Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
III. Mahaa Vagga

Sutta 22

Adhivuttipada Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[36]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho aayasmaa Aanando yena Bhagavaa ten'upasa.mkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Aananda.m Bhagavaa etad avoca:|| ||

Ye te Aananda, dhammaa tesa.m tesa.m adhivuttipadaana.m abhi~n~naa sacchikiriyaaya sa.mvattanti,||
visaarado aha.m Aananda tatra pa.tijaanaami tesa.m tesa.m tathaa tathaa dhamma.m desetu.m,||
yathaa yathaa pa.tipanno santa.m vaa 'atthii' ti ~nassati,||
asanta.m vaa 'n'atthii' ti ~nassati,||
hiina.m vaa 'hiinan' ti ~nassati,||
pa.niita.m vaa 'pa.niitan' ti ~nassati,||
sa-uttara.m vaa 'sa-uttaran' ti ~nassati,||
anuttara.m vaa 'anuttara.m' ti ~nassati,||
yathaa yathaa vaa pana ta.m ~naateyya.m vaa [37] da.t.theyya.m vaa sacchikaatayya.m vaa,||
tathaa tathaa ~nassati vaa dakkhati vaa sacchikarissati vaa ti:||
.thaanam eta.m vijjati.|| ||

Etad anuttariya.m Aananda ~naa.naana.m,||
yad ida.m tattha tattha yathaabhuuta~naa.na.m.|| ||

Etasmaa vaaha.m Aananda ~naa.naa a~n~na.m ~naa.na.m uttariitara.m vaa pa.niitatara.m vaa n'atthii ti vadaami.|| ||

Dasa imaani bhikkhave Tathaagatassa Tathaagata-balaani yehi balehi samannaagato Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahamacakka.m pavatteti.|| ||

Katamaani dasa?|| ||

3. Idha, Aananda, Tathaagato .thaana~n ca .thaanato a.t.thaana~n ca a.t.thaanato yathaabhuuta.m pajanaati.|| ||

Yam pi Aananda, Tathaagato .thaana~n ca .thaanato a.t.thaana~n ca a.t.thaanato yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

4. Puna ca para.m Aananda, Tathaagato atiitaanaagatapaccuppannaana.m kammasamaadaanaana.m .thaanaso hetuso vipaaka.m yathaabhuuta.m pajaanaati.|| ||

Yam pi Aananda, Tathaagato atiitaanaagatapaccuppannaana.m kammasamaadaanaana.m .thaanaso hetuso vipaaka.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

5. Puna ca para.m Aananda, Tathaagato sabbatthagaaminiipa.tipada.m yathaabhuuta.m pajaanaati.|| ||

Yam pi Aananda, Tathaagato sabbatthagaaminiipa.tipada.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

6. Puna ca para.m Aananda, Tathaagato anekadhaatu- [34] naanaadhaatu-loka.m yathaabhuuta.m pajaanaati.|| ||

Yam pi Aananda, Tathaagato anekadhaatu naanaadhaatu loka.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

7. Puna ca para.m Aananda, Tathaagato sattaana.m naanaadhimuttikata.m yathaabhuuta.m pajaanaati.|| ||

Yam pi Aananda, Tathaagato sattaana.m naanaadhimuttikata.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

8. Puna ca para.m Aananda, Tathaagato parasattaata.m parapuggalaana.m indriyaparopariyatta.m yathaabhuuta.m pajaanaati.|| ||

Yam pi Aananda, Tathaagato parasattaana.m parapuggalaana.m indriyaparopariyatta.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

9. Puna ca para.m Aananda, Tathaagato jhaana-vimokkha-samaadhi-sampattiina.m sa.mkilesa.m vodaana.m vu.t.thaana.m yathaabhuuta.m pajaanaati.|| ||

Yam pi Aananda, Tathaagato jhaana-vimokkha-samaadhi-samaapattiina.m sa.mkilesa.m vodaana.m vu.t.thaana.m yathaabhuuta.m pajaanaati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

