Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
III. Mahaa Vagga

Sutta 23

Kaaya Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[39]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Atthi bhikkhave dhammaa kaayena pahaatabbaa||
no vaacaaya.|| ||

Atthi bhikkhave dhammaa vaacaaya pahaatabbaa||
no kaayena.|| ||

Atthi bhikkhave dhammaa n'eva kaayena pahaatabbaa||
no vaacaaya,||
pa~n~naaya disvaa disvaa pahaatabbaa.|| ||

3. Katame ca bhikkhave dhammaa kaayena pahaatabbaa||
no vaacaaya?|| ||

Idha, bhikkhave, bhikkhu akusala.m aapanno hoti ka~nci-d-eva desa.m kaayena.|| ||

Tam ena.m anuvicca vi~n~nuu sabrahmacaarii evam aaha.msu:|| ||

"Aayasmaa kho akusala.m aapanno ka~nci-d-eva desa.m kaayena,||
saadhu vataayasmaa kaaya-duccarita.m pahaaya kaaya-sucarita.m bhaavetu" ti.|| ||

So anuvicca vi~n~nuuhi sabrahmacaariihi vuccamaano kaaya-duccarita.m pahaaya kaaya-sucarita.m bhaaveti.|| ||

Ime vuccanti bhikkhave dhammaa kaayena pahaatabbaa no vaacaaya.|| ||

4. Katame ca bhikkhave dhammaa vaacaaya pahaatabbaa||
no kaayena?|| ||

Idha, bhikkhave, bhikkhu akusala.m aapanno hoti ka~nci-d-eva desa.m vaacaaya.|| ||

Tam ena.m anuvivacca vi~n~nuu sabrahmacaarii evam aaha.msu:|| ||

"Aayasmaa kho akusala.m aapanno ka~nci-d-eva desa.m vaacaaya,||
saadhu vataayasmaa vacii-duccarita.m pahaaya vacii-sucarita.m bhaavetu" ti.|| ||

So anuvicca vi~n~nuuhi sabrahmacaariihi vuccamaano vacii-duccarita.m pahaaya vacii-sucarita.m bhaaveti.|| ||

Ime vuccanti bhikkhave dhammaa vaacaaya pahaatabbaa,||
no kaayena.|| ||

5. Katame ca bhikkhave dhammaa n'eva kaayena pahaatabbaa||
no vaacaaya,||
pa~n~naaya disvaa disvaa pahaatabbaa?|| ||

Lobho bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Doso bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Moho bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Kodho bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Upanaaho bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Makkho bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Pa.laaso [40] bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Paapikaa bhikkhave issaa n'eva kaayena pahaatabbaa no pahaatabbo.|| ||

Macchariya.m bhikkhave n'eva kaayena pahaatabbo,||
no vaacaaya,||
pa~n~naaya disvaa disvaa pahaatabbo.|| ||

Paapikaa bhikkhave issaa n'eva kaayena pahaatabbaa,||
no vaacaaya,||
pa~n~naaya disvaa disvaa pahaatabbo.|| ||

6. Katamaa ca bhikkhave paapikaa issaa?|| ||

Idha, bhikkhave, ijjhati gahapatissa vaa gahapatiputtassa vaa dhanena vaa dha~n~nena vaa rajatena vaa jaataruupena vaa.|| ||

Tatr'a~n~natatarassa daasassa vaa upavaasassa vaa eva.m hoti.|| ||

"Aho vat'imassa gahapatissa vaa gahapatiputtassa vaa na ijjheyya dhanena vaa dha~n~nena vaa rajatena vaa jaataruupena vaa" ti.|| ||

Sama.no vaa pana braahma.no vaa laabhii hoti ciivara-pi.n.dapaata-senaasanagilaana-paccaya-bhesajja-parikkhaaraana.m.|| ||

Tatr'a~n~natarassa sama.nassa vaa braahma.nassa vaa eva.m hoti:|| ||

"Aho vata ayam aayasmaa na laabhii assa ciivara-pi.n.dapaata-senaasanagilaana-paccaya-bhesajja-parikkhaaraanan" ti.|| ||

Aya.m vuccati bhikkhave paapikaa issaa.|| ||

Paapikaa bhikkhave issaa n'eva kaayena pahaatabbaa||
no vaacaaya,||
pa~n~naaya disvaa disvaa pahaatabbaa.|| ||

7. Paapikaa bhikkhave icchaa n'eva kaayena pahaatabbaa||
no vaacaaya,||
pa~n~naaya disvaa disvaa pahaatabbaa.|| ||

8. Katamaa ca bhikkhave paapikaa icchaa?|| ||

Idha, bhikkhave, ekacco assaddho samaano||
'"saddho" ti ma.m jaaneyyun' ti icchati,||
dussiilo samaano||
'"siilavaa" ti ma.m jaaneyyun' ti icchati,||
appassuto samaano||
'"bahussuto" ti ma.m jaaneyyun' ti icchati,||
sa'nga.nikaaraamo samaano||
'"pavivitto" ti ma.m jaaneyyun' ti icchati,||
kusiito samaano||
'"aaraddhaviriyo" ti ma.m jaaneyyun' ti icchati,||
mu.t.thassati samaano||
'"upa.t.thitasatii" ti ma.m jaaneyyun' ti icchati||
asamaahito samaano||
'"samaahito" ti ma.m jaaneyyun' ti icchati,||
duppa~n~no samaano||
'"pa~n~navaa" ti ma.m jaaneyyun' ti icchati,||
akhii.naasavo samaano||
'"khii.naasavo" ti ma.m jaaneyyun' ti icchati.|| ||

