Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikaya
IV. Saḷāyatana Vagga
44. Avyākata Saɱyutta

Sutta 1

Khemā Therī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[374]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tena kho pana samayena Khemā bhikkhunī Kosalesu cārikaɱ caramānā||
antarā ca Sāvatthiɱ antarā ca Sāketaɱ||
Toraṇavatthusmiɱ vāsaɱ upagatā hoti.|| ||

Atha kho rājā Pasenadi-Kosalo Sāketā Sāvatthiɱ gacchanto||
antarā ca Sāketaɱ antarā ca Sāvatthiɱ||
Toraṇavatthusmiɱ ekarattivāsaɱ upagañji.|| ||

Atha kho rājā Pasenadi-Kosalo aññataraɱ purisaɱ āmantesi:|| ||

"Ehi tvaɱ ambho purisa Toraṇavatthusmiɱ||
tathā-rūpaɱ samaṇaɱ vā brahmaṇaɱ vā jāna,||
yamahaɱ ajja payirupāseyyan" ti.|| ||

"Evaɱ devā" ti kho so puriso rañño Pasenadissa Kosalassa paṭissutvā||
kevala-kappaɱ Toraṇavatthuɱ anvāhiṇḍanto||
nāddasa tathā-rūpaɱ samaṇaɱ vā brāhmaṇaɱ vā yaɱ||
rājā Pasenadi kosalo payirupāseyya addasā||
kho so puriso Khemaɱ bhikkhuniɱ Toraṇavatthusmiɱ vāsaɱ upagataɱ,||
disvāna yena Pasenadi-Kosalo ten'upasankami.|| ||

Upasaŋkamitvā rājānaɱ Pasenadi Kosalaɱ etad avoca:|| ||

"N'atthi kho deva, Toraṇavatthusmiɱ tathā-rūpo samaṇo vā brāhmaṇo vā yaɱ devo payirupāseyya.|| ||

Atthi ca kho deva, Khemā nāma bhikkhunī tassa Bhagavato sāvikā||
arahato||
Sammā-Sam-Buddhassa,||
tassā kho panayyāya evaɱ kalyāṇo kitti-saddo abbhu-g-gato:|| ||

[375] "Paṇḍitā viyattā||
medhāvinī||
bahu-s-sutā||
cittakathā||
kalyāṇapaṭibhānā" ti.|| ||

Taɱ devo payirupāsatu" ti.|| ||

Atha kho rājā Pasenadi-Kosalo yena Khemā bhikkhunī ten'upasankami.|| ||

Upasaŋkamitvā Khemaɱ bhikkhuniɱ abhivādetvā eka-m-antaɱ nisīdi.|| ||

Eka-m-antaɱ nisinno kho rājā Pasenadi-Kosalo Khemaɱ bhikkhuniɱ etad avoca:|| ||

"Kin nu kho ayye:|| ||

Hoti Tathāgato param maraṇā" ti?|| ||

"Avyākataɱ etaɱ mahārāja Bhagavatā:|| ||

'Hoti Tathāgato param maraṇā'" ti.|| ||

-◦-

"Kim panayyo:|| ||

Na hoti Tathāgato param maraṇā" ti?|| ||

"Etam pi kho mahārāja avyākataɱ Bhagavatā:|| ||

'Na hoti Tathāgato param maraṇā'" ti.|| ||

-◦-

"Kin nu kho ayye:|| ||

Hoti ca na ca hoti Tathāgato param maraṇā" ti?|| ||

"Avyākataɱ kho etaɱ mahārāja Bhagavatā:|| ||

'Hoti ca na ca hoti Tathāgato param maraṇā'" ti.|| ||

-◦-

"Kim panayye:|| ||

N'eva hoti na na hoti Tathāgato param maraṇā" ti?|| ||

"Etam pi kho mahārāja avyākataɱ Bhagavatā:|| ||

'N'eva hoti na na hoti Tathāgato param maraṇā'" ti.|| ||

"Kin nu kho ayye?|| ||

'Hoti Tathāgato param maraṇā' ti||
iti puṭṭhā samānā.|| ||

'Avyākataɱ kho etaɱ mahārāja Bhagavatā:|| ||

"Hoti Tathāgato param maraṇā" ti vadesi.|| ||

-◦-

Kim panayye:|| ||

'Na hoti Tathāgato param maraṇā' ti||
iti puṭṭhā samānā.|| ||

'Etam pi kho mahārāja avyākataɱ Bhagavatā:|| ||

"Na hoti Tathāgato param maraṇā" ti vadesi.|| ||

-◦-

Kin nu kho ayye:|| ||

'Hoti ca na ca hoti Tathāgato param maraṇā' ti||
iti puṭṭhā samānā.|| ||

'Avyākataɱ kho etaɱ mahārāja Bhagavatā:|| ||

"Hoti ca na ca hoti Tathāgato param maraṇā" ti vadesi.|| ||

-◦-

Kim panayye:|| ||

'N'eva hoti na na hoti Tathāgato param maraṇā' ti||
iti puṭṭhā samānā.|| ||

'Etam pi kho mahārāja avyākataɱ Bhagavatā:|| ||

"N'eva hoti na na hoti Tathāgato param maraṇā" ti vadesi.|| ||

Ko nu [376] kho ayye,||
hetu ko paccayo yena taɱ||
avyākataɱ Bhagavatā" ti?|| ||

 

