Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
5. Sa.laayatana Vagga

Sutta 149

Mahaa Sa.laayatanika Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][ntbb][upal] Eva.m me suta.m:

Eva.m me suta.m: eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame. Tatra kho Bhagavaa bhikkhuu aamantesi bhikkhavo' ti. 'Bhadante'ti te bhikkhuu Bhagavato paccassosu.m. Bhagavaa etad avoca:|| ||

2. Mahaasa'aayatanika.m vo bhikkhave, desissaami. Ta.m su.naatha saadhuka.m manasi karotha bhaasissaamiiti. Eva.m bhante' ti kho te bhikkhuu Bhagavato paccassosu.m. Bhagavaa etad avoca:|| ||

3. Cakkhu.m bhikkhave, ajaana.m apassa.m yathaabhuuta.m, ruupe ajaana.m apassa.m yathaabhuuta.m, cakkhuvi~n~naa.na.m ajaana.m apassa.m yathaabhuuta.m, cakkhusamphassa.m ajaana.m apassa.m yathaabhuuta.m, yampida.m cakkhusamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, cakkhusmi.m saarajjati, ruupesu saarajjati, cakkhuvi~n~naa.ne saarajjati, cakkhusamphasse saarajjati, yampida.m cakkhusamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati.|| ||

Tassa saarattassa sa.myuttassa sammuu.lhassa assaadaanupassino viharato aayati.m pa~ncupaadaanakkhandhaa upacaya.m gacchanti. Ta.nhaa c'assa ponobhavikaa nandiraagasahagataa tatra tatraabhinandinii, saa c'assa pava.d.dhati. Tassa kaayikaapi darathaa pava.d.dhanti, cetasikaapi darathaa pava.d.dhanti, kayikaapi santaapaa pava.d.dhanti, cetasikaapi santaapaa pava.d.dhanti, kaayikaapi pari'aahaa pava.d.dhanti, cetasikaapi pari'aahaa pava.d.dhanti, so kaayadukkhampi cetodukkhampi pa.tisa'nvedeti.|| ||

4. Sota.m bhikkhave, ajaana.m apassa.m yathaabhuuta.m, sadde ajaana.m apassa.m yathaabhuuta.m, sotavi~n~naa.na.m ajaana.m apassa.m yathaabhuuta.m, sotasamphassa.m ajaana.m apassa.m yathaabhuuta.m, yampida.m sotasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, sotasmi.m saarajjati, saddesu saarajjati, sotavi~n~naa.ne saarajjati, sotasamphasse saarajjati, yampida.m sotasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati.|| ||

5. Ghaana.m bhikkhave, ajaana.m apassa.m yathaabhuuta.m, gandhe ajaana.m apassa.m yathaabhuuta.m, ghaanavi~n~naa.na.m ajaana.m apassa.m yathaabhuuta.m, ghaanasamphassa.m ajaana.m apassa.m yathaabhuuta.m, yampida.m gandhasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, ghaanasmi.m saarajjati, gandhesu saarajjati, ghaanavi~n~naa.ne saarajjati, ghaanasamphasse saarajjati, yampida.m ghaanasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati.|| ||

6. Jivha.m bhikkhave, ajaana.m apassa.m yathaabhuuta.m, rasaa ajaana.m apassa.m yathaabhuuta.m, jivhaavi~n~naa.na.m ajaana.m apassa.m yathaabhuuta.m, jivhaasamphassa.m ajaana.m apassa.m yathaabhuuta.m, yampida.m jivhaasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, jivhasmi.m saarajjati, rasesu saarajjati, jivhaavi~n~naa.ne saarajjati, jivhaasamphasse saarajjati, yampida.m jivhaasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati.|| ||

7. Kaaya.m bhikkhave, ajaana.m apassa.m yathaabhuuta.m, pho.t.thabbe ajaana.m apassa.m yathaabhuuta.m, kaayavi~n~naa.na.m ajaana.m apassa.m yathaabhuuta.m, kaayasamphassa.m ajaana.m apassa.m yathaabhuuta.m, yampida.m kaayasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, kaayasmi.m saarajjati, pho.t.thabbesu saarajjati, kaayavi~n~naa.ne saarajjati, kaayasamphasse saarajjati, yampida.m kaayasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati.|| ||

