Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
2. Anupada Vagga

Sutta 119

Kaayagataa-Sati Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][ntbb][upal] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Atha kho sambahulaana.m bhikkhuuna.m pacchaabhatta.m pi.n.dapaatapa.tikkantaana.m upa.t.thaanasaalaaya.m sannisinnaana.m sannipatitaana.m ayamantaraa kathaa udapaadi: acchariya.m aavuso,||
abbhuta.m aavuso,||
yaava~n c'ida.m tena Bhagavataa jaanataa passataa arahataa sammaa-sambuddhena kaayagataa-sati bhaavitaa bahuliikataa mahapphalaa vuttaa mahaanisa.msaa'ti.|| ||

Aya.m ca h'ida.m tesa.m bhikkhuuna.m antaraa kathaa vippakataa hoti.|| ||

Atha kho Bhagavaa saaya.nhasamaya.m patisallaanaa vu.t.thito yena upa.t.thaanasaalaa,||
ten'upasa'nkami.Upasa'nkamitvaa pa~n~natte aasane nisiidi.|| ||

Nisajja kho Bhagavaa bhikkhuu aamantesi:|| ||

kaayanuttha bhikkhave,||
etarahi kathaaya sannisinnaa kaa ca pana vo antaraa kathaa vippakataa' ti.|| ||

[89] Idha bhante amhaaka.m pacchaabhatta.m pi.n.dapaatapa.tikkantaana.m upa.t.thaanasaalaaya.m sannisinnaana.m sannipatitaana.m ayamattaraakathaa udapaadi:|| ||

Acchariya.m aavuso,||
abbhuta.m aavuso,||
yaava~n c'ida.m tena Bhagavataa jaanataa passataa arahataa sammaa-sambuddhena kaayagataa-sati bhaavitaa bahuliikataa mahapphalaa vuttaa mahaanisa.msaa'ti.|| ||

Aya.m no bhante antaraa kathaa vippakataa.|| ||

Atha Bhagavaa anuppatto' ti.|| ||

Katha.m bhaavitaa ca bhikkhave,||
kaayagataa-sati katha.m bahuliikataa mahapphalaa hoti mahaanisa.msaa:|| ||

Idha bhikkhave,||
bhikkhu ara~n~nagato vaa rukkhamuulagato vaa su~n~naagaaragato vaa nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

So satova assasati,||
sato3 passasati.|| ||

Diigha.m vaa assasanto diigha.m assasaamiiti pajaanaati.|| ||

Diigha.m vaa passasanto diigha.m passasaamiiti pajaanaati.|| ||

Rassa.m vaa assasanto rassa.m assasaamiiti pajaanaati,||
rassa.m vaa passasanto rassa.m passasaamiiti pajaanaati.|| ||

Sabbakaayapa.tisa.mvedii assasissaamiiti sikkhati,||
sabbakaayapa.tisa.mvedii passasissaamiiti sikkhati.|| ||

Passambhaya.m kaayasankhaara.m assasissaamiiti sikkhati,||
passambhaya.m kaayasankhaara.m passasissaamiiti sikkhati.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu gacchanto vaa gacchaamiiti pajaanaati.|| ||

.Thito vaa .thitomhiiti pajaanaati.|| ||

Nisinno vaa nisinnomhiiti pajaanaati.|| ||

Sayaano vaa sayaanomhiiti pajaanaati.|| ||

Yathaa yathaa vaa panassa kaayo pa.nihito hoti.|| ||

Tathaa tathaa na.m pajaanaati.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

[90] Puna ca para.m bhikkhave,||
bhikkhu abhikkante pa.tikkante sampajaanakaarii hoti.|| ||

Aalokite vilokite sampajaanakaarii hoti.Sammi~njite pasaarite sampajaanakaarii hoti.|| ||

Sa'nghaa.tipattaciivaradhaara.ne sampajaanakaarii hoti.|| ||

Asite piite khaayite saayite sampajaanakaarii hoti.|| ||

Uccaarapassaavakamme sampajaanakaarii hoti.|| ||

Gate .thite nisinne sutte jaagarite bhaasite tu.nhibhaave sampajaanakaarii hoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa te pahiiyanti: tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaavati.|| ||

