Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 51

Dutiya Nandikkhaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[51]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

[52] "Rūpaɱ bhikkhave, yoniso manasi karotha,||
rūpāniccatañ ca yathābhūtaɱ samanupassatha|| ||

Rūpaɱ bhikkhave, bhikkhu yoniso manasikaronto||
rūpāniccatañ ca yathābhūtaɱ samanupassanto||
rūpasmiɱ nibbindati.|| ||

Nandikkhayā rāgakkhayo,||
rāgakkhayā nandikkhayo,||
nandirāgakkhayā cittaɱ vimuttaɱ||
'sucimuttan' ti vuccati.|| ||

Vedanaɱ bhikkhave, yoniso manasikarotha,||
vedanāniccatañ ca yathābhūtaɱ samanupassatha.|| ||

Vedanaɱ bhikkhave bhikkhu yoniso manasikaronto||
vedanāniccatañ ca yathābhūtaɱ samanupassanto||
vedanasmiɱ nibbindati.|| ||

Nandikkhayā rāgakkhayo,||
rāgakkhayā nandikkhayo,||
nandirāgakkhayā cittaɱ vimuttaɱ||
'sucimuttan' ti vuccati.|| ||

Saññaɱ bhikkhave, yoniso manasikarotha,||
saññāniccatañ ca yathābhūtaɱ samanupassatha.|| ||

Saññaɱ bhikkhave bhikkhu yoniso manasikaronto||
saññāniccatña ca yathābhūtaɱ samanupassanto||
saññasmiɱ nibbindati.|| ||

Nandikkhayā rāgakkhayo,||
rāgakkhayā nandikkhayo,||
nandirāgakkhayā cittaɱ vimuttaɱ||
'sucimuttan' ti vuccati.|| ||

Saɱkhāre bhikkhave, yoniso manasikarotha,||
sankhāraniccatañ ca yathābhūtaɱ samanupassatha.|| ||

Sankhāraɱ bhikkhave bhikkhu yoniso manasikaronto||
sankhāraniccatañ ca yathābhūtaɱ samanupassanto||
sankhārasmiɱ nibbindati.|| ||

Nandikkhayā rāgakkhayo,||
rāgakkhayā nandikkhayo,||
nandirāgakkhayā cittaɱ vimuttaɱ||
'sucimuttan' ti vuccati.|| ||

Viññāṇaɱ bhikkhave, yoniso manasikarotha,||
viññāṇāniccatañ ca yathābhūtaɱ samanupassatha.|| ||

Viññāṇaɱ bhikkhave bhikkhu yoniso manasikaronto||
viññāṇāniccatañ ca yathābhūtaɱ samanupassanto||
viññāṇasmiɱ nibbindati.|| ||

Nandikkhayā rāgakkhayo,||
rāgakkhayā nandikkhayo,||
nandirāgakkhayā cittaɱ vimuttaɱ||
'sucimuttan' ti vuccati.|| ||

Attadīpavaggo pañcamo

 


Contact:
E-mail
Copyright Statement   Webmaster's Page