Saɱyutta Nikāya
5. Mahā-Vagga
56. Sacca Saɱyutta
2. Dhamma-Cakka-Pavattana Vagga

Sutta 11

Dhamma-Cakka-p-Pavattana Suttaɱ
Paṭhama Tathāgatena Vutta

Sutta Long Stat Long Tanim Wil Bilong Tok Tru

Sourced from BuddhaNet
For free distribution only
Buddhist Information and Education Network
Web site: www.buddhanet.net
Buddha Dharma Education Association Inc.
PO Box K1020 Haymarket NSW 2000 Australia

 

---

 

[1][pts] Mi, Ananda, bin harim olesem taem Klia Save Man i bin stap long Benares long Deer Park long Isipatana. Em i bin toktok i go long faevpela bhikkhus o monks:

Bhikkhus, tupela saet longwe i no gutpela long ol bhikkhu o monk long bihaenim. Wonem dispela tupela? I gat man i laekim tumas long sigarap, long paul-paul nabaut na gidapim ol kaenkaen pilim. Dispela i pasin daun bilo, na i no smat, na bai i bagarapim dispela man. I gat dispela man i laek go tumas long traiim strong bilong em long winim pen na bagarapim em iet. Dispela i save wokim bodi i pen, na em i no smat na bai i bagarapim dispela man.

Husat i kamap wanpela Klia Save Man inap luk save long rot long namel long dispela tupela. Dispela kaen rot i givim save, hamamas, peace, opim tingting i kamap klia na winim nibbana. Na wonem dispela namel rot? Em dispela gutpela eitpela step o rot olesem: klia na stret save na tingting; stretpela laek long wokim samting; stretpela toktok; wokim samting stret; stretpela rot long winim moni na sindaun; stretpela trai hat; lukluk gut long ol tingting; strongim gut tingting. Ol dispela em i dispela namel rot mi bin paendim, na em i save opim tingting i kamap klia, givim save tru, peace, hamamas na nibbana.

Ol hevi, olesem samting i tru-tru, i olesem: Kamap born i wanpela hevi, kamap lapun i hevi, kisim sik i hevi, dai emi hevi, wari, pen, karai i hevi, stap wantaem samting yu no laekim i hevi, lusim ol poroman na wantok i hevi, no inap long kisim wonem samting yu laekim i hevi. Olesem ol samting yumi laek holim pas i save wokim hevi.

Gidap bilong ol hevi, olesem samting i tru-tru, i olesem: Em i strongpela laek i save gidapim tingting long kamap, wantaem hamamas na sigarap, olesem em i laek long kisim ol gutpela pilim, laek long stap o noken stap.

Pinis bilong ol hevi, olesem samting i tru-tru, i olesem: Em i larim na pinisim, na lusim na rausim ol dispela strongpela laek.

Rot long lusim ol hevi, olesem samting i tru-tru, i olesem: Em i dispela gutpela eitpela step, olesem: klia na stret save na tingting; stretpela laek long wokim samting; stretpela toktok; wokim samting stret; stretpela rot long winim moni na sindaun; stretpela trai hat; lukluk gut long ol tingting; strongim gut tingting.

Hevi, olesem wanpela samting tru-tru, em i dispela: em i kamap klia, em i kamap laet, em i kamap wanpela save mi no bin harim bipo.

Dispela ol hevi, olesem samting tru-tru, yumi inap paendim as bilong em: em i kamap klia, em i kamap laet, em i kamap wanpela save mi no bin harim bipo.

Dispela ol hevi, olesem samting tru-tru, mi paendim as bilong em: em i kamap klia, em i kamap laet, em i kamap wanpela save mi no bin harim bipo.

Kamap o as bilong ol dispela ol hevi, olesem samting tru-tru, em dispela: em i kamap klia, em i kamap laet, em i kamap wanpela save mi no bin harim bipo.

Dispela as bilong ol hevi, olesem samting tru-tru, yumi inap long lusim: em i kamap klia, em i kamap laet, em i kamap wanpela save mi no bin harim bipo.

Dispela as bilong ol hevi, olesem samting i tru-tru, mi lusim olgeta: em i kamap klia, em i kamap laet, em i kamap wanpela save mi no bin harim bipo.

Pinis bilong ol hevi. olesem wanpela samting i tru-tru, em dispela: em i kamap klia, em i kamap laet, em i kamap wanpela save mi no bin harim bipo.

Dispela pinis bilong ol hevi, olesem samting tru-tru, mi inap long soim olesem i tru olgeta: em i kamap klia, em i kamap laet, em i kamap wanpela save mi no bin harim bipo. Dispela pinis bilong ol hevi, olesem samting tru-tru, mi soim pinis olesem i tru olgeta: em i kamap klia, em i kamap laet, em i kamap wanpela save mi no bin harim bipo.

Rot long pinisim ol hevi, olesem samting tru-tru, em dispela: em i kamap klia, em i kamap laet, em i kamap wanpela save mi no bin harim bipo.

Rot long pinisim ol hevi, olesem samting tru-tru, yumi inap long bihaenim: em i kamap klia, em i kamap laet, em i kamap wanpela save mi no bin harim bipo.

Rot long pinisim ol hevi, olesem samting tru-tru, mi bihaenim pinis: em i kamap klia, em i kamap laet, em i kamap wanpela save mi no bin harim bipo.

Taem save na tingting bilong mi i no bin klia olgeta long dispela twelvpela, dispela tripela hap long wanwan fopela samting i tru-tru olgeta, mi no bin tokaut olesem mi bin kisim kila save tru insaet long dispela wol wantaem ol god, angelo, monk, chief na man. Tasol taem save na tingting bilong mi i kamap klia tru long dispela twelvpela, dispela tripela hap long wanwan fopela samting i tru-tru olgeta, mi bin inap long tokaut olesem mi bin paendim klia save tru, antap long ol nadapela insaet long dispela wol wantaem ol god, angelo, monk, chief na man.

Save na tingting i bin kamap olesem: Nau mi fri olgeta, bai mi mas go kamap olgeta. Mi no inap long born gen. Mi no inap long kamap moa.

Em i bin toktok bilong Klia Save Man. Ol faevpela bhikkhu i bin hamamas long toktok bilong em.

Nau taem dispela toktok i bin stap, insaet long het bilong bhikkhu Konndanna i bin kisim klia save long samting i tru olgeta: 'Wonem samting i kamap i mas pinis, tupela, kamap na pinis, i pas wantaem'.

Taem Buddha i bin stat long tanim wil bilong tok tru ol god bilong graun i bin singaut olesem: 'Long Benares, long Deer Park long Isipatana, dispela man i kisim Klia Save Tru i stat long tainim dispela gutpela tru wil bilong tokaut tru olgeta. Bai i nogat wanpela i ken pasim ron bilong em.' Taem ol i harim dispela singaut, olgeta god long heven, i go antap olgeta, i bin singaut na traipela guria na laet i bin kamap.

Na Buddha i bin tokaut olesem: 'Kondanna save! Kondanna save! Na dispela i rot long Kondanna i bin kisim nem, Anna-Kondanna, Kondanna husat i save.