Puna ca para.m bhikkhave,||
bhikkhu imam eva kaaya.m uddha.m paadatalaa adho kesamatthakaa tacapariyan ta.m puura.m naanappakaarassa asucino paccavekkhatii: atthi imasmi.m kaaye kesaa lomaa nakhaa dantaa taco ma.msa.m nahaaru a.t.thi a.t.thimi~njaa1 vakka.m hadaya.m yakana.m kilomaka.m pihaka.m papphaasa.m anta.m antagu.na.m udariya.m kariisa.m pitta.m semaha.m pubbo lohita.m sedo medo assu vasaa khe.lo si'nghaa.nikaa lasikaa muttan' ti.|| ||

Seyyathaa pi, bhikkhave,||
ubhato mukhaa muuto.li puuraa naanaavihitassa dha~n~nassa.|| ||

Seyyathiida.m: saaliina.m viihiina.m muuggaana.m maasaana.m tilaana.m ta.n.dulaana.m,||
tam ena.m cakkhumaa puriso mu~ncitvaa paccavekkheyya: ime saalii,||
ime vihii,||
ime muggaa,||
ime maasaa,||
ime tilaa,||
ime ta.n.dulaa'ti.|| ||

Evam eva kho bhikkhave,||
bhikkhu imam eva kaaya.m uddha.m paadatalaa adho kesamatthakaa tacapariyan ta.m puura.m naanappakaarassa asucino paccavekkhati: atthi imasmi.m kaaye kesaa lomaa nakhaa dantaa taco ma.msa.m nahaaru a.t.thi a.t.thami~njaa1 vakka.m hadaya.m yakana.m kilomaka.m pihaka.m papphaasa.m anta.m antagu.na.m udariya.m kariisa.m pitta.m semha.m pubbo lohita.m sedo medo assu vasaa khe.lo si'nghaa.nikaa lasikaa muttan' ti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti samaadhiyati,||
evam pi bhikkhave,||
bhikkhu kaayagata.m sati.m bhaaveti.|| ||

[91] Puna ca para.m bhikkhave,||
bhikkhu imam eva kaaya.m yathaa.thita.m yathaapa.nihita.m dhaatuso paccavekkhati: atthi imasmi.m kaaye pa.thaviidhaatu aapodhaatu tejodhaatu vaayodhaatuti.|| ||

Seyyathaa pi, bhikkhave,||
dakkho goghaatako vaa goghaatakantevaasii vaa gaavi.m vadhitvaa caatummahaapathe1 khilaso vibhajitvaa3 nisinno assa,||
evam eva kho,||
bhikkhave,||
bhikkhu imam eva kaaya.m yathaa.thita.m yathaapa.nihita.m dhaatuso paccavekkhati: atthi imasmi.m kaaye pa.thaviidhaatu aapodhaatu tejodhaatu vaayodhaatu'ti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.da.dita.m ekaahamata.m vaa dviihamata.m vaa tiihamata.m vaa uddhumaataka.m viniilaka.m vipubbakajaata.m.|| ||

So imam eva kaaya.m upasa.mharati: 'ayam pi kho kaayo eva.mdhammo eva.mbhaavii eta.m anatiito'ti.

Tassa eva.m appamattassa aataapino pahitatssa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhata.m kaakehi vaa khajjamaana.m kulalehi vaa khajjamaana.m gijjhehi vaa khajjamaana.m suvaa.nehi vaa khajjamaana.m sigaalehi vaa khajjamaana.m vividhehi vaa paa.nakajaatehi khajjamaana.m.|| ||

So imam eva kaaya.m upasa.mharati: 'ayam pi kho kaayo eva.m dhammo eva.mbhaavi eta.m anatiito'ti.|| ||

Tassa eva.m appamattassa aataapito pahitatassa viharato ye gehasitaa sarasa.mkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

[92] Puna ca para.m bhikkhave,||
bhikkhu seyyathaa pi passeyya sariira.m siivathikaaya cha.d.dhita.m a.t.thikasa'nkhalika.m sama.msalohita.m nahaarusambandha.m.|| ||

So imam eva kaaya.m upasa.mharati: 'ayam pi kho kaayo eva.mdhammo eva.mbhaavii eta.m anatiito'ti.|| ||