8. Mana.m bhikkhave, ajaana.m apassa.m yathaabhuuta.m, dhamme ajaana.m apassa.m yathaabhuuta.m, manovi~n~naa.na.m ajaana.m apassa.m yathaabhuuta.m, manosamphassa.m ajaana.m apassa.m yathaabhuuta.m, yampida.m manosamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi ajaana.m apassa.m yathaabhuuta.m, manasmi.m saarajjati, dhammesu saarajjati, manovi~n~naa.ne saarajjati, manosamphasse saarajjati, yampida.m mano-samphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi saarajjati. Tassa saarattassa sa.myuttassa sammuu.lhassa assaadaanupassino viharato aayati.m pa~ncupaadaanakkhandhaa upacaya.m gacchanti. Ta.nhaa c'assa ponobhavikaa nandiraagasahagataa tatratatraabhinandinii, saa c'assa pava.d.dhati. Tassa kaayikaapi darathaa pava.d.dhanti, cetasikaapi darathaa pava.d.dhanti, kaayikaapi santaapaa pava.dhanti, cetasikaapi santaapaa pava.d.dhanti, kaayikaapi pari'aahaa pava.d.dhanti, cetasikaapi pari'aahaa pava.d.dhanti, so kaayadukkhampi cetodukkhampi pa.tisa'nvedeti.|| ||

9. Cakkhu~nca kho bhikkhave, jaana.m passa.m yathaabhuuta.m, ruupe jaana.m passa.m yathaabhuuta.m, cakkhuvi~n~naa.na.m jaana.m passa.m yathaabhuuta.m, cakkhusamphassa.m jaana.m passa.m yathaabhuuta.m, yampida.m cakkhusamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, cakkhusmi.m na saarajjati, ruupesu na saarajjati, cakkhuvi~n~naa.ne na saarajjati, cakkhusamphasse na saarajjati, yampida.m cakkhusamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tasmimpi na saarajjati.|| ||

Tassa asaarattassa asa.myuttassa asammuu.lhassa aadiinavaanupassino viharato aayati.m pa~ncupaadaanakkhandhaa apacaya.m gacchanti. Ta.nhaa c'assa ponobhavikaa nandiraagasahagataa tatratatraabhinandinii, saa c'assa pahiiyati. Tassa kaayikaapi darathaa pahiiyanti, cetasikaapi darathaa pahiiyanti, kaayikaapi santaapaa pahiiyanti, cetasikaapi santaapaa pahiiyanti, kaayikaapi pari'aahaa pahiiyanti, cetasikaapi pari'aahaa pahiiyanti, so kaayasukhampi cetosukhampi pa.tisa'nvedeti.|| ||

10. Yaa yathaabhuutassa di.t.thi, saa'ssa hoti sammaadi.t.thi. Yo tathaabhuutassa sa'nkappo, svaassa hoti sammaasa'nkappo. Yo tathaabhuutassa vaayaamo, svaassa hoti sammaavaayaamo. Yaa tathaabhuutassa sati, saa'ssa hoti sammaasati. Yo tathaabhuutassa samaadhi, svaassa hoti sammaasamaadhi. Pubbeva kho panassa kaaya-kamma.m vacii-kamma.m aajiivo suparisuddho hoti. Evamassaaya.m ariyo a.t.tha'ngiko maggo bhaavanaaparipuuri.m gacchati. Tassa eva.m ima.m ariya.m a.t.tha'ngika.m magga.m bhaavayato cattaaropi satipa.t.thaanaa bhaavanaa-paaripuuri.m gacchanti. Cattaaropi sammappadhaanaa bhaavanaa-paaripuuri.m gacchanti. Cattaaropi iddhipaadaa bhaavanaa-paaripuuri.m gacchanti. Pa~nca pi indriyaani bhaavanaa-paaripuuri.m gacchanti pa~nca pi balaani bhaavanaa-paaripuuri.m gacchanti. Sattapi bojjha'ngaa bhaavanaa-paaripuuri.m gacchanti. Tassime dve dhammaa yuganaddhaa vattanti samatho ca vipassanaa ca. So ye dhammaa abhi~n~naa pari~n~neyyaa, te dhamme abhi~n~naa parijaanaati. Ye'dhammaa abhi~n~naa pahaatabbaa, te dhamme abhi~n~naa pajahatii. Ye'dhammaa abhi~n~naa bhaavetabbaa, te dhamme abhi~n~naa bhaaveti. Ye'dhammaa abhi~n~naa sacchikaatabbaa, te dhamme abhi~n~naa sacchikaroti.|| ||