10. Puna ca para.m Aananda, Tathaagato anekavihita.m pubbenivaasa.m anussarati,||
seyyath'ida.m:|| ||

Ekam pi jaati.m,||
dve pi jaatiyo,||
tisso pi jaatiyo,||
catasso pi jaatiyo,||
pa~nca pi jaatiyo,||
dasa pi jaatiyo,||
viisam pi jaatiyo,||
ti.msam pi jiitiyo cattaarisam [35] pi jiitiyo,||
pa~n~naasam pi jaatiyo,||
jaatisatam pi jaatisahassam pi jaatisatasahassam pi aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe,||
amutraasi.m eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto amutra upapaadi.m,||
tatraapaasim eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto idh'upapanno' ti.|| ||

Iti saakaaram sa-uddesa.m anekavihita.m pubbenivaasa.m anussarati.|| ||

Yam pi Aananda, anekavihita.m pubbenivaasa.m anussarati,||
seyyath'ida.m:|| ||

Ekam pi jaati.m,||
dve pi jaatiyo,||
tisso pi jaatiyo,||
catasso pi jaatiyo,||
pa~nca pi jaatiyo,||
dasa pi jaatiyo,||
viisam pi jaatiyo,||
ti.msam pi jiitiyo cattaarisam pi jiitiyo,||
pa~n~naasam pi jaatiyo,||
jaatisatam pi jaatisahassam pi jaatisatasahassam pi aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe,||
amutraasi.m eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto amutra upapaadi.m,||
tatraapaasim eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto idh'upapanno' ti.|| ||

Iti saakaaram sa-uddesa.m anekavihita.m pubbenivaasa.m anussarati,||
idam pi Aananda, Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

11. Puna ca para.m Aananda, Tathaagato dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati:|| ||

"Ime vata bhonto sattaa kaayaduccaritena samannaagataa,||
vacii duccaritena samannaagataa,||
mano duccaritena samannaagataa||
aariyaana.m upavaadakaa,||
micchaadi.t.thikaa micchaadi.t.thikamma samaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa||
vacii sucaritena samannaagataa||
mano sucaritena samannaagataa||
Ariyaana.m anupavaadakaa||
sammaadi.t.thikaa sammaadi.t.thikammasamaadaanaa||
te kaayassa bhedaa param mara.naa sugati.m sagga.m loka.m upapannaati.|| ||

Iti dibbena cakkhunaa visuddhena atikkanta maanusakena satte passati cavamaane uppajjamaane hiine pa.nite suva.n.ne dubba.n.ne sugate duggate yathaakammuupage satte pajaanaati.|| ||

Yam pi Aananda, Tathaagato dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati:|| ||

"Ime vata bhonto sattaa kaayaduccaritena samannaagataa,||
vacii duccaritena samannaagataa,||
mano duccaritena samannaagataa||
aariyaana.m upavaadakaa,||
micchaadi.t.thikaa micchaadi.t.thikamma samaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa||
vacii sucaritena samannaagataa||
mano sucaritena samannaagataa||
Ariyaana.m anupavaadakaa||
sammaadi.t.thikaa sammaadi.t.thikammasamaadaanaa||
te kaayassa bhedaa param mara.naa sugati.m sagga.m loka.m upapannaati.|| ||

Iti dibbena cakkhunaa visuddhena atikkanta maanusakena satte passati cavamaane uppajjamaane hiine pa.nite suva.n.ne dubba.n.ne sugate duggate yathaakammuupage satte pajaanaati,||
idam pi Aananda, Tathaagatassa Tathaagatabala.m hoti||
ya.m bala.m aagamma Tathaagato aasaha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

12. Puna ca para.m Aananda, Tathaagato aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Yam pi Aananda, Tathaagato aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharati,||
idam pi Aananda, Tathaagatassa Tathaagatabala.m hoti||
ya.m bala.m aagamma Tathaagato aasaha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

Imaani kho Aananda, dasa Tathaagatassa Tathaagata-balaani, yehi balehi samannaagato Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavattetii ti.|| ||

 


Contact:
E-mail
Copyright Statement