Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
VI. Sūkarakhata-vagga

Sutta 51

Sālā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Kosalesu viharati Sālāyaɱ brāhmaṇagāme.|| ||

Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ Bhagavā etad avoca.|| ||

Seyyathā pi bhikkhave, ye keci tiracchānagatā pāṇā,||
sīho tesaŋ migarājā aggamakkhāyati:||
yad idaɱ thāmena javena sūriyena||
evam eva kho, bhikkhave, ye keci bodhipakkhiyā dhammā,||
paññ'indriyaɱ tesaŋ aggamakkhāyati:||
yad idaɱ bodhāya.|| ||

Katame ca bhikkhave, bodhipakkhiyā dhammā?|| ||

Saddh'indriyaɱ bhikkhave, bodhipakkhiyo dhammo,||
taɱ bodhāya saŋvattati.|| ||

Viriy'indriyaɱ bodhipakkhiyo dhammo,||
taɱ bodhāya saŋvattati.|| ||

Sat'indriyaɱ bodhipakkhiyo dhammo,||
taɱ bodhāya saŋvattati.|| ||

Samādh'indriyaɱ bodhipakkhiyo dhammo,||
taɱ bodhāya saŋvattati.|| ||

Paññ'indriyaɱ bodhipakkhiyo dhammo,||
taɱ bodhāya saŋvattati.|| ||

Seyyathā pi bhikkhave, ye keci tiracchānagatā pāṇā,||
sīho tesaŋ migarājā aggamakkhāyati:||
yad idaɱ thāmena javena sūriyena||
evam eva kho, bhikkhave, ye keci bodhipakkhiyā dhammā,||
paññindriyaɱ tesaŋ aggamakkhāyati:||
yad idaɱ bodhāyā" ti.

 


Contact:
E-mail
Copyright Statement   Webmaster's Page