Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
VIII. Aananda Vagga

Sutta 74

Niga.n.tha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[220]

[1][pts]Eva.m me suta.m:|| ||

Eka.m samaya.m aayasmaa Aananda Vesaaliya.m viharati Mahaavane Kuutaagaarasaalaaya.m|| ||

Atha kho Abhayo ca Licchavi Pa.n.ditakumaarako ca Licchavi yen'aayasmaa Aananda ten'upasa'nkami.msu.|| ||

Upasa'nkamitvaa aayasmanta.m Aananda.m abhivaadetvaa eka-m-anta.m nisiidi.msu.|| ||

Eka-m-anta.m nisinno kho Abhayo Licchavi aayasmanta.m Aananda.m etad avoca:|| ||

"Niga.n.tho bhante Naathaputto sabba~n~nuu sabbadassaavi aparisesaa.m ~naa.nadassana.m pa.tijaanaati:|| ||

'Carato ca me ti.t.thato ca suttassa ca jaagarassa ca satata.m samita.m ~naa.nadassana.m paccupa.t.thitan' ti.|| ||

So puraa.naana.m kammaana.m tapasaa vyantiibhaava.m pa~n~naapeti,||
navaana.m kammaana.m akara.naa setu- [221] ghaata.m.|| ||

Iti kammakkhayaa dukkhakkhayo,||
dukkhakkhayaa vedanaakkhayo,||
vedanaakkhayaa sabba.m dukkha.m nijji.n.na.m bhavissati.|| ||

Evam etissaa sandi.t.thikaaya nijjaraa visuddhiyaa samatikkamo hoti.|| ||

Idha bhante Bhagava kim aahaa" ti?|| ||

2. "Tisso kho imaa Abhaya,||
nijjaraa visuddhiyo tena Bhagavataa jaanataa passataa arahataa sammaasambuddhena sammadakkhaataa sattaana.m visuddhiyaa sokapariddavaana.m samatikkamaaya dukkhadomanassaana.m attha'ngamaaya ~naayassa adhigamaaya nibbaa.nassa sacchikiriyaaya.|| ||

Katamaa tisso?|| ||

Idha Abhaya, bhikkhuu siilavaa hoti||
paatimokkha-sa.mvarasa.mvuto viharati||
aacaara-gocara-sampanno a.numattesu vajjesu bhaya-dassaavii||
samaadaaya sikkhati sikkhaapadesu.|| ||

So nava~n ca kamma.m na karoti.|| ||

Puraa.na~n ca kamma.m phussa phussa vyantiikaroti.|| ||

Sandi.t.thikaa nijjaraa akaalikaa ehipassikaa opanayikaa paccatta.m veditabbaa vi~n~n~nuuhii ti.|| ||

Sa kho so Abhaya, bhikkhuu eva.m siilasampanno vivicc'eva kaamehi vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Piitiyaa ca viraagaa upekkhako ca viharati sato ca sampajaano sukha.m ca kaayena pa.tisa'nvedeti,||
ya.m ta.m ariyaa aacikkhanti.|| ||

'Upekkhako satimaa sukhavihaari' ti|| ||

ta.m tatiya.m-jhaana.m upasampajja viharati.|| ||

Sukhassa ca pahaa.naa dukkhassa ca pahaa.naa pubb'eva somanassa-domanassaana.m attha'ngamaa adukka.m asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

So nava~n ca kamma.m na karoti.|| ||

Puraa.na~n ca kamma.m phussa phussa vyantii karoti.|| ||

Sandi.t.thikaa nijjaraa akaalikaa ehapassikaa opanayikaa paccatta.m veditabbaa vi~n~nuuhii ti.|| ||

So kho so Abhaya bhikkhuu eva.m siilasampanno eva.m samaadhisampanno aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati|| ||

So nava~n ca kamma.m na karoti.|| ||

Puraa.na~n ca kamma.m phussa phussa vyaantii karoti|| ||

Sandi.t.thikaa nijjaraa akaalikaa ehipassikaa opanayikaa paccatta.m veditabbaa vu~n~nuuhiiti.|| ||

Ime kho Abhaya, tisso nijjaraa vusuddhiyo tena Bhagavataa jaanataa passataa arahataa sammaasambuddhena sammadakkhaataa sattaana.m vusuddhiyaa sokapariddavaana.m samatikkamaaya dukkhadomanassaana.m attha'ngamaaya ~naayassa adhigamaaya nibbaa.nassa sacchikiriyaayaa" ti.|| ||

3. Eva.m vutte Pa.n.ditakumaarako Licchavi Abhaya.m Licchavi.m etad avoca:|| ||

"Ki.m pana tva.m samma Abhaya,||
aayasmato Aanandassa subhaasita.m subhaasitato naabbhanumodasii" ti?|| ||

"Kyaaha.m samma aayasmato Aanandassa subhaasita.m subhaasi- [222] tato naabbhanumodissaami.|| ||

Muddhaa pi tassa vipateyya,||
yo aayasmato Aanandassa subhaasita.m subhaasitato naabbhanumodeyyaa" ti.|| ||

 


Contact:
E-mail
Copyright Statement