[41] Aya.m vuccati bhikkhave paapikaa icchaa.|| ||

Paapikaa bhikkhave icchaa n'eva kaayena pahaatabbaa||
no vaacaaya,||
pa~n~naaya disvaa disvaa pahaatabbaa.|| ||

9. Ta.m ce bhikkhave bhikkhu, lobho abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato lobho na hoti,||
tathaa h'ima.m aayasmanta.m lobho abhibhuyya iriiyati.|| ||

Ta.m ce bhikkhave bhikkhu, doso abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato doso na hoti,||
tathaa h'ima.m aayasmanta.m doso abhibhuyya iriiyati.|| ||

Ta.m ce bhikkhave bhikkhu, moho abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato moho na hoti,||
tathaa h'ima.m aayasmanta.m moho abhibhuyya iriiyati.|| ||

Ta.m ce bhikkhave bhikkhu, kodho abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato kodho na hoti,||
tathaa h'ima.m aayasmanta.m kodho abhibhuyya iriiyati.|| ||

Ta.m ce bhikkhave bhikkhu, upanaaho abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato upanaaho na hoti,||
tathaa h'ima.m aayasmanta.m upanaaho abhibhuyya iriiyati.|| ||

Ta.m ce bhikkhave bhikkhu, makkho abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato makkho na hoti,||
tathaa h'ima.m aayasmanta.m makkho abhibhuyya iriiyati.|| ||

Ta.m ce bhikkhave bhikkhu, pa.laaso abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato pa.laaso na hoti,||
tathaa h'ima.m aayasmanta.m pa.laaso abhibhuyya iriiyati.|| ||

Ta.m ce bhikkhave bhikkhu, macchariya.m paapikaa issaa abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato macchariya.m na hoti,||
tathaa h'ima.m aayasmanta.m macchariya.m abhibhuyya iriiyati.|| ||

Ta.m ce bhikkhave bhikkhu, paapikaa issaa abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato paapikaa issaa na hoti,||
tathaa h'ima.m aayasmanta.m paapikaa issaa abhibhuyya iriiyati.|| ||

Ta.m ce bhikkhave bhikkhu, paapikaa icchaa abhibhuyya iriiyati,||
so evam assa veditabbo:|| ||

Na ayam aayasmaa tathaa pajaanaati,||
yathaa pajaanato paapikaa icchaa na hoti,||
tathaa h'ima.m aayasmanta.m paapikaa icchaa abhibhuyya iriiyati.|| ||

10. Ta~n ce bhikkhave bhikkhu.m lobho naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato lobho na hoti,||
tathaa h'ima.m aayasmanta.m lobho naabhibhuyya iriiyati.|| ||

Ta~n ce bhikkhave bhikkhu.m doso naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato doso na hoti,||
tathaa h'ima.m aayasmanta.m doso naabhibhuyya iriiyati.|| ||

Ta~n ce bhikkhave bhikkhu.m moho naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato moho na hoti,||
tathaa h'ima.m aayasmanta.m moho naabhibhuyya iriiyati.|| ||

Ta~n ce bhikkhave bhikkhu.m kodho naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato kodho na hoti,||
tathaa h'ima.m aayasmanta.m kodho naabhibhuyya iriiyati.|| ||

Ta~n ce bhikkhave bhikkhu.m upanaaho naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato upanaaho na hoti,||
tathaa h'ima.m aayasmanta.m upanaaho naabhibhuyya iriiyati.|| ||

Ta~n ce bhikkhave bhikkhu.m makkho naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato makkho na hoti,||
tathaa h'ima.m aayasmanta.m makkho naabhibhuyya iriiyati.|| ||

Ta~n ce bhikkhave bhikkhu.m pa.laaso naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato pa.laaso na hoti,||
tathaa h'ima.m aayasmanta.m pa.laaso naabhibhuyya iriiyati.|| ||

Ta~n ce bhikkhave bhikkhu.m macchariya.m naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato macchariya.m na hoti,||
tathaa h'ima.m aayasmanta.m macchariya.m naabhibhuyya iriiyati.|| ||

Ta~n ce bhikkhave bhikkhu.m paapikaa issaa naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato paapikaa issaa na hoti,||
tathaa h'ima.m aayasmanta.m paapikaa issaa naabhibhuyya iriiyati.|| ||

Ta~n ce bhikkhave bhikkhu.m paapikaa icchaa naabhibhuyya iriiyati,||
so evam assa veditabbo:|| ||

Tathaa ayam aayasmaa pajaanaati,||
yathaa pajaanato paapikaa icchaa na hoti,||
tathaa h'ima.m aayasmanta.m paapikaa icchaa naabhibhuyya iriiyatii ti.|| ||

 


Contact:
E-mail
Copyright Statement