Tassa eva.m appamattassa aataapino pahitattassa viharato ye gehasitaa sarasa.mkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikasa'nkhalika.m nahaarusambandha.m,||
so imam eva kaaya.m upasa.mharati: 'ayam pi kho kaayo eva.mdhammo eva.mbhaavii eta.m anatiito'ti.|| ||

Tassa eva.m appamattassa aataapino pahitattassa viharato ye gehasitaa sarasa.mkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikasa'nkhalika.m nimma.msalohitamakkhita.m nahaarusambandha.m,||
so imam eva kaaya.m upasa.mharati: 'ayam pi kho kaayo Eva.mdhammo eva.mbhaavii eta.m anatiito'ti.|| ||

Tassa eva.m appamattassa aataapino Pahitattassa viharato ye gehasitaa sarasa.mkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikasa'nkhalika.m apagatama.msalohita.m nahaarusambandha.m,||
so imam eva kaaya.m upasa.mharati: 'ayam pi kho kaayo eva.mdhammo eva.mbhaavii eta.m anatiito'ti.|| ||

Tassa eva.m appamattassa aataapino pahitattassa viharato ye gehasitaa sarasa.mkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikaani apagatasambandhaani disaavidisaasu vikkhittaani a~n~nena hattha.t.thika.m a~n~nena paada.t.thika.m a~n~nena ja'ngha.t.thika.m a~n~nena uura.t.thika.m.|| ||

A~n~nena ka.ta.t.thika.m a~n~nena pi.t.thika.n.thaka.m a~n~nena sisaka.taaha.m so imam eva kaaya.m upasa.mharati: ayam pi kho kaayo eva.mdhammo eva.mbhaavii eta.m anatiitoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikaani setaani sa'nkhava.n.nuupanibhaani so imeva kaaya.m upasa.mharati: ayam pi kho kaayo eva.mdhammo eva.mbhaavii eta.m anatiitoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikaani pu~njakitaani,||
terovassikaani,||
so imeva kaaya.m upasa.mharati: ayam pi kho kaayo eva.mdhammo eva.mbhaavii eta.m anatiitoti.|| ||

Tassa eva.m appamattassa Aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti. Puna ca para.m bhikkhave,||
bhikkhu Seyyathaa pi passeyya sariira.m siivathikaaya cha.d.dhita.m a.t.thikaani puutiini cu.n.nakajaataani,||
so imeva kaaya.m upasa.mharati: ayam pi kho kaayo eva.mdhammo eva.mbhaavii eta.m anatiitoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

So imam eva kaaya.m vivekajena piitisukhena abhisandeti parisandeti paripuureti parippharati.|| ||

Naassa ki~nci sabbaavato kaayassa vivekajena pitisukhena apphu.ta.m hoti.|| ||

Seyyathaa pi, bhikkhave,||
dakkho nahaapako vaa nahaapakantevaasii vaa ka.msathaale nahaaniiyacu.n.naani aakiritvaa udakena paripphosaka.m sanneyya.|| ||

Saassa nahaaniiyapi.n.dii snehaanugataa snehaparetaa santarabaahiraa phu.t.thaa snehena,||
na ca pagghari.nii.|| ||

Evam eva kho bhikkhave,||
bhikkhu imam eva kaaya.m vivekajena piitisukhena [93] abhisandeti,||
parisandeti,||
paripuureti,||
parippharati.|| ||

Naassa ki~nci sabbaavato kaayassa vivekajena piitisukhena apphu.ta.m hoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa,||
te pahiyantii.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu vitakkavicaarana.m vuupasamaa ajjhatta.m sampasaadana.m cetaso ekodibhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

So imeva kaaya.m samaadhijena piitisukhena abhisandeti,||
parisandeti,||
paripuureti,||
parippharati,||
naassa ki~nci sabbaavato kaayassa samaadhijena pitisukhena apphu.ta.m hoti.|| ||

Seyyathaa pi, bhikkhave,||
udakarahado gambhiiro ubabhidodako,||
tassa nev'assa puratthimaaya disaaya udakassaayamukha.m,||
na pacchimaaya disaaya udakassaayamukha.m5,||
na uttaraaya disaaya udakassaayamukha.m,||
na dakkhi.naaya disaaya udakassaayamukha.m,||
devo ca na kaalena kaala.m sammaa dhaara.m anuppaveccheyya.|| ||

