Aṅguttara-Nikāya
III. Tika Nipāta
XIII. Kusināra Vagga

Sutta 127

Paṭhama Anuruddha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[281]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Atha kho āyasmā Anuruddho yena Bhagavā ten'upasaṅkami.|| ||

Upasaṅkamitvā Bhagavantaṃ abivādetvā eka-m-antaṃ nisīdi.|| ||

Eka-m-antaṃ nisinnaṃ kho āyasmā Anuruddho Bhagavantaṃ etad avoca:|| ||

"Idāhaṃ bhante dibbena cakkhunā visuddhena atikkanta-mānusakena yebhuyyena passāmi mātu-gāmaṃ kāyassa bhedā param maranā apāyaṃ duggataṃ vinipātaṃ Nirayaṃ upapajjamānaṃ.|| ||

Katihi nu ko bhante dhammehi samannāgato mātu-gāmo kāyassa bhedā param maranā apāyaṃ duggatiṃ vinipātaṃ Nirayaṃ uppajjatī" ti?|| ||

■

2. "Tīhi kho Anuruddha dhammehi samannāgato mātu-gāmo kāyassa bhedā param maraṇā apāyaṃ duggatiṃ vinipātaṃ Nirayaṃ uppajjati.|| ||

Katamehi tī hi?|| ||

Idha Anurāddha mātu-gāmo pubbaṇha-samayaṃ macchera-mala-pariyuṭṭhitena cetasā agāraṃ ajjhā-vasati.|| ||

■

Majjhantikaṃ samayaṃ issā-pariyuṭṭhitena cetasā agāraṃ ajjhā-vasati.|| ||

■

Sāyanha-samayaṃ kāma-rāga-pariyuṭṭhitena cetasā agāraṃ ajjhā-vasati.|| ||

Imehi kho Anuruddha tīhi dhammehi samannāgato mātu-gāmo kāyassa bhedā param maranā apāyaṃ duggatiṃ vinipātaṃ Nirayaṃ upapajjatī" ti.|| ||