Puggala-Paññatti
Edited by Richard Morris, M.A., LL.D.
Chapter 5: Pañca Puggalā

§ 5.1
[pts]

Ō The Pali Text Society

 

---

 

Tatra yvāyaṁ puggalo ārabhati ca vippaṭisārī ca hoti tañ ca ceto-vimuttiṁ paññā-vimuttiṁ yathā-bhūtaṁ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṁ assa vacanīyo: - āyasmato kho ārambhajā āsavā saṁvijjanti vippaṭi-sārajā āsavā pavaḍḍhanti, sādhu vatāyasmā ārambhaje āsave pahāya vippaṭisāraje āsave paṭivinodetvā cittaṁ paññañ ca bhāvetu, evam āyasmā, amunā pañcamena puggalena samasamo bhavissatī ti.|| ||

Tatra yvāyaṁ puggalo ārabhati na vippaṭisārī hoti tañ ca ceto-vimuttiṁ paññā-vimuttiṁ yathā-bhūtaṁ na-p-pajānāti yatth'assa te uppannā pāpakā akusalā dhammā aparisesā nirujjhanti so evaṁ assa vacanīyo: - āyasmato kho ārambhajā āsavā samvijjanti vippaṭi-sārajā āsavā nappavaḍḍhanti, sādhu vatāyasmā ārambhajā āsave pahāya cittaṁ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati vippaṭisārī hoti tañ ca ceto-vimuttiṁ paññā-vimuttiṁ yathā-bhūtaṁ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṁ assa vacanīyo: - āyasmato kho ārambhajā āsavā na samvijjanti vippaṭi-sārajā āsavā pavaḍḍhanti, sādhu vatāyasmā vippatisaraje āsave pativinodetva cittaṁ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati na vippaṭisārī hoti tañ ca ceto-vimuttiṁ paññā-vimuttiṁ yathā-bhūtaṁ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṁ assa vacanīyo: - āyasmato kho ārambhajā āsavā na samvijjanti vippaṭi-sārajā āsavā nappavaḍḍhanti, sādhu vatāyasmā cittaṁ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Ime cattaro puggala amunā pañcamena puggalena evaṁ ovadiyamānā evam anusasiyamānā anupubbena āsavānaṁ khayam pāpuṇanti.|| ||