Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
III. Puggala Vagga

Sutta 21

Kaaya-Sakkhii Sutta.m aka Savi.t.tha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][olds][bodh][upal] Eva.m me suta.m|| ||

Eka.m samaya.m Bhagavaa Saavatthiya.m viharati,||
Jetavane Anaathapi.n.dikassa aaraame.|| ||

Atha kho aayasmaa ca Savi.t.tho aayasmaa ca Mahaa Ko.t.thito yen'aayasmaa Saariputto ten'upasa'nkami.msu.|| ||

Upasa'nkamitvaa aayasmataa Saariputtena saddhi.m sammodi.msu.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.msu.|| ||

Eka-m-anta.m nisinna.m kho aayasmanta.m Savi.t.tha.m ayasmaa Saariputto etad avoca:|| ||

Tayo'me aavuso Savi.t.tha,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhii,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

Imesa.m aavuso ti.n.na.m puggalaana.m katamo te puggalo khamati abhikkantataro ca pa.niitataro caa ti?|| ||

Tayo'me aavuso Saariputta,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhi,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

Imesa.m aavuso ti.n.na.m puggalaana.m yvaaya.m puggalo saddhaa-vimutto,||
aya.m me puggalo khamati,||
imesa.m tin.na.m puggalaana.m abhikkantataro ca,||
pa.niitataro ca.|| ||

Ta.m kissa hetu?|| ||

Imass aavuso puggalassa saddhinduraya.m adhimattan ti.|| ||

Atha kho aayasmaa Saariputto aayasmanta.m Mahaa Ko.t.thita.m etad avoca:|| ||

Tayo me aavuso Ko.t.thita,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhi,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

[119] Imesa.m aavuso ti.n.na.m puggalaana.m katamo te puggalo khamati,||
abhikkantataro ca pa.niitataro caa ti?|| ||

Tayo'me aavuso Saariputta,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhi,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

Imesa.m aavuso ti.n.na.m puggalaana.m yvaaya.m puggalo kaaya-sakkhi,||
aya.m me puggalo khamati,||
imesa.m ti.n.na.m puggalaana.m abhikkantataro ca pa.niitataro ca.|| ||

Ta.m kissa hetu?|| ||

Imass aavuso puggalassa samaadhindriya.m adhimattan ti.|| ||

Atha kho aayasmaa Mahaa Ko.t.thito aayasmanta.m Saariputta.m etad avoca:|| ||

Tayo'me aavuso Saariputta,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhi,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

Imesa.m aavuso ti.n.na.m puggalaana.m katamo te puggalo khamati,||
abhikkantataro ca pa.niitataro caa ti?|| ||

Tayo'me aavuso Ko.t.thita,||
puggalaa santo sa.mvijjamaanaa lokasmi.m.|| ||

Katame tayo?|| ||

Kaaya-sakkhi,||
di.t.thappatto,||
saddhaa-vimutto.|| ||

Ime kho aavuso tayo puggalaa santo sa.mvijjamaanaa lokasmi.m.|| ||

Imesa.m aavuso ti.n.na.m puggalaana.m yvaaya.m puggalo di.t.thappatto,||
aya.m me puggalo khamati,||
imesa.m ti.n.na.m puggalaana.m abhikkantataro ca pa.niitataro ca.|| ||

Ta.m kissa hetu?|| ||

Imass aavuso puggalassa pa~nndriya.m adhimattan ti.|| ||

Atha kho aayasmaa Saariputto aayasmanta~n ca Savi.t.tha.m aayasmanta~n ca Mahaa Ko.t.thita.m etad avoca:|| ||

Vyaakata.m kho aavuso amhehi sabbeh'eva yathaa saka.m pa.tibhaana.m.|| ||

Aayaam aavuso yena Bhagavaa ten'upasa'nkamissaama.|| ||

Upasa'nkamitvaa Bhagavato etam attha.m aarocessaama.|| ||

Yathaa no Bhagavaa vyaakarissati,||
tathaa na.m dhaaressaamaa ti.|| ||

Evam aavuso ti kho aayasmaa ca Savi.t.tho ayaasmaa ca Mahaa Ko.t.thito aayasmato Saariputtassa paccassosu.m.|| ||

Atha kho aayasmaa ca Saariputto aayasmaa ca Savi.t.tho aayasmaa ca Mahaa Ko.t.thito yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Ekaman- [120] ta.m nisinno kho aayasmaa Saariputto yaavatako ahosi aayasmataa ca Savi.t.thena aayasmataa ca Mahaa Ko.t.thitena saddhi.m kathaasallaapo,||
ta.m sabba.m Bhagavato aarocesi.|| ||

Na khv'ettha Saariputta sukara.m eka.msena vyaakaatu.m,||
aya.m imesa.m tin.na.m puggalaana.m abhikkantataro ca pa.nitataro caa ti.|| ||

.Thaana.m h'eta.m Saariputta vijjati yvaaya.m puggalo saddhaa-vimutto svaaya.m arahattaaya pa.tipanno.|| ||

Yvaaya.m puggalo kaaya-sakkhi svaaya.m sakadaagaamii vaa anaagaamii vaa.|| ||

Yo caaya.m puggalo di.t.thappatto so p'assa sakadaagaamii vaa anaagaamii vaa.|| ||

Na khv'ettha Saariputta sukara.m eka.msena vyaakaatu.m aya.m imesa.m ti.n.na.m puggalaana.m abhikkantataro ca pa.nitataro caa ti.|| ||

.Thaana.m h'eta.m Saariputta vijjati yvaaya.m puggalo kaaya-sakkhi svaaya.m arahattaaya pa.tipanno.|| ||

Yvaaya.m puggalo saddhaa-vimutto svaaya.m sakadaagaamii vaa anaagaamii vaa.|| ||

Yo caaya.m puggalo di.t.thappatto so'passa sakadaagaami vaa anaagaamii vaa.|| ||

Na khv'ettha Saariputta sukara.m eka.msena vyaakaatu.m aya.m imesa.m tin.na.m puggalaana.m abhikkantataro ca pa.niitataro caa ti.|| ||

.Thaana.m h'eta.m Saariputta vijjati yvaaya.m puggalo di.t.thappatto svaaya.m arahattaaya pa.tipanno.|| ||

Yvaaya.m puggalo saddhaa-vimutto svaaya.m sakadaagaamii vaa anaagaamii vaa.|| ||

Yo caaya.m puggalo kaaya-sakkhi so p'assa sakadaagaamii vaa anaagaamii vaa.|| ||

Na khv'ettha Saariputta sukara.m eka.msena vyaakaatu.m aya.m imesa.m tin.na.m puggalaana.m abhikkantataro ca pa.niitataro caa ti.|| ||

 


Contact:
E-mail
Copyright Statement