Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
VIII. Aananda Vagga

Sutta 78

Siilabbata Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[225]

[1][pts][than][olds] Eva.m me suta.m.|| ||

Eka.m samaya.m aayasmaa Aananda Vesaaliya.m viharati||
Mahaavane Kuumaagaarasaalaaya.m|| ||

Atha kho aayasmaa Aananda yena Bhagavaa ten'upasa'nkami|| ||

Upasa'nkamitvaa Bhagavanta.m abhivaadetvaa||
eka-m-anta.m nisiidi|| ||

Eka-m-anta.m nisinna.m kho||
aayasmanta.m Aananda.m Bhagavaa etad avoca:|| ||

Sabba.m nu kho Aananda siilabbata.m||
jiivita.m||
brahmacariya.m||
upa.t.thaanasaara.m||
saphalan ti?|| ||

Na kho'ttha bhante eka.msenaa ti.|| ||

Tena h'Aananda vibhajassuu ti.|| ||

Ya.m hi'ssa bhante siilabbata.m||
jiivita.m||
brahmacariya.m||
upa.t.thaanasaara.m sevato||
akusalaa dhammaa abhiva.d.dhanti,||
kusalaa dhammaa parihaayanti,||
evaruupa.m siilabbata.m||
jiivita.m||
brahmacariya.m||
upa.t.thaanasaara.m||
aphala.m.|| ||

Ya~n ca khvaassa bhante siilabbata.m||
jiivita.m||
brahmacariya.m||
upa.t.thaanasaara.m sevato||
akusalaa dhammaa parihaayanti,||
kusalaa dhammaa abiva.d.dhanti,||
evaruupa.m siilabbata.m||
jiivita.m||
brahmacariya.m||
upa.t.thaanasaara.m||
saphalan ti.|| ||

Idam avoca aayasmaa Aananda||
samanu~n~no satthaa ahosi.|| ||

Atha kho aayasmaa Aananda||
"samanu~n~no me satthaa" ti||
u.t.thaay aasanaa||
Bhagavanta.m abhivaadetvaa padakkhi.na.m katvaa pakkaami.|| ||

Atha kho Bhagavaa acirapakkante aayasmante Aanande||
bhikkhuu aamantesi:|| ||

Sekho bhikkhave Aananda,||
na ca pan'assa sulabharuupo samasamo pa~n~naayaa ti.|| ||

 


Contact:
E-mail
Copyright Statement