Atha kho tamhaava udakarahadaa siitaa vaaridhaaraa ubabhijjitvaa6 tameva udakarahada.m siitena vaarinaa abhisandeyya parisandeyya paripuureyya paripphareyya,||
naassa ki~nci sabbaavato udakarahadassa siitena vaarinaa apphu.ta.m assa.|| ||

Evam eva kho bhikkhave,||
bhikkhu imam eva kaaya.m samaadhijena piitisukhena abhisandeti parisandeti paripuureti parippharati.|| ||

Naassa ki~nci sabbaavato kaayassa samaadhijena piitisukhena apphu.ta.m hoti.|| ||

Tassa eva.m appamattassa aataapino pahitattassa virato ye gehasitaa sarasasa'nkappaa te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiiditi,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti|| ||

Puna ca para.m bhikkhave,||
bhikkhu piitiyaa ca viraagaa upekkhako ca viharati sato ca sampajaano,||
sukha~nca kaayena pa.tisa.mvedeti.|| ||

Ya.m ta.m ariyaa aacikkhanti: 'Upekkhako satimaa sukha-vihaarii' ti,||
ta.m tatiya.m-jhaana.m upasampajja viharati.|| ||

So imam eva kaaya.m nippiitikena sukhena abhisandeti parisandeti paripuureti parippharati.|| ||

Naassa ki~nci sabbaavato kaayassa nippiitikena sukhena apphu.ta.m hoti,||
Seyyathaa pi bhikkhave,||
uppaliniya.m vaa paduminiya.m vaa pu.n.dariikiniya.m vaa appekaccaani uppalaani vaa padumaani vaa pu.n.dariikaani vaa udake jaataani udake sa.mvaddhaani udakaanuggataani anto [94] nimuggaposinii.|| ||

Taani yaava ca aggaa yaava ca muulaa siitena vaarinaa abhisannaani parisannaani paripuuraani paripphu.taani.|| ||

Naassa ki~nci sabbaavata.m uppalaana.m vaa padumaana.m vaa pu.n.dariikaana.m vaa siitena vaarinaa apphu.ta.m assa.|| ||

Evam eva kho bhikkhave,||
bhikkhu imam eva kaaya.m nippiitikena sukhena abhisandeti parisandeti paripuureti parippharati,||
naassa ki~nci sabbaavato kaayassa nippiitikena sukhena apphu.ta.m hoti.|| ||

Tassa eva.m appamattassa aataapino pahitattassa viharato ye gehasitaa sarasa'nkappaa te pahiiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi bhikkhave,||
bhikkhu kaayagata.m sati.m bhaaveti.|| ||

Puna ca para.m bhikkhave,||
bhikkhu sukhassa ca pahaanaa dukkhassa ca pahaanaa pubbe va somanassa-domanassaana.m attha'ngamaa adukkha.m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

So imam eva kaaya.m parisuddhena cetasaa pariyodaatena pharitvaa nisinno hoti,||
naassa ki~nci sabbaavato kaayassa parisuddhena cetasaa pariyodaatena apphu.ta.m hoti.|| ||

Seyyathaa pi, bhikkhave,||
puriso odaatena vatthena sasiisa.m paarupitvaa nisinno assa,||
naassa ki~nci sabbaavato kaayassa odaatena vatthena apphu.ta.m assa.|| ||

Evam eva kho bhikkhave,||
bhikkhu imam eva kaaya.m parisuddhena cetasaa pariyodaatena pharitvaa nisinno hoti.|| ||

Naassa ti~nci sabbaavato kaayassa parisuddhena cetasaa pariyodaatena apphu.ta.m hoti.|| ||

Tassa eva.m appamattassa aataapito pahitattassa viharato ye gehasitaa sarasa'nkappaa te pahiyanti.|| ||

Tesa.m pahaanaa ajjhattameva citta.m santi.t.thati,||
sannisiidati,||
ekodi hoti,||
samaadhiyati.|| ||

Evam pi kho bhikkhave,||
bhikkhu kaayagata.m sati.m bhaaveti.|| ||

Yassa kassaci bhikkhave,||
kaayagataa-sati bhaavitaa bahuliikataa antogadhaa tassa1 kusalaa dhammaa ye keci vijjaabhaagiyaa.|| ||

