Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta
1. Ambapāli-Vagga

Sutta 3

Bhikkhu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Atha kho aññataro bhikkhu yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"Sādhu me bhante, Bhagavā saŋkhittena dhammaɱ desetu||
yam ahaɱ Bhagavato dhammaɱ sutvā||
eko||
[143] vūpakaṭṭho||
appamatto||
ātāpī||
pahitatto vihareyyan" ti.|| ||

"Evam eva pan'idh'ekacce moghapurisā mañ'c'eva ajjhesanti dhamme ca bhāsite mam eva anubandhitabbaɱ maññanatī ti!"|| ||

"Desetu me bhante!

Bhagavā saŋkhittena dhammaɱ,||
desetu sugato saŋakhittena dhammaɱ.|| ||

App eva nāmahaɱ Bhagavato||
bhāsitassa atthaɱ ājāneyyaɱ,||
app eva nāmahaɱ Bhagavato||
bhāsitassa dāyādo assan" ti.|| ||

"Tasmā ti ha tvaɱ bhikkhu ādim eva visodhehi kusalesu dhammesu.|| ||

Ko ca ādi kusalānaɱ dhammānaɱ?|| ||

Sīlañ ca suvisuddhaɱ,||
diṭṭhi ca ujukā.|| ||

Yato kho te bhikkhu, sīlaɱ suvisuddhaɱ bhavissati,||
diṭṭhi ca ujukā,||
tato tvaɱ bhikkhu,||
sīlaɱ nissāya||
sīle patiṭṭhāya||
cattāro satipaṭṭhāne||
tividhena bhaveyyāsi.|| ||

Katame cattāro?|| ||

Idha tvaɱ bhikkhu ajjhattaɱ kāye kāyānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Babhiddhā kāye kāyānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhatta-bahiddhā kāye kāyānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhattaɱ vedanāsu vedanānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Bahiddhā vedanāsu vedanānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhatta-bahiddhā vedanāsu vedanānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhattaɱ citte cittānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Bahiddhā citte cittānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhatta-bahiddhā citte cittānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhattaɱ dhammesu dhammānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Bahiddhā dhammesu dhammānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Ajjhatta-bahiddhā dhammesu dhammānupassī viharāhi||
ātāpī||
sampajāno||
satimā||
vineyya loke abhijjhā-domanassaɱ.|| ||

Yato kho tvaɱ bhikkhu sīlaɱ nissāya||
sīle patiṭṭhāya||
ime cattāro satipaṭṭhāne||
evaɱ tividhena bhāvessasi,||
tato tuyhaɱ bhikkhu,||
yā ratti vā divaso vā||
āgamissati||
vuddhiyeva||
pāṭikaŋkhā kusalesu dhammesu||
no parihānī" ti.|| ||

Atha kho so bhikkhu Bhagavato bhāsitaɱ abhinanditvā [144] anumoditvā uṭṭhāy āsanā Bhagavantaɱ abhivādetvā padakkhiṇaɱ katvā pakkāmi.|| ||

Atha kho so bhikkhu eko vūpakaṭṭho appamatto ātāpī pahitatto viharanto na cirass'eva yass'atthāya kulaputtā samma-d-eva agārasmā anagāriyaɱ pabbajanti,||
tad anuttaraɱ brahmacariya-pariyosānaɱ sayaɱ abhiññā sacchi-katvā upasampajja vihāsi.|| ||

"Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā" ti abhiññāsi.|| ||

Aññataro ca pana so bhikkhu arahataɱ ahosī.|| ||

 


Contact:
E-mail
Copyright Statement   Webmaster's Page