Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
4. Devadaha Vagga

Sutta 142

Bāhira-Anicca aka Hetunā Bāhira Suttaɱ

[1][pts][bodh] Evaɱ me sutaɱ:|| ||

Ekaɱ samayaɱ Bhagavā sakkesu viharati devadahaɱ nāma Sakyānaɱ nigamo.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Rūpa bhikkhave aniccaɱ,||
yo pi hetu||
yo pi paccayo||
rupānam uppādāya||
so pi anicco.|| ||

Anicca-sambhūtaɱ bhikkhave||
rūpa kuto niccaɱ bhavissati?|| ||

■

Saddā aniccaɱ,||
yo pi hetu||
yo pi paccayo||
saddānaɱ uppādāya so pi anicco.|| ||

Anicca-sambhūtaɱ bhikkhave||
saddā kuto niccaɱ bhavissati?|| ||

■

Gandhā aniccaɱ,||
yo pi hetu||
yo pi paccayo||
gandhānaɱ uppādāya so pi anicco.|| ||

Anicca-sambhūtaɱ bhikkhave||
gandhā kuto niccaɱ bhavissati?|| ||

■

Rasā aniccā,||
yo pi hetu||
yo pi paccayo||
rasānaɱ uppādāya so pi anicco.|| ||

Anicca-sambhūtā bhikkhave||
rasā kuto niccā bhavissati?|| ||

■

Phoṭṭhabbā anicco,||
yo pi hetu||
yo pi paccayo||
phoṭṭhabbānaɱ uppādāya so pi anicco.|| ||

Anicca-sambhūto bhikkhave||
phoṭṭhabbā kuto nicco bhavissati?|| ||

■

Dhammā anicco,||
yo pi hetu||
yo pi paccayo||
dhammānaɱ uppādāya so pi anicco.

Anicca-sambhūto bhikkhave||
dhammā kuto nicco bhavissati ti?|| ||

Evam passaɱ bhikkhave sutavā ariyasāvako cakkhusmim pi nibbindati,||
rūpesu pi nibbindati,||
cakkhu-viññāṇe pi nibbindati,||
cakkhu-samphasse pi nibbindati.|| ||

Yam pidaɱ cakkhu-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Evam passaɱ bhikkhave sutavā ariyasāvako sotasmim pi nibbindati,||
saddā pi nibbindati,||
sota-viññāṇe pi nibbindati,||
sota-samphasse pi nibbindati.|| ||

Yam pidaɱ sota-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Evam passaɱ bhikkhave sutavā ariyasāvako ghānasmim pi nibbindati,||
gandhā pi nibbindati,||
ghāna-viññāṇe pi nibbindati,||
ghāna-samphasse pi nibbindati.|| ||

Yam pidaɱ ghāna-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Evam passaɱ bhikkhave sutavā ariyasāvako jivhāya pi nibbindati,||
rasesu pi nibbindati,||
jivhā-viññāṇe pi nibbindati,||
jivhā-samphasse pi nibbindati.|| ||

Yam pidaɱ jivhā-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Evam passaɱ bhikkhave sutavā ariyasāvako kāyasmim phoṭṭhabbā pi nibbindati,||
kāya-viññāṇe pi nibbindati,||
kāya-samphasse pi nibbindati.|| ||

Yam pidaɱ kāya-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Evam passaɱ bhikkhave sutavā ariyasāvako manasmim pi nibbindati,||
dhammesu pi nibbindati||
mano-viññāṇe pi nibbindati,||
mano-samphasse pi nibbindati.|| ||

Yam pidaɱ mano-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā tasmim pi nibbindati.|| ||

Nibbindaɱ virajjati virāgā vimuccati,||
vimuttasmiɱ vimuttamiti ñāṇaɱ hoti:|| ||

Khīṇā jāti,||
vusitaɱ brahmacariyaɱ,||
kataɱ karaṇīyaɱ||
nāparaɱ itthattāyāti pajānātī" ti.|| ||