Seyyathaa pi, bhikkhave,||
yassa kassaci mahaasamuddo cetasaa phu.to,||
antogadhaa .Tassa1 kunnadiyo yaa kaaci samudda'ngamaa.|| ||

Evam eva kho bhikkhave,||
yassa kassaci kaayagataa-sati bhaavitaa bahuliikataa antogadhaa tassa kusalaa dhammaa ye keci vijjaabhaagiyaa.|| ||

Yassa kassaci bhikkhave,||
bhikkhuno kaayagataa-sati abhaavitaa abahuliikataa,||
labhati tassa maaro otaara.m,||
labhati tassa maaro aaramma.na.m.|| ||

Seyyathaa pi, bhikkhave,||
puriso garuka.m silaagula.m allamattikaapu~nje pakkhipeyya,||
ta.m kimma~n~natha bhikkhave,||
api nu ta.m garuka.m silaagula.m allamattikaapu~nje labhetha otaaranti.|| ||

Eva.m bhante.|| ||

[95] Evam eva kho bhikkhave,||
yassa kassaci kaayagataa-sati abhaavitaa abahuliikataa,||
labhati tassa maaro otaara.m labhati tassa maaro aaramma.na.m.|| ||

Seyyathaa pi, bhikkhave,||
sukkha.m ka.t.tha.m ko.laapa.m,||
atha puriso aagaccheyya uttaraara.ni.m aadaaya aggi.m abhinibbattessaami1.|| ||

Tejo paatukarissaamiiti2.|| ||

Ta.m kimma~n~natha bhikkhave,||
api nu so puriso amu.m sukkha.m ka.t.tha.m ko.laapa.m uttaraara.ni.m adaaya abhimatthento aggi.m abhinibbatteyya tejo paatukareyyaati.|| ||

Eva.m bhante.|| ||

Evam eva kho bhikkhave,||
yassa kassaci kaayagataa-sati abhaavitaa abahuliikataa,||
labhati tassa maaro otaara.m labhati tassa maaro aaramma.na.m.|| ||

Seyyathaa pi, bhikkhave,||
udakama.niko ritto tucjo aadhaare .thapito,||
atha puriso aagaccheyya udakabhaara.m aadaaya.|| ||

Ta.m kimma~n~natha bhikkhave,||
api nu so puriso labhetha udakassa nikkhepananti.|| ||

Eva.m bhante.|| ||

Evam eva kho bhikkhave,||
yassa kassaci kaayagataa-sati abhaavitaa abahuliikataa,||
labhati tassa maaro otaara.m labhati tassa maaro aaramma.na.m.|| ||

Yassa kassaci bhikkhave,||
kaayagataa-sati bhaavitaa bahuliikataa,||
na tassa labhati maaro otaara.m,||
na tassa labhati maaro aaramma.na.m.|| ||

Seyyathaa pi, bhikkhave,,puriso lahuka.m suttagu.la.m sabbasaaramaye aggalaphalake pakkhipeyya.|| ||

Ta.m kimma~n~natha,||
bhikkhave,||
api nu so puriso ta.m lahuka.m suttagu.la.m sabbasaaramaye aggalaphalake labhetha otaaranti.|| ||

No h'eta.m bhante.|| ||

Evam eva kho bhikkhave,||
yassa kassaci kaayagataa-sati abhaavitaa abahuliikataa,||
labhati tassa maaro otaara.m labhati tassa maaro aaramma.na.m.|| ||

Seyyathaa pi, bhikkhave,||
alla.m ka.t.tha.m sasneha.m,||
atha puriso aagaccheyya uttaraa.ni aadaaya aggi.m abhinibbattesasaami tejo paatukarissaamiti.|| ||

Ta.m [96] kimma~n~natha,||
bhikkhave,||
api nu so puriso amu.m alla.m ka.t.tha.m sasneha.m uttaraara.ni.m aadaaya abhimanthento aggi.m abhinibbatteyya tejo paatukareyyaati.|| ||

No h'eta.m bhante.|| ||

Evam eva kho bhikkhave,||
yassa kassaci kaayagataa-sati abhaavitaa abahuliikataa,||
labhati tassa maaro otaara.m labhati tassa maaro aaramma.na.m.|| ||

