūp'ūpādāna-k-khandho.|| ||

Yā kāci vedanā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sāsavaɱ upādāniyaɱ,||
ayaɱ vuccati vedan'ūpādāna-k-khandho.|| ||

Yā kāci saññā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sāsavaɱ upādāniyaɱ||
ayaɱ vuccati saññ'ūpādāna-k-khandho.|| ||

Ye keci sankhārā||
atīt-ā-nāgata-paccuppannā,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sāsavaɱ upādāniyaɱ||
ayaɱ vuccati sankhār'ūpādāna-k-khandho.|| ||

[48] Yaɱ kiñci viññāṇaɱ||
atīt-ā-nāgata-paccuppannaɱ,||
ajjhattaɱ vā bhahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sāsavaɱ upādāniyaɱ||
ayaɱ vuccati viññāṇ'ūpādāna-k-khandho.|| ||

Ime vuccanti bhikkhave,||
pañc'upādāna-k-khandhā" ti.|| ||

 


Contact:
E-mail
Copyright Statement