11. Katame ca bhikkhave, dhammaa abhi~n~naa pari~n~neyyaa: pa~ncupaadaanakkhandhaatissa vacaniiya.m. Seyyathiida.m: ruupuupaadaanakkhandho vedanuupaadaanakkhandho sa~n~nuupaadaanakkhandho sankhaaruupaadaanakkhandho vi~n~naa.nuupaadaanakkhandho. Ime dhammaa abhi~n~naa pari~n~neyyaa. Katame ca bhikkhave, dhammaa abhi~n~naa pahaatabbaa: avijjaa ca bhavata.nhaa ca. Ime dhammaa abhi~n~naa pahaatabbaa. Katame ca bhikkhave, dhammaa abhi~n~naa bhaavetabbaa: samatho ca vipassanaa ca. Ime dhammaa abhi~n~naa bhaavetabbaa. Katame ca bhikkhave, dhammaa abhi~n~naa sacchikaatabbaa: vijjaa ca vimutti ca. Ime dhammaa abhi~n~naa sacchikaatabbaa.|| ||

12. Sota.m bhikkhave, jaana.m passa.m yathaabhuuta.m, sadde jaana.m passa.m yathaabhuuta.m, sotavi~n~naa.na.m jaana.m passa.m yathaabhuuta.m, sotasamphassa.m jaana.m passa.m yathaabhuuta.m, yampida.m sotasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, sotasmi.m na saarajjati. Saddesu na saajjati. Sotavi~n~naa.ne na saarajjati. Sotasamphasse na saarajjati. Yampida.m manosamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa. Tasmimpi na saarajjati.|| ||

13. Ghaana.m bhikkhave, jaana.m passa.m yathaabhuuta.m, gandhe jaana.m passa.m yathaabhuuta.m, ghaanavi~n~naa.na.m jaana.m passa.m yathaabhuuta.m, ghaanasamphassa.m jaana.m passa.m yathaabhuuta.m, yampida.m ghaanasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, ghaanasmi.m na saarajjati. Gandhesu na saajjati. Ghaanavi~n~naa.nena saarajjati. Ghaanasamphasse na saarajjati. Yampida.m ghaanasamphassa-paccayaa uppajjati vedayita.m sukha.m vaa dukkha.m vaa a dukkhamasukha.m vaa. Tasmimpi na saarajjati.|| ||

14. Jivha.m bhikkhave, jaana.m passa.m yathaabhuuta.m, rasaa jaana.m passa.m yathaabhuuta.m, jivhaavi~n~naa.na.m jaana.m passa.m yathaabhuuta.m, jivhaasamphassa.m jaana.m passa.m yathaabhuuta.m, yampida.m jivhaasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, jivhasmi.m na saarajjati. Rasesu na saarajjati. Jivhaavi~n~naa.ne na saarajjati. Jivhaasamphasse na saarajjati. Yampida.m jivhaasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa. Tasmimpi na saarajjati.|| ||

15. Kaaya.m bhikkhave, jaana.m passa.m yathaabhuuta.m, po.t.thabbe jaana.m passa.m yathaabhuuta.m, kaayavi~n~naa.na.m jaana.m passa.m yathaabhuuta.m, kaayasamphassa.m jaana.m passa.m yathaabhuuta.m, yampida.m kaayasamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, kaayasmi.m na saarajjati. Po.t.thabbesu na saajjati. Kaayavi~n~naa.ne na saarajjati. Kaayasamphasse na saarajjati. Yampida.m kayesamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa. Tasmimpi na saarajjati.|| ||

16. Mana.m bhikkhave, jaana.m passa.m yathaabhuuta.m, dhamme jaana.m passa.m yathaabhuuta.m, manovi~n~naa.na.m jaana.m passa.m yathaabhuuta.m, manosamphassa.m jaana.m passa.m yathaabhuuta.m, yampida.m manosamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa, tampi jaana.m passa.m yathaabhuuta.m, manasmi.m na saarajjati. Dhammesu na saajjati. Manovi~n~naa.ne na saarajjati. Manosamphasse na saarajjati. Yampida.m manosamphassa-paccayaa uppajjati vedayita.m sukha.m vaa dukkha.m vaa adukkha-m-asukha.m vaa. Tasmimpi na saarajjati.|| ||