Seyyathaa pi, bhikkhave,||
udakama.niko puuro udakassa samatittiko kaakapeyyo aadhaare .thapito,||
atha puriso aagaccheyya udakabhaara.m aadaaya.|| ||

Ta.m kimma~n~natha bhikkhave,||
api nu so puriso labhetha udakassa nikkhepananti.|| ||

No h'eta.m bhante.|| ||

Evam eva kho bhikkhave,||
yassa kassaci kaayagato sati bhaavitaa bahulikataa,||
na tassa labhati maaro otaara.m,||
na tassa labhati maaro aaramma.na.m.|| ||

Yassa kassaci bhikkhave,||
kaayagataa-sati bhaavitaa bahuliikataa,||
so yassa yassa abhi~n~naa sacchikara.niiyassa Dhammassa citta.m abhininnaameti abhi~n~naa sacchikiriyaaya.|| ||

Tatra tatrave sakkhibhabbata.m paapu.naati sati sati aayatane.|| ||

Seyyathaa pi, bhikkhave,||
udakama.niko puuro udakassa samatittiko kaakapeyyo aadhaare .thapito,||
tam ena.m balavaa puriso yato yato aavajjeyya,||
aagaccheyya udakanti.|| ||

[97] Eva.m bhante.|| ||

Evam eva kho bhikkhave,||
yassa kassaci kaayagataa-sati bhaavitaa bahuliikataa,||
so yassa yassa abhi~n~naa sacchikara.niiyassa Dhammassa citta.m abhininnaameni abhi~n~naa sacchikiriyaaya.|| ||

Tatra tatrava sakkhibhabbata.m paapu.naati sati sati aayatane.|| ||

Seyyathaa pi, bhikkhave,||
same bhuumibhaage caturassaa pokkhara.ni assa aa.libaddhaa puuraa udakassa samatittikaa kaakapeyyaa.|| ||

Tam ena.m balavaa puriso yato yato aa.li.m mu~nceyya,||
aagaccheyya udakanti.|| ||

Eva.m bhante.|| ||

Evam eva kho bhikkhave,||
yassa kassaci kaayagataa-sati bhaavitaa bahuliikataa,||
so yassa yassa abhi~n~naa sacchikara.niiyassa Dhammassa citta.m abhininnaameti abhi~n~naa sacchikiriyaaya.|| ||

Tatra tatr'eva sakkhibhabbata.m paapu.naati sati sati aayatane.|| ||

Seyyathaa pi, bhikkhave,||
subhuumiya.m caatummahaapathe aaja~n~naratho yutto assa .thito odhastapatodo.|| ||

Tam ena.m dakkho yoggaacariyo assadammasaarathi abhiruhitvaa vaamena hatthena rasmiyo gahetvaa dakkhi.nena hatthena patoda.m gahetvaa yenicchaka.m yadicchaka.m saareyyaapi paccaasaareyyaapi evam eva kho,||
bhikkhave,||
yassa kassaci kaayagataa-sati bhaavitaa bahuliikataa,||
so yassa yassa abhi~n~naa sacchikara.niiyassa Dhammassa citta.m abhininnaameti abhi~n~naa sacchikiriyaaya,||
tatra tatr'eva sakkhi bhabbata.m paapu.naati sati sati ayatane.|| ||

Kaayagataaya bhikkhave,||
satiyaa aasevitaaya bhaavitaaya bahuliikataaya yaanikataaya vatthukataaya anu.t.thitaaya pariviitaaya susamaaraddhaaya ime dasaanisa.msaa paa.tika'nkhaa.|| ||

Katame dasa?|| ||

Aratiratisaho hoti,||
na ca ta.m arati sahati,||
uppanna.m arati.m abhibhuyya viharati,||
bhayabheravasaho hoti,||
na ca ta.m bhayabherava.m sahati,||
uppanna.m bhayabherava.m ahibhuyya viharati,||
khamo hoti siitassa u.nhassa jighacchaaya pipaasaaya .da.msamakasavaataatapasiri.msapa samphassaana.m duruttaana.m duraagataana.m vacanapathaana.m uppannaana.m saariirikaana.m vedanaana.m dukkhaana.m tippaana.m kharaana.m ka.tukaana.m asaataana.m amanaapaana.m paa.naharaana.m adhivaasakajaatiko hoti.|| ||

