Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
IV. Siŋsapā Vagga

Sutta 31

Siɱsapā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me sutaɱ:|| ||

Ekaɱ samayaɱ Bhagavā Kosambiyaɱ viharati siɱsapāvake.|| ||

Atha kho Bhagavā parittāni siɱsapāpaṇṇāni pāṇinā gahetvā bhikkhū āmantesi:|| ||

"Taɱ kiɱ maññatha bhikkhave?|| ||

Katamaɱ nu kho bahutaraɱ yāni vā mayā parittāni siɱsapāpaṇṇāni pāṇinā gahitāni||
yad idam upari siɱsapāvane" ti?|| ||

[438] Appamattakāni bhante,||
Bhagavatā parittāni siɱsapāpaṇṇāni pāṇinā gahitāni.|| ||

Atha kho etān'eva bahutarāni yad idaɱ upari siɱsapāvane" ti.|| ||

"Evam eva kho, bhikkhave,||
etad eva bahutaraɱ yaɱ vo mayā abhiññā anakkhātaɱ.|| ||

Appamattakaɱ akkhātaɱ.|| ||

Kasmā c'etaɱ bhikkhave,||
mayā anakkhātaɱ?|| ||

Na h'etaɱ bhikkhave, atthasaɱhitaɱ||
n'ādibrahmacariyakaɱ||
na nibbidāya||
na virāgāya||
na nirodhāya||
na upasamāya||
na abhiññāya||
na sambodhāya||
na nibbānāya saɱvattati.|| ||

Tasmā taɱ mayā anakkhātaɱ.|| ||

Kiñ ca bhikkhave,||
mayā akkhātaɱ?|| ||

'Idaɱ dukkhan' ti bhikkhave,||
mayā akkhātaɱ,||
'ayaɱ dukkha-samudayo' ti,||
mayā akkhātaɱ,||
'ayaɱ dukkha-nirodho' ti,||
mayā akkhataɱ,||
'ayaɱ dukkha-nirodha-gāminī paṭipadā' ti,||
mayā akkhātaɱ.|| ||

Kasmā c'etaɱ bhikkhave mayā akkhātaɱ?|| ||

Etaɱ hi bhikkhave, atthasaɱhitaɱ,||
etaɱ ādibrahmacariyakaɱ,||
etaɱ nibbidāya||
virāgāya||
nirodhāya||
upasamāya||
abhiññāya||
sambodhāya||
nibbānāya saɱvattati,||
tasmā taɱ mayā akkhātaɱ.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkha-samudayo' ti yogo karaṇīyo,||
'ayaɱ dukkha-nirodho' ti yogo karaṇīyo,||
'ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page