Tassa asaaratassa asa.myuttassa asammuu.lhassa aadiinavaanupassino viharato aayati.m pa~ncupaadaanakkhandhaa apacaya.m gacchanti. Ta.nhaa c'assa ponobhavikaa nandiraagasahagataa tatra tatraabhinandiinii, saa c'assa pahiiyati. Tassa kaayikaapi darathaa pahiiyanti kaayikaapi santaapaa pahiiyanti. Cetasikaapi santaapaa pahiiyanti. Kaayikaapi pari'aahaa pahiiyanti. Cetasikaapi pari'aahaa pahiiyanti. So kaayasukhampi cetosukhampi pa.tisa'nvedeti.|| ||

17. Yaa tathaabhuutassa di.t.thi, saa'ssa hoti sammaadi.t.thi. Yo tathaabhuutassa sa'nkappo, svaassa hoti sammaasa'nkappo. Yo tathaabhuutassa vaayaamo, svaassa hoti sammaavaayaamo. Yaa tathaabhuutassa sati, saa'ssa hoti sammaasati. Yo tathaabhuutassa samaadhi. Svaassa hoti sammaasamaadhi. Pubbeva kho panassa kaaya-kamma.m vacikamma.m aajiivo suparisuddho hoti. Evamassaaya.m ariyo a.t.tha'ngiko maggo bhaavanaapaaripuuri.m gacchati.|| ||

Tassa eva.m ima.m ariya.m a.t.tha'ngika.m magga.m bhaavayato cattaaropi satipa.t.thaanaa bhaavanaapaaripuuri.m gacchanti. Cattaaropi sammappadhaanaa bhaavanaapaaripuuri.m gacchanti. Cattaaropi iddhipaadaa bhaavanaapaaripuuri.m gacchanti. Pa~nca pi indriyaani bhaavanaapaaripuuri.m gacchanti. Pa~nca pi balaani bhaavanaapaaripuuri.m gacchanti. Sattapi bojjha'ngaa bhaavanaa-paaripuuri.m gacchanti. Tassime dve dhammaa yuganaddhaa vattanti samatho ca vipassanaa ca. So ye dhammaa abhi~n~naa pari~n~neyyaa, te dhamme abhi~n~naa parijaanaati. Ye'dhammaa abhi~n~naa pahaatabbaa. Te dhammaa abhi~n~naa pajahati. Ye'dhammaa abhi~n~naa bhaavetabbaa, te dhamme abhi~n~naa bhaaveti. Ye'dhammaa abhi~n~naa sacchikaatabbaa, te dhamme abhi~n~naa sacchikaroti.|| ||

18. Katame ca bhikkhave, dhammaa abhi~n~naa pari~n~neyyaa: pa~ncupaadaanakkhandho'tissa vacaniiya.m seyyathiida.m: ruupuupaadaanakkhandho vedanuupaadaanakkhandho sa~n~nuupaadaanakkhandho sankhaaruupaadaanakkhandho vi~n~naa.nuupaadaanakkhandho. Ime dhammaa abhi~n~naa pari~n~neyyaa.|| ||

Katame ca bhikkhave, dhammaa abhi~n~naa pahaatabbaa: avijjaa ca bhavata.nhaa ca. Ime dhammaa abhi~n~naa pahaatabbaa. Katame ca bhikkhave, dhammaa abhi~n~naa bhaavetabbaa: samatho ca vipassanaa ca. Ime dhammaa abhi~n~naa bhaavetabbaa. Katame ca bhikkhave, dhammaa abhi~n~naa sacchikaatabbaa: vijjaa ca vimutti ca. Ime dhammaa abhi~n~naa sacchikaatabbaati. Idamo ca Bhagavaa. Attamanaa te bhikkhuu Bhagavato bhaasita.m abhinandunti.|| ||

Mahaasa'aayatanikasutta.m sattama.m


 

Contact:
E-mail
Copyright Statement