Catunna.m jhaanaana.m aabhicetasikaana.m di.t.tha-dhamma-sukha-vihaaraana.m [98] nikaamalaabhii hoti akicchalaabhii akasiralaabhii.|| ||

So aneka-vihita.m iddhividha.m1 paccanubhoti.|| ||

Ekopi hutvaa bahudhaa hoti.|| ||

Bahudhaapi hutvaa eko hoti.|| ||

Aaviibhaava.m tiroku.d.da.m tiropaakaara.m tiropabbata.m asajjamaano gacchati Seyyathaa pi aakaase.|| ||

Pa.thaviyaa pi ummujjanimmujja.m karoti Seyyathaa pi udake.|| ||

Udake pi abhijjamaane.|| ||

Gacchati Seyyathaa pi pa.thaviya.m.|| ||

Aakaase pi palla'nkena kamati Seyyathaa pi pakkhii saku.no.|| ||

Ime pi candimasuriye eva.mmahiddhike eva.mmahaanubhaave paa.ninaa parimasati parimajjati.|| ||

Yaava brahmalokaapi kaayena vasa.m vatteti.|| ||

Dibbaaya sotadhaatuyaa visuddhaayaa atikkantamaanusikaaya ubho sadde su.naati: dibbe ca maanuse ca ye duure santike ca.|| ||

Parasattaana.m parapuggalaana.m cetasaa ceto paricca pajaanaati: saraaga.m vaa citta.m saraaga.m cittanti pajaanaati.|| ||

Viitaraaga.m vaa citta.m viitaraaga.m cittanti pajaanaati.|| ||

Sadosa.m vaa citta.m sadosa.m cittanti pajaanaati.|| ||

Viitadosa.m vaa viitadosa.m cittanti pajaanaati.|| ||

Samoha.m vaa citta.m samoha.m cittanti pajaanaati.|| ||

Viitamoha.m vaa citta.m vitamoha.m cittanti pajaanaati.|| ||

Sa'nkhitta.m vaa citta.m sa'nkhitta.m cittanti pajaanaati.|| ||

Vikkhitta.m vaa citta.m vikkhitta.m cittanti pajaanaati.|| ||

Mahaggata.m vaa citta.m mahaggata.m cittanti pajaanaati.|| ||

Amahaggata.m vaa citta.m amahaggata.m cittanti pajaanaati.|| ||

Sauttara.m vaa citta.m sauttara.m cittanti pajaanaati.|| ||

Anuttara.m vaa citta.m anuttara.m cittanti pajaanaati.|| ||

Samaahita.m vaa citta.m samaahita.m cittanti pajaanaati.|| ||

Asamaahita.m vaa citta.m asamaahita.m cittanti pajaanaati.|| ||

Vimutta.m vaa citta.m vimutta.m cittanti pajaanaati.|| ||

Avimutta.m vaa citta.m avimutta.m cittanti pajaanaati.|| ||

So aneka-vihita.m pubbenivaasa.m anussarati.|| ||

Seyyathiida.m: [99] ekam pi jaati.m dve pi jaatiyo Tisso pi jaatiyo catasso pi jaatiyo pa~nca pi jaatiyo dasa pi jaatiyo visampi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi anekepi sa.mva.t.takappe anekepi viva.t.takappe anekepi sa.mva.t.ta-viva.t.takappe,||
amutraasi.m eva.m-naamo eva.mgotto eva.m-va.n.no evamahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto amutra udapaadii2,||
tatraapaasi.m eva.mnaamo eva.mgotto eva.m-va.n.no evamahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto idhupapanno'ti,||
iti saakaara.m sa-uddesa.m aneka-vihita.m pubbenivaasa.m anussarati.|| ||

Dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati.|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Kaayagataaya bhikkhave,||
satiyaa aasevitaaya bhaavitaaya bahulikataaya yaaniikataaya vatthukataaya anu.t.thitaaya paricitaaya susamaaraddhaaya ime dasaanisa.msaa paa.tika'nkhaati.|| ||

Idam avoca Bhagavaa.|| ||

Attamaanaa te bhikkhuu Bhagavato bhaasita.m abhinandunti.|| ||

Kaayagataasati sutta.m navama.m.


 

Contact:
E-mail
Copyright Statement