§

 

"Tena hi mahārāja taɱ yeva ettha paṭipucchissāmi.|| ||

Yathā te khameyya,||
tathā naɱ vyākareyyāsi.|| ||

Taɱ kim maññasi mahārāja?|| ||

Atthi te koci gaṇako vā||
muddiko vā||
saŋkhāyako vā||
yo pahoti Gaŋgāya vālikaɱ gaṇetuɱ:|| ||

'Ettakā vālikā iti vā||
ettakāni vālikāsatāni iti vā||
ettakāni vālikāsata-sahassāni iti vā'" ti?|| ||

"No h'etaɱ ayye".|| ||

"Atthi pana te koci gaṇako vā||
muddiko vā||
saŋkhāyako vā||
yo pahoti mahā-samudde udakaɱ miṇituɱ:|| ||

'Ettakāni udakā'hakānīti vā||
ettakāni udak'āḷhaka satānīti vā||
entakāni udak'āḷhaka sahassānīti vā||
ettakāni udak'āḷhaka sata-sahassānīti vā'" ti?|| ||

"No h'etaɱ ayye".|| ||

"Taɱ kissa hetu"?|| ||

Mahayye Samuddo gambhīro||
appameyyo||
appariyo gāho" ti.|| ||

"Evam eva kho mahārāja,||
yena rūpena Tathāgataɱ paññā-payamāno paññāpeyya,||
taɱ rūpaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Rūpa-sankhaya vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Yāya saññāya Tathāgataɱ paññā-payamāno paññāpeyya,||
taɱ rūpaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Saññāya-sankhaya vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Ye hi sankhārehi Tathāgataɱ||
paññā-payamāno paññā-peyya,||
te sankhārā Tathāgatassa pahīnā||
ucchinna-mūlā tālā-vatthu-katā||
anabhāva-katā||
āyatiɱ anuppāda-dhammā.|| ||

Sankhāra-sankhaya-vimutto kho mahārāja Tathāgato||
gambhīro||
appameyyo||
duppariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Yena viññāṇena Tathāgataɱ paññā-payamāno paññāpeyya,||
taɱ viññāṇaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Viññāṇa-sankhaya-vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

 

§

 

Atha kho rājā Pasenadi-Kosalo Khemāya bhikkhuniyā bhāsitaɱ abhinan'ditvā anumo-ditvā uṭṭhāy āsanā Khemaɱ bhikkhuniɱ abhivādetvā padakkhiṇaɱ katvā pakkāmi.|| ||

Atha kho rājā Pasenadi-Kosalo aparena samayena yena Bhagavā ten'upasankami.

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho rājā Pasenadi-Kosalo Bhagavantaɱ etad avoca:|| ||

"Kin nu kho bhante:|| ||

Hoti Tathāgato param maraṇā" ti?|| ||

[378] "Avyākataɱ kho etaɱ mahārāja mayā:|| ||

'Hoti Tathāgato param maraṇā'" ti.|| ||

-◦-

"Kim pana bhante:|| ||

Na hoti Tathāgato param maraṇā" ti?|| ||

"Etam pi kho mahārāja avyākataɱ mayā:|| ||

'Na hoti Tathāgato param maraṇā' ti.|| ||

-◦-

"Kin nu kho bhante:|| ||

Hoti ca na ca hoti Tathāgato parammaraṇo" ti?|| ||

"Avyākataɱ kho etaɱ mahārāja mayā:|| ||

'Hoti ca na ca hoti Tathāgato param maraṇā'" ti.|| ||

-◦-

"Kin nu kho bhante:|| ||

N'eva hoti na na hoti Tathāgato param maraṇā" ti?|| ||

Etam pi kho mahārāja avyākataɱ mayā:|| ||

'N'eva hota na na hoti Tathāgato param maraṇā'" ti.|| ||

"Kin nu kho bhante:|| ||

'Hoti Tathāgato param maraṇā' ti||
iti puṭṭho samāno;|| ||

'Avyākataɱ kho etaɱ mahārāja mayā:|| ||

"Hoti Tathāgato param maraṇā"' ti vadesi.|| ||

-◦-

Kim pana bhante:|| ||

'N'eva hoti na hoti Tathāgato param maraṇā' ti||
iti puṭṭho samāno;|| ||

'Tam pi kho mahārāja avyākataɱ mayā:|| ||

"N'eva hoti na na hoti Tathāgato param maraṇā"' ti vadesi.|| ||

-◦-

Ko nu kho bhante hetu||
ko paccayo||
yena taɱ avyākataɱ Bhagavatā" ti?|| ||

"Tena hi mahārāja taɱ yeva ettha paṭipucchissāmi,||
yathā te khameyya,||
tathā naɱ vyākareyyāsi.|| ||

