Tatiya Vtthāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañcimāni bhikkhave, indriyāni.|| ||

Katamāni pañca?|| ||

Saddhindriyaɱ,||
viriyindriyaɱ,||
satindriyaɱ,||
samādhindriyaɱ,||
paññindriyaɱ.|| ||

Imāni kho bhikkhave, pañcindriyāni.|| ||

Imesaɱ kho bhikkhave, pañcannaɱ indriyānaɱ samattā paripūrattā arahaɱ hoti.|| ||

Tato mudutarehi antarā parinibbāyī hoti.|| ||

Tato mudutarehi upahacca parinibbāyī hoti.|| ||

Tato mudutarehi asankhāra parinibbāyī hoti.|| ||

Tato mudutarehi sasankhāra parinibbāyī hoti.|| ||

Tato mudutarehi uddhaɱsoto hoti akaniṭṭhagāmī.|| ||

Tato mudutarehi sakadāgāmī hoti.|| ||

Tato mudutarehi sotāpanno hoti.|| ||

Tato mudutarehi dhammānusārī hoti.|| ||

Tato mudutarehi saddhānusārī hotī.|| ||

Iti kho bhikkhave, paripūraɱ||
paripūrakārī ārādheti.|| ||

Padesaŋ||
padesakārī ārādheti.|| ||

Avañjhānitvevāhaɱ bhikkhave, pañcindriyāni vadāmī" ti.|| ||