"Tena hi mahārāja taɱ yeva ettha paṭipucchissāmi.|| ||

Yathā te khameyya,||
tathā naɱ vyākareyyāsi.|| ||

Taɱ kim maññasi mahārāja?|| ||

Atthi te koci gaṇako vā||
muddiko vā||
saŋkhāyako vā||
yo pahoti Gaŋgāya vālikaɱ gaṇetuɱ:|| ||

'Ettakā vālikā iti vā||
ettakāni vālikāsatāni iti vā||
ettakāni vālikāsata-sahassāni iti vā'" ti?|| ||

"No h'etaɱ ayye".|| ||

"Atthi pana te koci gaṇako vā||
muddiko vā||
saŋkhāyako vā||
yo pahoti mahā-samudde udakaɱ miṇituɱ:|| ||

'Ettakāni udakā'hakānīti vā||
ettakāni udak'āḷhaka satānīti vā||
entakāni udak'āḷhaka sahassānīti vā||
ettakāni udak'āḷhaka sata-sahassānīti vā'" ti?|| ||

"No h'etaɱ ayye".|| ||

"Taɱ kissa hetu"?|| ||

Mahayye Samuddo gambhīro||
appameyyo||
appariyo gāho" ti.|| ||

"Evam eva kho mahārāja,||
yena rūpena [379] Tathāgataɱ paññā-payamāno paññāpeyya,||
taɱ rūpaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Rūpa-sankhaya vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Yāya saññāya Tathāgataɱ paññā-payamāno paññāpeyya,||
taɱ rūpaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Saññāya-sankhaya vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Ye hi sankhārehi Tathāgataɱ||
paññā-payamāno paññā-peyya,||
te sankhārā Tathāgatassa pahīnā||
ucchinna-mūlā tālā-vatthu-katā||
anabhāva-katā||
āyatiɱ anuppāda-dhammā.|| ||

Sankhāra-sankhaya-vimutto kho mahārāja Tathāgato||
gambhīro||
appameyyo||
duppariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti.|| ||

Yena viññāṇena Tathāgataɱ paññā-payamāno paññāpeyya,||
taɱ viññāṇaɱ Tathāgatassa pahīnaɱ||
ucchinna-mūlaɱ tāla-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Viññāṇa-sankhaya-vimutto kho mahārāja Tathāgato||
gambhīro||
appameyyo||
appariyogāho,||
seyyathā pi mahā-samuddo.|| ||

'Hoti Tathāgato param maraṇā' ti||
pi na upeti.|| ||

'Na hoti Tathāgato param maraṇā' ti||
pi na upeti.|| ||

'Hoti ca na ca hoti Tathāgato param maraṇā' ti||
pi na upeti.|| ||

'N'eva hoti na na hoti Tathāgato param maraṇā' ti||
pi na upeti" ti.|| ||

 

§

 

"Acchariyaɱ bhante, abbhutaɱ bhante,||
yatra hi nāma Satthu.|| ||

Ceva sāvikāya ca atthena attho vyañjanena vyañjanaɱ saɱsandissati samessati na vihāyissati.|| ||

Yad idaɱ aggapadasmiɱ.|| ||

Ekam idā'haɱ bhante samayaɱ Khemaɱ bhikkhuniɱ upasankamitvā ekam-atthaɱ āpucchiɱ.|| ||

Sā pi me ayyā etehi padehi etehi vyañjanehi etam atthaɱ vyākāsi seyyathā pi Bhagavā.|| ||

Acchariyaɱ bhante abbhutaɱ bhante,||
yatra hi nāma Satthu c'eva sāvikāya ca atthena attho vyagñjanena vyañjanaɱ saɱsandis-sati sames-sati na vihāyis-sati yad idaɱ aggapadasmiɱ.|| ||

Handa ca dāni mayaɱ bhante gacchāma,||
bahu-kiccā mayaɱ bahu-karaṇīyā" ti.|| ||

"Yassa dāni tvaɱ mahārāja kālaɱ maññasī" ti.|| ||

Atha kho rājā Pasenadi kosalo Bhagavato bhāsitaɱ [380] abhinan'ditvā anumo-ditvā uṭṭhāy āsanā Bhagavantaɱ abhivādetvā padakkhiṇaɱ katvā pakkāmīti.|| ||

 


Contact:
E-mail
Copyright Statement